الموضوع: تمبرا 2000

شكرا

أنا شاري تمبرا مو 98 من حوالي ستة اشهر بحوالي 36,5 الف جنيه و كانت فابريكا
دواخل و بعض اجزاء من الخارج ( سقف و رفرف ) و كانت عاملة 125 الف كيلو

بتاعتك لو حالتها كويسة و كمان موديل 2000 ممكن نهائي فيها تعمل 38 الف لان انا كان قصادي واحدة مو 2000 فابريكا دواخل و ممتازة من كله و عاملة 75 الف كيلو فقط و كان صاحبها عايز فيها 40 و مرضيش ينزل و لا تعريفة .

عموما ربنا يوفقك و تبيعها بأكثر لان الاسعار اللي قلتها لك اسعار شهر 3 و 4 و كان ساعتها السوق نايم على الآخر و دلوقتي انتعش شوية , كمان الكلام اللي بيتقال عن أحلال و تجديد الملاكي القديم قوي هيخلي سعر الملاكي المستعمل اللي في حدود 10 و 15 سنة يرتفع لان الاقبال عليه هيزيد بعد ما الناس هتبعد عن شراء الملاكي بتاع السبعينيات و الثمانينيات