الحقوني لمبة الcheck engin نورت

**ELzanatti** · 16-09-2009 10:02 AM

السلام عليكم
من حوالي 3 اسابيع كنت بدور العربية الصبح لاقيت لمبة ال check منورة و بعد شوية لاقيتها انطفط لوحدها, و بعد 5 ايام نورت تاني روحت البنزينة و خليت الراجل ينضف الموتور بالهواء فقط و بعد شوية طفط , الناهردة و انا جاي الشغل - في الطريق- لاقتها نورت انا مش عارف اعمل اية و دة ممكن يكون اية؟ , انا مسافر بعد بكرة و انا قلقان.
اسف علي الاطالة.

**khalid_adel** · 16-09-2009 12:20 PM

بص هي اللمبه دي اللي اعرفه انها ممكن تكون بسبب اي سنسور اللي ليهم علاقه بالاحتراق ( الموتور ) يكونو مش قارين صح او النسب متفاوته غير الطبيعي سواء هواء بنزين عادم احتراق و غيره
ممكن شويه تراب على دخلو على سنسور الهوا تخليها تنور
بس الافضل طبعا تروح التوكيل وهما هيكشفو بالكمبيوتر على السنسورز كلها وحيعرفو على طول ان شاء الله وتلحق تظبطها
لان السنسورز دي بتبقى غاليه خد بالك حافظ عليها احسن

**haythams** · 17-09-2009 12:11 PM

أتا كنت في التوكيل من فترة, و في واحد هناك كان عندة المشكلة دي ف امبريزا 2008 , التوكيل معرفش يعمل حاجة, كل الي عملة انو عطل السنسور. Disable

**Ahmed Hassan** · 17-09-2009 03:47 PM

المشاركة الأصلية كتبت بواسطة haythams

أتا كنت في التوكيل من فترة, و في واحد هناك كان عندة المشكلة دي ف امبريزا 2008 , التوكيل معرفش يعمل حاجة, كل الي عملة انو عطل السنسور. Disable

يعني التوكيل عرف السنسور العطلان و عمله (disable) بس معرفش يغيره!!

حاجه غريبه اوي

**ELzanatti** · 24-09-2009 10:39 AM

انا روحت لعايد وكان المشكلة في سنسور الهواء هو عمل erase للمشكلة بس انا مش فاهم بالضبط هو عمل اية, بس هي مانورتش تاني.
العربية مافيهاش ماشاكل في اي حاجة,سواء قبل او بعد الصيانة.
انا سألت عايد عن الفلتر السبور قالي حيبوظ السنسورز هل دة صحيح؟
شكرا جدا بجد انتوا جدعان جدا.

**Ahmed Hassan** · 25-09-2009 08:59 AM

المشاركة الأصلية كتبت بواسطة ELzanatti

انا روحت لعايد وكان المشكلة في سنسور الهواء هو عمل erase للمشكلة بس انا مش فاهم بالضبط هو عمل اية, بس هي مانورتش تاني.
العربية مافيهاش ماشاكل في اي حاجة,سواء قبل او بعد الصيانة.
انا سألت عايد عن الفلتر السبور قالي حيبوظ السنسورز هل دة صحيح؟
شكرا جدا بجد انتوا جدعان جدا.

هل شلت فيشة السنسور و دورت العربيه قبل كده؟ الحركه دي تنور لمبة check engine و متطفيش غير لو عملت erase للـ fault

بالنسبه للفلتر, انا مركبه من اكتر من سنه و الحمد لله مفيش مشاكل و دي صورته:

**ELzanatti** · 27-09-2009 12:24 AM

فعلا انا شغلت العربة و كنت شايلة.... طب لو انا ماكونتش عملت كدة كان ممكن يكون العيب اية؟
بالنسبة للفلتر بتاعك ماشاء الله علية بس انت شلت كل علبة الفلتر الاصلية!!؟؟
في فلتر هواء بيكون شكلة عريض مكان العلبة الاصلية دة موجود في مصر؟
شكرا يا احمد ويا ريت يقول لي افكار ممكن اعملها في العربية

**Mosso** · 27-09-2009 04:17 AM

الي بيبقى عريض مكان فلتر الهواء زي الي في ال STI ده مش فلتر,
ده المبرد بتاع التربو,
و بيكون محطوط تحت الفتحه الي في الكبوت عشان الهوا يدخل من الفتحه بتاعة الكبوت عليه على طول بدل ما يحطوه قدام تحت الاكصدام

**Ahmed Hassan** · 27-09-2009 08:27 AM

المشاركة الأصلية كتبت بواسطة ELzanatti

فعلا انا شغلت العربة و كنت شايلة.... طب لو انا ماكونتش عملت كدة كان ممكن يكون العيب اية؟
بالنسبة للفلتر بتاعك ماشاء الله علية بس انت شلت كل علبة الفلتر الاصلية!!؟؟
في فلتر هواء بيكون شكلة عريض مكان العلبة الاصلية دة موجود في مصر؟
شكرا يا احمد ويا ريت يقول لي افكار ممكن اعملها في العربية

مفيش... اللمبه في الغالب هتنور مع اس سنسور عطلان... زي سنسور العمه... سنسور الاكسوجين (الشكمان) او سنسور الكامه. لو شلت فيشه اي سنسور و شغلت العربيه يعمل fault و حتى لو ركبته تاني لازم تعمل erase للعطل لانه من هيروح لوحده.

زي ما مصطفى قالك اللي في الصوره للي انت حاططها ده مش فلتر... ده الـ intercooler بتاع التربو.
بالنسبه للفلتر بتاعي.. انا فعلا شايل علبة الفلتر الاصليه كلها.. و عامل فتحه في الماسوره مركب فيها السنسور.

يا ترى عربيتك موديل كام؟

انا عامل في عربيتي اضافات كتير زي الجنوط الـ 17, علامات sti, طاره جلد sti, الفلتر, حساسات ضغط كاوتش hella, جهاز scan gauge (بيقرى بيانات من الكنترول و فيه كمبيوتر رحلات و ممكن يشيل الاعطال البسيطه), دواسات الارضيه sti, سي دي اصلي 6 اسطوانات mp3 (اللي كان فيها 6 اسطوانات بردو بس audio), اكر داخليه كروم اصليه, زرار الانتظار الاحمر بتاع الـ sti, و بدالات ميتال اصليه, بوجيهات splitfire و اسلاك بوجيهات magnecor, مساعدين للكبوت, و front strut bar.

دي الحاجات اللي فاكرها دلوقتي و دي بعض الصور.

-

الموضوع: الحقوني لمبة الcheck engin نورت

LinkBack

أدوات الموضوع

عرض

-

-

-

-

-

المواضيع المتشابهه

الحقوني لمبة الزيت نورت!!!!!!!!!!!

الحقوني لمبة التشيك نورت

لمبة الcheck engine

لمبة الcheck نورت بعد وصلة البطارية

لمبة check engin فيرنا

الكلمات الدلالية لهذا الموضوع

المفضلات

المفضلات

ضوابط المشاركة