ممكن ........بس هنوصل لنفس النتيجةطب مافيش حاجة بتبتدي بـ "لو عايز تعيش"؟
مع الإعتذار مقدما للأخ إسلام شاهين للإقتباس و التعديل
موضوع الرسالة: عايز تعيش إزاي ؟
عاوز تعيش جعان؟
ياتشترى شقه_ ياتشترى عربيه بالقسط
عاوز تعيش محسور؟
ياتتفرج على الفاترينات فى ستى ستارز_ ياتروح زيارة لمارينا
عاوز تعيش متغاظ؟
ياتتفرج على القنوات المحلية_ يا تتفرج على النشرة الجوية
عاوز تعيش زهقان؟
يا تستنى لما الاشارة تفتح_ ياتستنا دورك فى طابور التامين الصحى
عاوز تعيش أهبل؟
يا تسمع اسامة منير_ ياتسمع اخترنا للك
عاوز تعيش مخنوق؟
ياتروح مصلحة حكومية_ ياتقرا جريدة يومية
عاوز تعيش مفروس؟
ياتركب تاكسى_ياتركب دش
عاوز تعيش مرعوب؟
ياتستنا نتيجة الثانويه العامة_ ياتستنا نتيجة التحاليل عن الدكتور
عاوز تعيش مشهور؟
يا تتجوز رقاصه_ يا تنصب على بنك
عاوز تعيش مليونير؟
ياتعمل فيديو كليب_ يا تلعب كورة
عاوز تعيش ورا الشمس؟
ياتشغل مخك_ياتفتح بؤك
عاوز تعيش منكاد؟
رشح نفسك فى لانتخابات
عاوز تعيش حزين؟
ياتفكر دايما فى احواللك_ ياتحط الحكومة فى باللك
عاوز تعيش بتضحك؟
يا تتجوز اتنين_ يا تشتغل مع مجانين
عاوز تعيش فى حاللك؟
اعمل نفسك دايما دايما مش واخد بالك
المفضلات