ليه الفوكاس مش منتشرة انتشار الجيتا؟

**mostapha** · 21-09-2009 10:52 PM

أولا عشان ماحدش يفهم غلط، أنا باموت في فولكس، بس خلونا نتكلم كلام موضوعي.

حجم داخلي و خارجي، فوكاس تكسب.

سعر قطع غيار، فوكاس.

تقفيل و جودة التابلوه، فوكاس.

سعر، فرق 30 ألف بين الاتنين بيزلاين لصالح الفوكاس.

توكيل، الناس بتشكر في فكري و بتسب في فولكس.

الشكل دي حاجة شخصية، بس أنا شايف الفوكاس أفخم.

الاتنين ألماني.

السؤال هنا، ليه الإقبال ده على عربية توكيلها حرامي رسمي مع وجود بديل قوي و محترم و أرخص؟

يا جماعة التوكيل ده بيسرق الناس عيني عينك. يعني ايه 220 في جولف؟ الناس دي بتببع صورة و فكرة في دماغ الناس، مش عربية. بدليل أنو نزل البولو 25 ألف جنيه لما طلبت معاه. يعني 20% من حق العربية!! و أكيد لسه كسبان فيها! أنا بحب فولكس، بس مابحبش استهفاء الزبون. عشان كده أي حد يقولي جيتا ولا فوكاس، هاقولو فوكاس. فييستا ولا بولو هاقولو فييستا. لحد ما بسلامتهم يتكرموا علينا و ينزلو البولو الجديدة، الي في ظني والله أعلم مش عاوزين ينزلوها و مأخرينها عشان سبب خبيث و لئيم في نفسهم.

**solid_khaled** · 22-09-2009 09:00 PM

عشان احنا شعب بيخاف مل فورد أنا شايف جتا أحسن شوية شكلاً
بس الفوكس أحسن من كورلا لانسر سيفك كمان أنا بإذن إله ناوي أجيب فورد فوكس أبو ١٥٠ ألف جيا فتحت سقف و جنوط ١٦
بس أول مل جمارك تنزل لو نزلت أصلاً ربنا يستر
أنا معاية فورد فيستا و بجد شايف فورد ده من أحسن شركات العربيات
بس احنا شعب مش طبيعي تسأله الفورد عملة اه يئول لأ ده أسعار قطع
المش عارف اه كتيرة دة أعتقد فانوس الإلنترا ال ١٢٠٠ جنيه
، فورد ٧٠٠ جنيه تقريباً
و بعد كدة يئول لأ أصل اعدت البيع وحشة و دة طبعاً إلي ساعة بيخليني أفكر بس طبيعي الواحد
مبيبعش زيرو أبل ٧-١٠ سنين بالذات لو كنت فورد
الفيستا الحمد لله معاية بإله ٦ سنن و قبليها ٤ سنين مع اربطي مصرفتش عليها أكتر من ٢٠٠٠ جنيه

**amelsahn** · 23-09-2009 09:56 AM

السبب كلمه واحده... رجب
ربنا يكرمه بقى مترح ما راح... سنين و سنين مطلع عين الناس لما خربها و أكيد الموضوع حيأخد وقت على ما صورته الزفت تتشال من دماغ الناس

**M.Mosaad** · 23-09-2009 12:55 PM

فعلا الثقافة المصريه غريبةةةةةةة جدااااااااااا في موضوع العربيات
و الناس بتفضل فاكرة الدنيا هي هي يعني لحد دلوقتي في ناس تقولها فيات تقولك حد يجيب فيات مش عارف باد ايه
تقولها سيات تفتكر العربيه السيات القديمه
تقول فورد يقولك اعوذ بالله اجيب عربيه لو عطلت استوردلها قطع غيار
علشان كدة مصر سوق كبير قوي لعربيات نص لبه بتبيع زي الرز والناس تحجز و التوكيل يبيع فيهم و يشتري زي ماهو عاوز علشان مكسل يسال عن اخر الاخبار
يعني السيراتو و الكارينز عربيات مع كامل احترامي ليها كويسة جداااا بس مش العربيه اللي يبقي فلوسي جاهزة و التوكيل يقولي الاستلام بعد 3 و 4 شهور و الناس برضة بتحجز و تروح تدفع 10000 جنيه لموزع في السوق السودا
حاجة بتجنني بجد
فورد فوكاس عربيه تحفةةةةةةةةةة و التوكيل احسن من توكيلات كتير في مصر
سيات ليون عربيه فيها كل شيء روعةةةةةة و لو جبتها هتعيش بيها طول عمرك ياما تنزل سوق السيارات تدلل عليها و تاخدلك كذا شهر علشان تبيعها
فيات برافووووووو غول علي الطريق و مفيش برضة
فورد فيستا انضف تقفيل في الفئة بتاعتها و عربيه جميلةةةةةةة جدااااااااا برضة و لا الهوا
رينو ميجان عربيه جميلة جدااااااااا تشتريها جديد تخسر حوالي 30 الف طالما حطيت فيها المفتاح
و الواحد مش فاهم ليه يعني توكيلات مش سيئة احسن من غبور علي الاقل و منصور
و متفعمشي ايه الثقافه يعني
لوهاتشباك يوقولك ادفع 140 الف في عربيه من غير شنطة و انا من ساعه ماجبت العربيه استعملت الشنطة مرة واحدة و انا مسافر و كانت كويسة
يعملوا فورد سيدان و عائلي مفيش
سوق فعلا يشجع اي حد حرامي انه يضحك عليه
ربنا يهدي

**aYaBooY** · 24-09-2009 10:50 AM

سيدي الفاضل كاتب الموضوع المشكلة ان الوكيل القديم في اخر ايامه اهان العربية ديه جامد و كان بيرفع سعر القطعة مع عدم توفيرها و التوكيل الجديد مش هاينفع انه يزيل السمعة في سنتين بس عموما مقارنتك بين الفولكس و الفورد انا شايفها المقارنة الوحيدة تقريبا في القسم من فترة الي فيها تعادل علشان الناس عادتا بتقارن بالكوري الي هيا اصلا مش عربيات لو هاتجيب فورد اعمل حسابك على راحة طويلة لو هاتركبها و على تعب تقيل لو هاتبيعها بس انا كان معايا 128 اعدت 9 شهور صرفت عليها اكتر من الي صرفتة على الفورد في نفس الفترة يمكن اكتر من الضعف
بس الفكر المصرى ثابت نيجي في ايد القرد و نشم لو عربية نظيفة يبقي ملهاش سوق لكن لو عربية هباب و فيها العبر تبقي سكر و سوقها حلاوة و طبعا ده واضح اوي قارن بين سوف الفولفو و الساب و الفورد و الاوبل و بين سوق الكيا و الهيونداي و ما شابه
المفيد احنا في مصر عندنا شقين في السيارات عاوز تركب ولا عاوز تتاجر لكن تقريبا مفيش ماركة محترمة سوقها ماشي في المحروسة

**m_o_sakr** · 09-10-2009 09:09 AM

yes indeed ford is agreat cars, but the last agent was destroing its reputation here in egypt, same as what VW agent doing now, he will destroy the VW reputation, and same as the last agents for very good cars like alfa romeo, and daihatsu, also the last kia agent Walid tawfik destryed the kia reputation, same as last renault agent, all good brands, some excellent brands, but in bad hands, i hope the people look to the new dealers ( agents ) with a new hope and a reasonable point of view

**ahmad--ezzat** · 10-10-2009 07:27 AM

المشاركة الأصلية كتبت بواسطة mohamed_momi88

فعلا الثقافة المصريه غريبةةةةةةة جدااااااااااا في موضوع العربيات
و الناس بتفضل فاكرة الدنيا هي هي يعني لحد دلوقتي في ناس تقولها فيات تقولك حد يجيب فيات مش عارف باد ايه
تقولها سيات تفتكر العربيه السيات القديمه
تقول فورد يقولك اعوذ بالله اجيب عربيه لو عطلت استوردلها قطع غيار
علشان كدة مصر سوق كبير قوي لعربيات نص لبه بتبيع زي الرز والناس تحجز و التوكيل يبيع فيهم و يشتري زي ماهو عاوز علشان مكسل يسال عن اخر الاخبار
يعني السيراتو و الكارينز عربيات مع كامل احترامي ليها كويسة جداااا بس مش العربيه اللي يبقي فلوسي جاهزة و التوكيل يقولي الاستلام بعد 3 و 4 شهور و الناس برضة بتحجز و تروح تدفع 10000 جنيه لموزع في السوق السودا
حاجة بتجنني بجد
فورد فوكاس عربيه تحفةةةةةةةةةة و التوكيل احسن من توكيلات كتير في مصر
سيات ليون عربيه فيها كل شيء روعةةةةةة و لو جبتها هتعيش بيها طول عمرك ياما تنزل سوق السيارات تدلل عليها و تاخدلك كذا شهر علشان تبيعها
فيات برافووووووو غول علي الطريق و مفيش برضة
فورد فيستا انضف تقفيل في الفئة بتاعتها و عربيه جميلةةةةةةة جدااااااااا برضة و لا الهوا
رينو ميجان عربيه جميلة جدااااااااا تشتريها جديد تخسر حوالي 30 الف طالما حطيت فيها المفتاح
و الواحد مش فاهم ليه يعني توكيلات مش سيئة احسن من غبور علي الاقل و منصور
و متفعمشي ايه الثقافه يعني
لوهاتشباك يوقولك ادفع 140 الف في عربيه من غير شنطة و انا من ساعه ماجبت العربيه استعملت الشنطة مرة واحدة و انا مسافر و كانت كويسة
يعملوا فورد سيدان و عائلي مفيش
سوق فعلا يشجع اي حد حرامي انه يضحك عليه
ربنا يهدي

+111111111111111

**esloob** · 10-10-2009 06:44 PM

ثقافة لانسر البومة

**m_o_sakr** · 15-10-2009 10:27 AM

والله انا شايف إن العربيه د مظلومه أوى فمصر و ياريت الواحد كان بإيده, كان جبها علطول من غير تفكير

**ooooosooooo** · 15-10-2009 05:45 PM

فعلا واللة ياجماعة الى بيفهم فى العربيات يجيب الفورد فوكس بجد جبارة
بس فكرى قليل جدا فى الدعاية للسيارة وكمان قليل فى عدد الموزعين
انا لو عندى معرض سيارات اول سيارة هخدها هتكون الفورد علامة محترمة وكفاية انها وفولفو شركة واحدة ربنا يسهل والواحد يمتلكها