المتحرش الدكر!

**human** · 21-09-2009 06:31 PM

انا اتحرش اذا انا موجود

و بتوجه بالشكر للحكومه لعملها الدائم على خلق مناخ عامل للتحرش هما بيتحرشوا بالشعب و الشعب يتحرش ببعضه و نشكرم على نجاحهم فى جعلى التحرش حق لكل مواطن بعد التغيرات التى طرأت على الماء و الهواء

**samirayad** · 21-09-2009 07:49 PM

المشاركة الأصلية كتبت بواسطة freeefair

منور الاجتماعى يا باشمهندس سمير

الله يخليك

**ENG\AHMED** · 21-09-2009 09:29 PM

المشاركة الأصلية كتبت بواسطة freeefair

فماذا تقول في المفاجأة أن المحجبات يمثلن 72% من المتعرضات للتحرش حسب الدراسة التي أعدها المركز المصري لحقوق المرأة،

مش عارف لية كل لما تيجى سيرة التحرش تتزق الكلمة دى فى النص كأنها دعوة مخفية لخلع الحجاب علشان تتجنب التحرش وتحمى نفسها
انا عارف الحجاب دلوقتى مش دليل العفة والبراءة والادب فى بلاوى ومحجبات كأن الحجاب مجرد حتة قماش على الراس وان فى غير محجبات محترمات اكتر من محجبات انما دة مش مبرر لحشر الكلمة دى فى نص الكلام عن التحرش

**هيثم** · 21-09-2009 09:43 PM

اعتقد انهم يقصدو ان المظهر المبالغ فيه مش هو السبب فى التحرش والدليل ان حتى المحجبات بيتعرضو للتحرش بمعنى ان اللى نازل من بيته وناوى يعمل ده مش هتفرق معاه البنت لابسه ايه

**ENG\AHMED** · 21-09-2009 11:20 PM

المشاركة الأصلية كتبت بواسطة freeefair

اعتقد انهم يقصدو ان المظهر المبالغ فيه مش هو السبب فى التحرش والدليل ان حتى المحجبات بيتعرضو للتحرش بمعنى ان اللى نازل من بيته وناوى يعمل ده مش هتفرق معاه البنت لابسه ايه

لو مش المظاهر المبالغ فيها اوى والحالة الاقتصادية الزفت وانعدام الاخلاق هى السبب يبقى اية السبب
مش معنى ان المحجبات بتتعرض للتحرش يبقى خلاص , وبعدين كلمة محجبة دى اليومين دول مطاطة شوية (زى ماقلت الحجاب اليومين دول مش دليل على الادب والاخلاق)

صحيح فى مستويات زبالة وانعدام اخلاق و .... بس تفتكر مين اللى يتعرض للتحرش بنسبة اكبر واحدة محترمة ماشية فى حالها ولا واحدة فيها اى حاجة ملفتة سواء لبس او حركات او اى حاجة بغض النظر عن كونها محجبة او لأ
فى بنات بتاخد كلمة محجبة دى وسيلة دفاع وتقولك مادام المحجبات بيتعرضو للتحرش برضو يبقة دة مبرر انها تلبس اللى عايزاة
اذا كان الولد او الراجل اللى بيعمل كدة انسان مش محترم ولا عندة اخلاق ولا اى حاجة فالبنات اللى بتمشى لابسة وهى مش لابسة دى برضو لا عندها دم ولا اخلاق ولا اى حاجة ولا عند اهلها اللى نزلوها بالمنظر دة

**Abo_Lina** · 21-09-2009 11:36 PM

المتحرش الجدع مش هايسيب أي واحدة تفلت من إيده ..محجبة منقبة لابسة بيكيني كله شغال مش هاينقي ..لو قطة أو كلبة معدية هايتحرش بيها برضه ..
هو بتبقى حركة لا إرادية ..واحدة معدية = اتحرش

هو شاف أبوه و عمه بيعملوا كده ..هايطلع ابن حلال و محترم لمين ?

من شب على شيئ شاب عليه

**Dr Ahmed** · 22-09-2009 01:11 AM

المشاركة الأصلية كتبت بواسطة eng\ahmed

مش عارف لية كل لما تيجى سيرة التحرش تتزق الكلمة دى فى النص كأنها دعوة مخفية لخلع الحجاب علشان تتجنب التحرش وتحمى نفسها
انا عارف الحجاب دلوقتى مش دليل العفة والبراءة والادب فى بلاوى ومحجبات كأن الحجاب مجرد حتة قماش على الراس وان فى غير محجبات محترمات اكتر من محجبات انما دة مش مبرر لحشر الكلمة دى فى نص الكلام عن التحرش

وهو حضرتك بتسمى اللى فى الشارع ده حجاب؟
البدى والملزق والمحزق والشفاف والفاقع وفى الآخر طرحة ويبقى حجاب؟
90% من اللى بيتقال عليهم محجبات ممكن تعرف كل مقاساتها بمجرد النظر!!! مافيش حاجة متدارية!

يافندم نسبة الحجاب الحقيقية فى مصر لا تتعدى بأى حال 5% والباقى تمسح بيه عن طريق غطاء للشعر!
الحجاب الحقيقى ممكن يكون فعلا إشارة لأخلاق حميدة لكن هو فين من وسط البلا ده؟

**ENG\AHMED** · 22-09-2009 01:44 AM

المشاركة الأصلية كتبت بواسطة dr ahmed abdelghany

وهو حضرتك بتسمى اللى فى الشارع ده حجاب؟
البدى والملزق والمحزق والشفاف والفاقع وفى الآخر طرحة ويبقى حجاب؟
90% من اللى بيتقال عليهم محجبات ممكن تعرف كل مقاساتها بمجرد النظر!!! مافيش حاجة متدارية!

يافندم نسبة الحجاب الحقيقية فى مصر لا تتعدى بأى حال 5% والباقى تمسح بيه عن طريق غطاء للشعر!
الحجاب الحقيقى ممكن يكون فعلا إشارة لأخلاق حميدة لكن هو فين من وسط البلا ده؟

عندك حق يادكتور بس انا قلت

وبعدين كلمة محجبة دى اليومين دول مطاطة شوية (زى ماقلت الحجاب اليومين دول مش دليل على الادب والاخلاق)

وهو دة فعلا اللى اقصدة ان ملهاش لازمة نحشر كلمة المحجبات فى اى حاجة وخلاص كأنها دعوة لخلعة وخصوصا زى ماحضرتك قلت ان دة مش حجاب اصلا

**Terrible_DaRsH** · 22-09-2009 04:09 AM

دول الشباب بقوا يتحرشوا بالمحجبات قبل الباقى .

و الله كنت فى مدينة نصر من شوية و شفت منظر فظيع .

و الله طفل شكله ميكملش 12 سنة ماشي و هو صاحبه و كل واحد حاطط ايده على كتف واحدة طفلة برده متكملش 12 سنة و عمالين يعملوا حاجات اعتقد ان هما مش فاهمينها اساسا .

و سبحان الله طلع امين شرطة من تحت الارض مسكهم , ده غير الى لابسين من غير هدوم و اللى نازل من بيته علشان يتحرش فقط .

يعنى بجد مجتمع عايز الحرق كله .

اتفق مع كلام دكتور احمد ما عدا ( المنتقبة ) , بصراحة عمرى فى حياتى ما شفت واحد بيعاكس واحدة محترمة , ده بالعكس !

لما شاب بيشوف واحدة محترمة اول حاجة بيقولها ما شاء الله .

انما الحجاب بقي بتاع الكعب العالى 2 متر , و البنطلون اللى هينفجر اخر اليوم و البادى الكارينا اللى بيجسم كل حاجة و الميكياج و و و و .!

ده مسموش حجاب , ده اسمه غطاء للشعر مش حجاب .

يعنى بعد ما البنت تعمل كل دا فى نفسها نقول عليها مُحجبة !! حرام علينا نقول عليها مُحجبة اصلا لانه لقب متستحقوش .

و كمان الشباب لما تتحل مشكلته فى البطالة نبقي نقول عليه مش متربي علشان بيتحرش .

انا اعرف اصدقاء اهلهم محترمين و متربين و لكن مع مرور الزمن بقوا يحبوا يعاكسوا و يتحرشوا و يعملوا كل شيء ممكن , و ده للاسف من سببين :

انتشار الفساد و زيادته عن حده اوى و كمان الفراغ و البطالة .

ارجوكم متلوموش شخص بذاته و لكن لوموا المجتمع كله .