جودة دهان امبريزا موديل 2009

**tsakr1979** · 21-09-2009 12:35 AM

عيد سعيد على أحلى شباب
انا عندي امبريزا موديل 2009 لونها شامبين وملاحظ حاجة غريبة جدا ,
الدهان بتاع الاكصدامات ضعيف جدا , الحواف بتاعت الاكصدام أغلبها تقشر وبان لون الفيبر الاسود تحته
يا ترى حد غيري ظهر عنده المشكلة دي ؟
يا ترى حلها ايه , يعني لازم تترش الاكصدامات كلها ولا ممكن التقشير ده يتعالج

طارق صقر

**ahmad7610** · 21-09-2009 01:40 AM

ربنا يباركلك فى العربية و اختيار موفق ..
-
معظم عربيات 2009 اليابانى اكصدامها ورق و دهانها ضعيف بس مش للدرجة دى ... أكيد حد ريح على عربيتك أو حد ابن حلال وهو بيركن علم على الاكصدام ..
-
لكن الدهان مش بيوقع لوحده ولا حاجة .. هو ضعيف و من أأقل حكة بيبان الفيبر ده صحيح .. لكن ده حال كل الاكصدامات الفيبر ..
-
الموضوع طبعا له حل ممكن ترش كله بس حرام يعنى .. ممكن واحد كويس يعالج الخدوش دى بنفس درجة اللون .. طبعا مش حيبقى بنفس لمعة الأصلى .. لكن على الأقل مش حيبقى أسود

**tsakr1979** · 21-09-2009 02:03 AM

الله يبارك فيك يا أحمد بيك ,
المشكلة أن التقشير مش بسبب خبطة أو حكة , ده في حرف الاكصدام من الاجناب ومن تحت
حاجة بصراحة تفقع
بعد العيد أن شاء الله هروح التوكيل واشوف رأيهم ايه

**mantoros** · 21-09-2009 12:23 PM

don't mind such trivial issues.........most bumpers are like this............the car is a legend

happy eid

**tsakr1979** · 21-09-2009 12:53 PM

العربية فعلا تحفة يا دكتور شامل ,
بس أصل تمنها لسة مبردش

**khalid_adel** · 23-09-2009 07:11 AM

الف مبروك على العربيه الاول وربنا يباركلك فيها
بالنسبه للدهان كان في موضوع عن مشكله في الدهان بس كان في الامبريزا موديل 2008 وكان في سريال للعربيات دي واللي كان منهم بيروح التوكيل يعالج له الموضوع ده وبيحطو طبقه بلاستيك شفافه على صاج وده كان في الرفارف الخلفيه بالذات
اما موضوع الاكصدامات ده انا مسمعتش عنه مشكله بس جايز يكون بسبب الدهان او من انك بتمشي في طرق فيها رمله كتير
في كل الاحوال روح التوكيل ووريهم الموضوع وهما اكيد هيعالجوه او على الاقل هيوقفوه عشان مايزدش منك

**ahmad7610** · 23-09-2009 09:33 PM

مش عارف ممكن يطلع عندك كده ولا لأ ..
-
أنا شخصيا مش بخرج بالعربية كتير وبأغسلها فى الجراج بنفسى .. لاحظت إن العربية أحيانا فيها خرابيش من تحت وعند الفوجات بالطول .. من غير سبب ... فى الاخر اكتفشت ان القطط هى اللى عملت كده .. تخيل ؟

**tsakr1979** · 23-09-2009 10:16 PM

الله يبارك فيكم ,
تصدق إن ممكن فعلا موضوع ال قطط ده يطلع هو السبب .
بس ال مشكلة أن الدهان شكله زي مايكون متقشر مش باين فيه أي خربشة , عموما انا هروح الصيانة في المعادي يوم السبت إن شاء الله واشوف رأيهم ايه

**Samir_Adel** · 30-09-2009 12:30 AM

بجد حرام!
ان انت عايز تجيب بويا علي الأكصدامات.. دي عربية محترمة و موديل 2009.. يعني قيمتها هتنزل جامد جدا! 98% من اكصدامات العربيات في مصر مجرحة و البوية واقعة و الفيبر باين.. سيبها فابريكة كدة و انسي.