طلب عاااجل لتقرير شامل عن تويوتا كورولا 98

**elansary** · 27-09-2009 07:57 PM

انا للاسف كان عندي ليها كتالوج بس ضايع مني لو لقيتو ممكن اديه لحضرتك

**ahmed_soft89** · 28-09-2009 10:01 AM

عن تجربة انا معايا الكورلا 94 اللي بتكييف بس انا كنت محمل فيها 4 بالسواق وماشي بيها 140 بالتكييف كانت ثابته وراسية علي الارض مقارنه بالفرنا كانت ماشية معايا عربيته كانت بترقص اوي رغم انه مجنط ومحمل حمولة كاملة بس تقريبا انا العربية معايا كانت جايبه اخره معايا في الجري

**sharpsword** · 28-09-2009 06:06 PM

بيعد فلوس يعنى هو يقصد ان سعرها بيوصل ل 60000

**sharpsword** · 28-09-2009 06:07 PM

والله تبقى عملت معايا واجب لو لقيت الكاتالوج ده

**ahmed.m** · 29-09-2009 04:02 PM

السلام عليكم..
أنا معايا العربية من حوالى سنتين وما شاء الله كويسة جدا وهي أتوماتيك ممكن فعلا زى ما قالوا بعض الأعضاء محتاجة محافظة طيب ما ده طبيعى لأى عربية حتى لو لادا، وكمان مش أخرها ١٣٠ ولا حاجة أنا ماشاء الله جبت بيها ١٧٠ كم/ساعة فعلا بدون مبالغة وأنا مقتنع بيها جدا لإني برده مش هاملها ودايما محافظ على صيانتها الدورية زى أى عربية وأكيد طبعا هى مش أحسن موديلات الكورولا لكن أنا بقارنها بغيرها من الكورى واليابانى القديم ومفيش شك إن أى موديل جديد غالبا بيعالج العيوب التي كانت موجودة فى السابقة.. وربنا يباركلك فيها

**tkamal** · 29-09-2009 04:25 PM

انا عندى العربيه بس موديل 2000 تسمى رموش
كشاف واحد امامى مش اتنين
بصراحه انا شايف ان العربيه عمليه جدا
فيها باور لسه مشفتهوش فى اى عربيه
حاليا معايا ايضا لانسر 2004
ميزه العربيه انك بتحس وانت بتسوقها بسهوله غريبه فى السوقه
لم احس بها حقيقتا فى لانسر واوسع فى الصالون
وبالاضافه انها ترث من الكورولا كل مميزاتها
موضع عد الفلوس دة موضوع عرض وطلب وياما عربيات مخدتش حقها فى السوق بس انا مش عارف ازاى
واحد يشوف عربيه موديل 2000 ارخص من نفس الشركه ويسبها ويركب موديل 94 بفرض ثبات الحاله
العربيه ليس لها عيوب قاتله مثل العربيات الاخرى
لكن سبب عدم الاقبال عليها هو التصميم غير المقبول من البعض فقط
وموضوع الثبات دة مشكله تويوتا دائما حتى فى الكامرى

بس فيها شويه عيوب اخرى
1- فقيرة من ناحية التكنولوجيا
2- استهلاك بنزين اعلى (كاربرتير)
3-واطيه فعلا مع الحموله (بس دة عيب شوارع مش عربيه)