ركبت سنتر لشنطةالشاهين بنفسى

**omarhelmy** · 26-02-2010 02:33 PM

الله ينور بجد يا باشا اتكيفت من الموضوع خاصة انك اعتمدت على نفسك

**أحمد علوان** · 30-03-2010 04:59 PM

مشكور على الموضوع وهاجرب انا كمان

**محمد فريد** · 14-04-2010 09:35 PM

شغل عالى يا باشا ايه الحلاوة دى
انا ليا استفسار صغير دلوقتى المكنة دى ليها اتجاهين لما تدوس على الزرار هتشفط لجوه ولما تدوس تانى يرجع اللسان مكانه صح؟
يعنى لما احب افتح الشنطة مثلا ادوس على الزرار هيفضل اللسان معلق - ارجع ادوس تانى على الزرار يرجع اللسان مكانه واقفل الشنطة عادى؟

**misoalex** · 15-04-2010 05:01 AM

المشاركة الأصلية كتبت بواسطة محمد فريد

شغل عالى يا باشا ايه الحلاوة دى
انا ليا استفسار صغير دلوقتى المكنة دى ليها اتجاهين لما تدوس على الزرار هتشفط لجوه ولما تدوس تانى يرجع اللسان مكانه صح؟
يعنى لما احب افتح الشنطة مثلا ادوس على الزرار هيفضل اللسان معلق - ارجع ادوس تانى على الزرار يرجع اللسان مكانه واقفل الشنطة عادى؟

لا ياباشا اللسان بيرجع لوحده بمجرد متشيل ايدك من على الزرار
لان فيه سوسته فى اللسان بتاع الطبله بتاعه العربيه
وبالمناسبه لو حتعملها عندك حتفك الطبله وتلحم فيها ورده صغيره خالص او دبله صغيره فى اخر اللسان من فوق
وحتركب السنتر جنب الدبله دى وتوصلهم بحته سلك نحاس تخين او اى حاجه وظبطها
لحد ما السوسته تروح وترجع عادى واللسان يبقى حر الكركه وميحكش فى اى حاجه
وبعد كده توصل السنتر بمفتاح مع البطاره والطرف التانى ارضى
الموضوع سهل بس حياخد وقت فى التظبيط ولو محتاج حاجه قوللى

**A_A_ELAZIZ** · 17-04-2010 11:39 PM

جامدة جدا وتسلم ياباشا

**abo_hosni** · 17-08-2010 07:23 AM

أشكرك لأنك انت اللي فتحت دماغي على الموضوع ده. ركبت واحد عندي في بيجو 504 لأن كان عندي 4 قرب بتوع السنتر القديم و منهم3 شغالين 100% فقلت أشغلهم بقى

المشاركة الأصلية كتبت بواسطة abo_hosni

امبارح ركبت مدفع من بتاع السنتر على قفل الشنطة و جربته و كله تمام بس ناقص المفتاح اللي هاركبه في التابلوه عشان الفتح. هاشوف مفتاح مناسب إن شالله زرار بتاع زمارة حتى

ده منظر قفل الشنطة من الأسفل بعد خلعه و واضح الثقب اللي هاركب فيه السلك المعدني اللي هيشد ميكانيزم القفل

المدفع و السلك المعدني بعد تحديد طوله و اتجاهه و ثني نهايته حسب الثقب اللي في قفل الشنطة

ده المنظر بعد تمرير نهاية السلك في الثقب

نظرة نهائية قبل التثبيت النهائي، بعد تجارب فتح و قفل

فتحتين لمسماري التثبيت بالشنيور طبعا

جربت بسلك من البطاربة مباشرة و شغال 100% ، في انتظار مفتاح مناسب أركبه في التابلوه، و ممكن كتاوت و ممكن لأ

**misoalex** · 17-08-2010 07:39 PM

المشاركة الأصلية كتبت بواسطة abo_hosni

أشكرك لأنك انت اللي فتحت دماغي على الموضوع ده. ركبت واحد عندي في بيجو 504 لأن كان عندي 4 قرب بتوع السنتر القديم و منهم3 شغالين 100% فقلت أشغلهم بقى

مبروك يا دكتور مش قولتلك حيريحك جداااااااا خصوصا لو وصلته بيرموت

**abo_hosni** · 18-08-2010 06:29 AM

المشاركة الأصلية كتبت بواسطة misoalex

مبروك يا دكتور مش قولتلك حيريحك جداااااااا خصوصا لو وصلته بيرموت

المشكلة أن ريموت الإنذار عندي مافيهوش زر مخصوص للشنطة، و ماينفعش أوصل قفل الشنطة مع سنتر الأبواب لأنه لو اشتغل الشنطة هتفتح لفوق على طول. أنا عارف أن في عربيات تانية ممكن يكون القفل بتاعها مفتوح لكن ما ينفعش باب الشنطة يترفع لفوق إلا لو انت حطيت إيدك فيه، لكن عندي في الـ504 مش كده، و مش كل مرة أفتح سنتر الأبواب أروح أقفل الشنطة

عموماَ أنا مش محتاج إلا أني أفتح الشنطة من غير ما أخرج من العربية، كده كفاية جداً

**mahmoudalutec** · 04-09-2010 12:01 PM

انا عملت اموضوع ده بنفسى بس من غير ما اركب فيوز ولا كتاوت و الموضوع شغال 100%
بس لزيادة الامان انا بفكر اركب فيوز وبعدين لاقيت زميل كان عامل مشاركة لاستخدام الكتاوت علشان الشرز اللى بطلع
طيب ياريت حد يقدنى من اصحاب الخبرة