المشاركة الأصلية كتبت بواسطة EslaM_NagY
انا بحب العربية دى واتمنى ما اقراش حاجة تزعلنى منها
ما تقلقش العربية ممتاذة و مش هتزعلك بإذن الله
بس خلينا نتفق من البداية ان اللي احنا بنقوله دا مش عيوب ولكنها مشاكل
لأن كلمة عيوب تعني انها مالهاش حل و خلاص هي كدا
و دي بتبقي في التصميم بتاع العربيه و لا يمكن حلها و ان كان يمكن تفاديها ي الموديلات التالية لنفس الطراز
انا بقول اننا نسميها مشاكل و دي هيبقالها حلول ان شاء الله
المشاركة الأصلية كتبت بواسطة NaderNabil
مافيش عضة في الفتيس خالص...بالعكس الفتيس و الدبرياج في العربية دي تفوقوا على كل العربيات اللي ركبتها من حيث النعومة و السلاسة
+1111
كلام مظبوط انا معايا العربية ما شاء الله الدبرياج خفيف جدا جدا لدرجة تحسسك انه مقطوع و الفتيس نقلاتة مرتاحة و وواضحة ما توهش و كمان بتروح بكل ارتياح للحارة بتاعتها
اما بقا موضوع العضة و النتشة والرعشة بصراحة الكلام دا انا مشفتوش في عربيتي
بس انا في مرة كنت بعمل صيانة و كانت فيه عربية لوجان سيدان بتعمل صيانة و دردشت شوية مع صاحبها و كان راجل محترم بس خبرته في العربيات قليله المهم انا ركبت العربية و دورتها و فعلا حسيت بالرعشة بتاعة الفتيس و كان فيه عضة في المارشدير و انا اللي قلتله عليها عشان يكلم عليها الناس فس التوكيل
انا عندي احساس ان موضوع هزة الفتيس و الرعشة دول بيظهروا في العربيات المغربي بس
و مش موجودة في الروماني
انا عربيتي روماني و الحمدلله ما فيش فيها الكلام دا
محتاجين نبحث مع بعض في الناس اللي عندها المشاكل دي و نعرف ايه دولة تصنيع عربياتهم مغربي و لا روماني
المشاركة الأصلية كتبت بواسطة Ahmed A.Maksoud
و ليه خليتها مشكلة أذا كان التوكيل قال أنه ده الطبيعى ؟؟؟؟
+11111
انا مش شايف انها مشكلة نهائيا
انا واثق تماما لو الموضوع دا في عربية تاني غير اللوجان كان هيتبلع و يمشي عادي و لكن بما ان العربية خالية حتي الآن من عيوب قاتلة فاحنا بندور علي اكتشاف اي عيوب فيها
انا ايه اللي يهمني كقائد للسيارة غير انه في حالة وجود مشكلة يظهرلي انذار بكدا عشان اقف و ابطل العربية و اعالجها قبل ما تكبر
يعني مثلا احنا قلنا انه فيه عربيات نازلة بدون مؤشر حرارة في التابلوه بس مش فاكر انواعها ايه المهم انا احنا اتفقنا ان طالما ان الحرارة طبيعية ما فيش قلق و لكن مجرد ما الحرارة بتزيد عن معدلها الطبيعي بتلاقي لمبة تحذيرية بلون معين نورت في التابلوه بتحذرك من ارتفاع درجة حرارة الموتور و بالتالي انت تبطل العربية و تفحص مشكلتك
خليها زي دي يا سيدي
مع اختلاف ان الحرارة دي حاجة مهمة و انا كواحد من الناس عنيا بتبقي عالحرارة زيها زي الطريق اللي انا ماشي فيه و لازم كل دقيقة و التانية ابص عالحرارة و الزيت و اشوف الدنيا ماشية ازاي
يعني انا شايف ان الحرارة دا شئ مهم و لكن منتج العربية لما عمل لمبة و لغي المؤشر الدنيا ما باظتش و لا حاجة هي مسألة تعود مش اكتر المهم ان الهدف و الغاية المطلوبة تحققت و لكن بوسيلة مختلفة
المشاركة الأصلية كتبت بواسطة akramayad
أنا مع إحترامي للوكيل بس مش مقتنع بالكلام من أصله لأنه لمبة ال check وظيفتها فحص العربية قبل التحرك بيها مش بعد ما تحصل المشكلة
حضرتك بتقول كدا علي اساس ان اللوجان بتطير و لا بتعوم زي الإعلان
يعني مثلا العربية بقت طيارة و خلاص لو اتحركت من مكانها و اقلعت في الجو مش هنعرف نوقفها لو حسينا بمشكلة و هتنفجر و تضيع كل اللي فيها
حضرتك ايه المطلوب من لمبة ال check في اي عربية اكتر من انها تقولك انه فيه مشكلة
و دا بيحصل لما تحدث مشكلة لا قدر الله اذن الغاية تحققت و لكن بشكل غير تقليدي و اللي احنا اتعودنا عليه
و علي فكرة اللوجان فيها حاجات كتير غير تقليدية زي مفاتيح الزجاج و الكلاكس و لمبة االإشارات الجانبية في التابلوه و لمبة المارشيدير فزود عليهم دي بالمره
بصراحة انا شايف ان الموضوع عادي جدا جدا و خليها زي العربيات اللي مافيهاش مؤشر حرارة
المشاركة الأصلية كتبت بواسطة alfa_we
عيب رقم واحد : اه فى عضة ( لما برجع مارش لورا )
حلها : بدى اى غيار قبلها وبعدين المارش
حل اخر : ادوس دبرياج واصبر شوية حوالى خمس ثوانى وبعدين بارجع المارش
عيب رقم 2 : باور الدركسيون فيه مشكلة ازاى بقى
لما بلف الدركسيون على اخره وابتدى اتحرك بالعربية بلاقى الدركسيون بيترعش ( بردان يا عينى )
- المشكلة دى بقى مش عارفلها حل
كلام التوكيل : دى مشكلة عامة فى اللوجان ( الرومانى ) واحنا بعتنا للشركة فى فرنسا لاننا قابلناها فى اكتر من عربية لوجان نفس الموديل ويا مسهل .
عيب رقم 3 : صوت واحد بيشرب شيشة جوة الموتور ( كركرة )
عيب رقم 4 : عد م وجود عازل للحرارة الى بتخرج من جانب دواسة البنزين ( مواسير التكيف )
كفاية كدة لحين ظهور مشاكل اخرى
بس ان شاء الله مش هاتظهر مشاكل تانى
دا انت شكلك كدا زعلان خالص من العربية
طيب انا قبل ما ارد علييك عاوز اسألك لو رجع بيك الزمن لورا تاني كنت هتشريها و لا لأ؟؟؟
1- موضوع عضة الفتيس فبصراحة معنديش في العربية بتاعتي و لكني شفته في عربية لوجان سيدان و انا بعمل الصيانة
انت قلتلهم علي المشكلة دي في الصيانة و لا لأ و ايه كان ردهم عليك ؟؟؟
2- باور الدركسيون فيه رعشة بسيطة بتحصل لما تكون مشغل التكييف و انت واقف ما بتتحركش بالعربية و فجأة تحب تلم الدركسيون علي اخرة و بسرعة تحس بيها و دا تفسيرها ان الأر بي ام بتاع الموتور بيكون قليل فانت لما تلف الدركسيون و طلمبة الباور بتشتغل تقريبا بيبقي الباور اللي طالعة من الموتور قليلة مع تحميل التكييف في نفس الوقت فبتحصل الرعشة عارف لو انت زودت بنزين سنه بسيطة هتلاقي المشكلة اختفت
و لو انت مش مشغل التكييف مش هتظهر خالص
و طبعا لو انت ماشي بسرعة عاليه و تلف الدركسين الكلام د مش موجود نهائيا
و بإذن الله هنلاقيلها حل او كنت انا خلاص اتعودت عليها خلاص و مش عامله لي اي مشكلة
3- صوت الشيشة
احنا من اول ما شترينا العربية و احنا اتفقنا عي ان موتور العربية من الخارج صوت عالي نسبيا مقارنتة بالعربيات التانية اللي في نفس فئتها و بيميزه صوت انا بشبه بصوت التيربو و بصراحة مش عامل اي مشكلة بالعكس انا لما بسمع صوته بحس بقوته و شدته و فعلا و الله الموتور دا فظيع و انا بشد بالعربية مع عربيات كتير و بطلع منهم كلهم و الموتور بيجمع بسرعة و بس خليها يعدي ال 3500 ار بي ام و انت هتتخض من السحبة بتاعته صاروووووخ
و دي المعلومات بتاعته للي يحب يشوفها
[justify]Recently introduced for the saloon version, the 1.6 16V engine ensures unrivalled performance. With top power of 105hp (77kW) at 5,750rpm and maximum torque of 148Nm at 3,750rpm, Logan MCV 1.6 16V accelerates from standstill to 100kph in 11.8 seconds and boasts a top speed of 174kph.
[OVERLINE]Combined cycle fuel consumption of this 16-valve version of the 1.6-litre engine is just 7.5 litres/100km.[/OVERLINE]
The 1.6 16V is coupled to a Type JR five-speed gearbox with enhanced synchronization and cable-controlled gear shift which combine to ensure reduced travel, extra gearshift precision and therefore greater driving pleasure. Oil change intervals for all the petrol engines that power Logan MCV are just 30,000km.
[/justify]
4- حكاية العازل دي حاجة بسيطة جدا و ما حدش كان حاسس بيها و حتي الآن فيه ناس ركبها العربية و ما حستش بيها
الموضوع يا جماعة حيتة عزل بتاع المكيفات اللي بيتلف علي مواسير الفريون في المكيفات الإسبليت و ان الله يحب المحسنين
في النهاية انا عارف اني طولت عليكم و دوشتكم و عارف ان فيه ناس هتحس اني من توكيل رينو من كتر ما انا بشكر في العربية و بمدح فيها ولكن انا من حقي اني احب عربيتي و ادافع عنها طالما ما شفتش منها غير كل خير و الحمدلله علي دي نعمة و ربنا يدومها و يحفظها لي من كل سوء
انا بس مش عاوز كلامنا يتفهم خطأ بالنسبة للناس اللي مقبلة علي شراء العربية و تشوف الكلام دا و تخاف منها و تتراجع
يا جمماااااااااااااااااااااا ااعة العربية ممتازة جدا جدا جدا جدا جدا جدا للصبح
عربية جميلة و من اسم عريق في تاريخ صناعة السيارات و ليها توكيل علي اعلي مستوي و مراكز خدمة موزعة علي جميع الأنحاء و وضع مالي و اداري لوكيها لا غبار عليه و ان كان افضل وكيل سيارت في مصر
العربية من ناحية المواصفات الفنية فهي مصممة خصيصا للمناطق النامية زي بلدنا يعني عربية اقتصادية و بسيطة وواسعة ومطابقة لمقاييس الأمان الأوروبية و مرتفعة عن الأرض و اتزان ممتز علي الطريق
يعني عربية مالهاش حل من الآخر
عاوزين ايه تاني " مش فاضل غير انها تطير و تعوم زي الإعلان ما بيقول"
المشاكل اللي ظهرت كلها بسيطة جدا و مش عامة في كل اللوجان لا دي بتبقي فردية و ان شاء الله هتتعالج
و كل سنة و انتم طيبين
المفضلات