الموضوع: مشكلة أرجو ان لاتكون عويصة - ارجو النصيحة

يبقى اضبط تاكيهات

التاكيهات تولع العربية مش تسخنها
ظبطها وان شاء الله هيبقى كله تمام

أنا شاكر جدا لكل من اهتم ورد
قمت بعمل الآتي
1- غسيل ردياتير
2- تغيير علبة شكمان
3- ضبط تاكيهات
4- ضبط كهرباء وتغيير بوجيهات
5- تغيير طلمبة المياة بنوع الماني سعره 125 جنية
6- تغيير فلتر الهواء
السخونة تحسنت (المؤشر لا يتعدى ال90) ولكن:
1- الموشر لم يكن يتعدى ال80 قبل تغيير اويل سيل الكرنك
2- لاحظت أن العربية بقت تقيلة جداً وعزمها قل (الميكانيكية معترضين وبيقولو كويسة)
3- كان ممكن أمشي بأي سرعة على أي غيار(مثلا إذا هديت وانا على الرابع ممكن اكمل بدون تنزيل الغيار بدوسة بسيطة على البنزين) والعربية تستجيب وتسحب حتى تصل إلى سرعة الغيار ولكن الآن هذا صعب أوي والعربية ترج وتسقف إذا حاولت ذلك
4- مطالع الكباري كنت ممكن أكمل على الرابع لو كنت جاي بسرعتي ولكن الآن صعب بعد صعود المطلع العربية بتهدي ولازم اجيب التالت
5- المطالع بتزيد سخونة العربية
هل ممكن يكون الأويل سيل فيه مشكلة أو يكون قافش على حاجة في الفتيس مثلاً موش عارف ولا لسة ماطبعش!!!
على العموم هيا العربية ماشية وطالما ماعدتش ال 90 هي مقبولة كدة ولكن أنا برضة موش مرتاح سواء في سواقتها أو في رأي الميكانيكية ولكن أنا قررت ان لا اذهب الى ميكانيكي ثالث حتى لا يشتغلني ولأني صارف حتى الآن حوالى 350 جنيه وانا غير مستعد للصرف على اي حاجة تانية الآن إلا لو متأكد أنها سوف تحل المشكلة وترجع العربية كما كانت

كدة يبقى راجع تقسيمة الكاتينة

أكيد مأخرة سنة

دي تخللي العربية تسخن و تسقف و تلاقي عزم الموتور ضعيف و ماتسحبش و تاكل بنزين

يعني كل العلامات و المؤشارت اللي عندك ان سير الكاتينة مش مضبوط

الاويل سيل مالوش اي فايدة غير منع الزيت من التسريب من البلوك

لكن لا يسخن العربية و لا يخنقها

و مافيش حاجة اسمها الاويل سيل يطبع :D

ماهواش تيل فرامل يا معلم

لأ ياادهم موش تيل فرامل كشفت عليه وكمان الميكانيكي راجع على التقسيمة عند تغيير البوجيهات وكمان العربية لا تأكل بنزين
بصراحة انا احترت جداً

فيه ملحوظة انا حليت الجير بوكس بتاع 27 قبل كده من غير ما احل الموتور
واضح انه ميكانيكي تعبان

بص يا اسلام هو الميكانيكي اللى غير الأويل سيل قاللي يا هنحل الفتيس أو الموتور ولكن هو حل الموتور علشان يشوف اذا كان فيه تسريب زيت من مكان آخر ووجد انه لازم يغير جوان الكارتيرة وغيرة