شوية تظبيط في الانوس

**Heshaam** · 06-11-2007 03:14 PM

العربية رائعة ما شاء الله يا أخ صاوي وربنا يباركلك فيها

الحكومة بتستعبط لان الفيمية شخصيا مش ممنوع... الممنوع هو الزجاج الحاجب للروئية يعنى لو حاطت فيمية خفيف و ممكن تشوف داخل العربية يبقى مش ممنوع حسب القانون و لو حاطت اى حاجة تانية زى ستارة او كدة بتمنع الروئية تبقى ممنوع بس قابلنى لو حد اقتنع بالكلمتين دول و سلملى على الشرطة

استفسار بس للأستاذ MMamdouh هل الكلام ده مثلا في قانون المرور ولا إيه؟

أصل لو هو زي ما حضرتك بتقول. الواحد يعمله وما يهموش لأنه هيبقى عارف إنه ما بيعملش حاجة مخالفة

أرجو الإفادة بعد إذنك

**MMamdouh** · 06-11-2007 03:35 PM

دا اللى انا سمعتة و انا مبصتش على نص القانون بس الكلام منطقى جدا... اصل ملهاش معنى انى اسحب رخص واحد حاطت فيمية الترا لايت و اسيب واحد حاطت ستاير قافلة الدنيا و مش مبينة اى حاجة...ط يب لو رشيت القزاز دوكو كدة ابقى فى السليم؟؟؟ اكيد لا لان المبداء هو حجب الرؤية و طالما اللى برة شايف اللى جوة يبقى المفروض انك ماشى صح

اتمنى لك حظ سعيد و انت بتفهم الكلام دة لامين شرطة معاه اعدادية

MMamdouh

**الصاوي** · 06-11-2007 04:37 PM

انا صحيت
شكرا يا جماعة على الردود كللها

الصاوى: ايه ظروف الفرش دة فى الشمس؟؟

حبيب قلبي...و على فكرة اسمك على اسم اعز أصحابي :-)
الفرش ده جلد صناعي نضيف و مبطن من الداخل..و انا عموما من الناس اللي بتشغل التكييف صيف شتا,لكن لو راكن العربية في الشمس فترة كبيرة هتفضل واقف جنبها شوية حفاظا على ال"مصلحة" :D :D لكن لو تكييف العربية بايظ و مش ناوي تصللحه يبقى بلاش و انسى

طيب فين عملت كل الحاجات الجميلة ديه عشان نروح ونعمل احنا كمان

الأنوار من عند المحل اللي قصاد ابراهيم بتاع الفيميه على طول ش.دمشق مصر الجديدة
بس والنبي خللي بالكوا من انكوا متجيبوش اكتر من 80\90 w احسن الدنيا تولع

الفيميه من عند نفس الراجل ايضا...و بالمناسبة مفيهوش غلطة ولا خربوش احد
و لأكمال سمفونية العزل الداخلي عن الشمس...ستارة سوداء ورا كمان=30ج تايواني

الفرش من عند واحد مشهور و معاملته ممتازة و نضيف قوي اسمه الحاج شعبان و موقعه جسر السويس بجانب السنترال و ايضا بجانب واحد بتاع مفاتيح اسمه مفتاح طه....و عمللي الأرضية سودا مبطنة من الداخل ايضا
و عنده المصري بتمنه و المستورد بتمنه ...و مش هتبذل مجهود كبير علشان تلاحظ الفرق بنفسك و عنده كل الأشكال و الألوان

ده لسة الكاسيت و السماعات و الجنوط
و لسة هصور الجنوط لما تركب بس لسة محتار فيها جدا
و على فكرة يا ممدوح انا استقريت على الكاوتش الدانلوب الياباني الفردة ب320

ده انا مراتي هتروقني :D :D

**الصاوي** · 07-11-2007 10:32 AM

بس والنبي خللي بالكوا من انكوا متجيبوش اكتر من 80\90 w احسن الدنيا تولع

يا جماعة رجاء حار جدا خللي بالكو من النقطة دي بالذات لو الدرجة دي عليت عن كده هتتسبب في عواقب وخيمة و مكللفة للغاية

**أبو ياسين** · 07-11-2007 10:59 AM

ده انا مراتي هتروقني

يا جماعة رجاء حار جدا خللي بالكو من النقطة دي بالذات لو

الفلوس

عليت عن كده هتتسبب في عواقب وخيمة و مكللفة للغاية

**MMamdouh** · 07-11-2007 11:09 AM

المشاركة الأصلية كتبت بواسطة الصاوي

بس والنبي خللي بالكوا من انكوا متجيبوش اكتر من 80\90 w احسن الدنيا تولع

يا جماعة رجاء حار جدا خللي بالكو من النقطة دي بالذات لو الدرجة دي عليت عن كده هتتسبب في عواقب وخيمة و مكللفة للغاية

انا كنت مركب 265/260 بس كنت مركب كتاوت

MMamdouh

**الصاوي** · 07-11-2007 11:16 AM

انا كنت مركب 265/260 بس كنت مركب كتاوت

MMamdouh

الملك ملك برضه بس انا لسة مش عارف اركب كتاوت علشان ضمان الكهربا ميروحش
و انا كنت عامل الحركة دي في التيوتا و مركب 260 برضه و كتاوت تركي بس كان فيه مشكلة ان الفيش ساحت على اللمبات بس فضلوا شغالين على كده 3 سنين لحد ما بعت العربية على كده
انا سمعت عن نوع فيش علشان القياسات الأعلى دي بس معنديش تفاصيل...ممكن تفيدني؟؟
عاش الملك

**MMamdouh** · 07-11-2007 01:18 PM

انا مغيرتش اى فيش و كنت مركب الكتاوت التركى... عاش معايا 4 سنين و لما مات جبتة هو هو تانى

الكتاوت كنت مركب عليه لمبات 100/90 و بعدين 265/260 و مكنش فيه اى مشاكل... و اضح ان وصلات الدايو بتستحمل عن التيوتا

MMamdouh

-

الموضوع: شوية تظبيط في الانوس

LinkBack

أدوات الموضوع

عرض

-

-

-

-

المواضيع المتشابهه

شوية تظبيط ع الماشي لأول كورسا هاتش باك..

استفسار بخصوص شوية تظبيط فى ريجاتا

استفسار بخصوص شوية تظبيط فى ريجاتا !!

شوية تظبيط

عملت شوية تظبيط في العفشة

الكلمات الدلالية لهذا الموضوع

المفضلات

المفضلات

ضوابط المشاركة