لالا ياجماعة السيراتو بتجري جري مش طبيعي !!

**elmoski** · 20-09-2009 08:25 AM

انا بجد مش مصدق نفسي انا الحمدلله معايا النيو سيراتو بقالها اسبوع وطبعا عملت لحد دلوقت حوالي 400 كيلو وانا طبعا بصراحة بحسس عليها عشان حوار التليين ومن كتر منا بمشي بيها براحة اوي افتكرت انها مش هتشد حتة مع 28 ههههههه المهم اتنفخت من الحوار ده وقررت انهاردة اني اشد بقي علي البنزين شوية بمناسبة العيد وبجد مصدقتش اللي حصل اكن السيراتو ركبها مليووووون عفريت كنت ماشي علي 70 تقريبا وجبت بنزين ع الاخر مرة واحدة لقيت السيراتو بطنط نطة بجد كأنها صاروخ ارض جوووو وهسيبكم تتخيلو الباقي .....

**Mshawky** · 20-09-2009 08:28 AM

'طب كويس انك كل يوم اعجابك بالعربيه بيزيد ولكن حافظ على الموتور واصبر لحد حتى 1500 كيلو وبعدين اجرى وقفل عداد كمان

**lol1986** · 20-09-2009 08:47 AM

المشاركة الأصلية كتبت بواسطة mshawky

'طب كويس انك كل يوم اعجابك بالعربيه بيزيد ولكن حافظ على الموتور واصبر لحد حتى 1500 كيلو وبعدين اجرى وقفل عداد كمان

مبروك عليك الاول
وبختلف معاكو فى حاجة يجماعه فى موضوع التليين ده ماتحسسش اوى ولا تكبس اوى
خليك معتدل سوق سواقة طبيعية
عشان البساتم تقدر تطبع على الضغط العالى
ومتنساش موتور 1600 على عربية وزنها يتعدى ال 1200 كيلو بحاجات بسيطة لازم يجرى ودى 124 حصان
ومبروك عليك

**someee** · 20-09-2009 08:48 AM

علي فكرة حوار الجري و ماتعديش ال80 ده حوار فاكس, انت لييك بالrpm مش بالسرعة, المفروض ماتعديش 4 rpm طول فترة التليين او اول 1000 كم وعيش

ممكن تجيب 120 كم/س علي 4 rpm , انا كنت فاكر زيك كدا اول ماجبتها بس لما قريت الكتالوج بتاعها كلو و فصصتو لقيت مكتوب انك في اول الف كيلو لازم الrpm مابين 2 و 4 .

**lol1986** · 20-09-2009 09:04 AM

المشاركة الأصلية كتبت بواسطة someee

علي فكرة حوار الجري و ماتعديش ال80 ده حوار فاكس, انت لييك بالrpm مش بالسرعة, المفروض ماتعديش 4 rpm طول فترة التليين او اول 1000 كم وعيش

ممكن تجيب 120 كم/س علي 4 rpm , انا كنت فاكر زيك كدا اول ماجبتها بس لما قريت الكتالوج بتاعها كلو و فصصتو لقيت مكتوب انك في اول الف كيلو لازم الrpm مابين 2 و 4 .

عشان كده بنمشى على المتوسط وعشان مانقولش بنحسس وده مش حلو يبقى 3500

وعلى فكرة العربية اوتوماتيك يعنى 120 يكون ال ار بى ام على 3

يعم امشى بالمثل المصرى الشهير
ابن اصملا مايعيش

لازم ياخد على الجو المصرى

**M.ABDEEN** · 20-09-2009 09:08 AM

مبروك يا باشا وانت بتكلم في 1600 2 كامة 124 حصان يعني وحش كاسر وهجام

**lol1986** · 20-09-2009 09:39 AM

المشاركة الأصلية كتبت بواسطة mohammedsamirabdeen

مبروك يا باشا وانت بتكلم في 1600 2 كامة 124 حصان يعني وحش كاسر وهجام

مش للدرجة دى يامحمد بيه اه الموتور محترم
بس مش وحش كاسر امال نقول ايه على الموتور ال 200 وال 2400 بتاعها
ولا الارقام الكبيرة اللى موجوده فى العربيات التانية

**m7mdayman** · 20-09-2009 10:47 AM

انا عايز اقولكم ان انا بجري بالبيكانتوا بتاعتي لسرعة 160 يعني بخلي المكنة تقول ارحمني يرحمك ربــنا ...

امبارح صديق ليـا مستلم السيراتو اعلى فئة فيهــا وعامل زي حلاتي مبيصبرش ابدا فدافع حقها وزيادة عليه شوية علشان من سمير يان حبيب الملاين ... ومستلم فـوري ..

المهم صحبي دة ماهواش جراي نهائيا .. وكان نفسه يجرب العربية وهي بتجري وكدا يعنــي ...

المهم ازحت المحــور ما بين 120 و 140 ..

وبعدين اول ما عدينا الكارته بحوالي 3 كيلــوا .. جنونة الجري عندي اشتغلــت ...

الكاسيت على اعلى حاجــة ... وحزام الامان عليا وعلى زميلي وهو قاعد جمبي بالبدلة الميـــري .. اصله ظابط شرطة بعيد عن السامعيــن ..

وانطلقت انا والسيــراتــو ..

لحد 170 انا كنت مرتاح ومفيش اي مشكلــة ..

من 170 لحد ال 200 .. بدأت احس اني لازم اركز اوي اوي ..

بس العربية بصراحة لحد 200 كيلوا في الساعة وهي مبقتولش لاء وعايز تكمـل معندهاش مشكلـــة ..

هي مكنتها اثبتت انها مكنة فعــلا .. انما من جوا العربية مكنش عاجبني مش الشكل الخامات نفســها .. بس بالنسبة لسعــرها تعتبر عربية جبارة بصـراحة من بعد ما جربتها

كل سنة وانتم طيبين جميعــا