كل اللى عنده مشكلة فى اللوجان يكتبها عشان نعرف عيوبها و حلولها

**S.Moustafa** · 27-09-2009 11:47 AM

برجاء وضع تقييم للموضوع

**hesham_tawfiq** · 27-09-2009 11:57 AM

طيب مانطلب التثبيت علشان الاسئله دى بتتكرر كتير

**S.Moustafa** · 27-09-2009 01:47 PM

و أنا معاك فى رأى طلب تثبيت الموضوع بس نطلب من مين؟

**hesham_tawfiq** · 27-09-2009 04:20 PM

من مشرف المنتدى او مشرف قسم الرينو اللى انا بالمناسبه مش عارف هو مين لحد دلوئتى :-)

**Gogy** · 27-09-2009 09:54 PM

معايا رينو لوجان 2010

صوتها ياجماعه عالى جدااااااااااااااااااااااا ااااااااااااااااااااااااا ااااااااااااااا خصوصا مع التكييف بحس ان فررح قدام مع العلم انب بسمعه وانا جواه العربيه "كانت معايا تويوتا كرولا 92 قبل كده"

وكمان فيه حاجه انا عامله 280 كيلو بالعربية كلمت التوكيل قالى مفيش حاجه اسمها صيانة الالف عندهم صيانة 5000 على طول ؟؟؟ مش مقتنعه بصراحه ده الصينى شهراو الف ايهما اقرب

**amr.elsayed** · 28-09-2009 02:19 AM

المشاركة الأصلية كتبت بواسطة gogy

معايا رينو لوجان 2010

صوتها ياجماعه عالى جدااااااااااااااااااااااا ااااااااااااااااااااااااا ااااااااااااااا خصوصا مع التكييف بحس ان فررح قدام مع العلم انب بسمعه وانا جواه العربيه "كانت معايا تويوتا كرولا 92 قبل كده"

وكمان فيه حاجه انا عامله 280 كيلو بالعربية كلمت التوكيل قالى مفيش حاجه اسمها صيانة الالف عندهم صيانة 5000 على طول ؟؟؟ مش مقتنعه بصراحه ده الصينى شهراو الف ايهما اقرب

العربية مازالت فى اول التليين اصبر شوية لما تخلص تليين
والعربية توصل الى اعلى اداء ليها وبعد كدة احكم عليها

**hobby10** · 28-09-2009 02:25 AM

المشاكل اللى عندى

-الفتيس : رعشة وهى واقفة بالذات مع التكيف وعضة فى النقلات اوقات بالذات لو بجيب نقلة اقل وكمان مع المارش

-الفرامل : ضعيفة شوية.. هى وانا بهدى تمام لكن مش عارفة لقدر الله لو كنت ماشية بسرعة وفرملت جامد حتعمل ايه ؟؟

-صوت بدال الفرامل والدبرياج .. الفرامل ساعات تعمل زى صفارة كده بس قصيرة قوى يعنى كلمة صفارة دى مجازية بس للتعبير .. والدبرياج بيعمل صوت فى طلوعه ونزوله اكن صوت البدال نفسه مش صفارة ولا اى حاجة شبهها وده بيحصل او بحس بيه لما ابقى مهدية وبنزل او بطلع بيه بشويش

-دواسة البنزين بحس فيها بزنة الموتور اول ما قرب من ال3000 والصوت يعلى ويجى وقت انى اخد النقلة اللى بعدها

**Gogy** · 28-09-2009 02:48 AM

شكرا ليك بس تعرف موضوع الصيانة الاولى بعد كام

بالمناسبة انا بنت :)

**cheetos_892005** · 28-09-2009 03:23 AM

المشاركة الأصلية كتبت بواسطة gogy

شكرا ليك بس تعرف موضوع الصيانة الاولى بعد كام

بالمناسبة انا بنت :)

5000 وكل شركه و عارفه عرابيتها و مواتيرها عايزه صيانه كل قد ايه متقلقيش
يعني مثلا اسمع ان الاوبترا اول الفين مش الف مش متاكد

**Youssef.Awad** · 28-09-2009 03:43 AM

المشاركة الأصلية كتبت بواسطة gogy

شكرا ليك بس تعرف موضوع الصيانة الاولى بعد كام

بالمناسبة انا بنت :)

ما تقلقيش ياست الكل
كل توكيل بيعمل جدول صيانة لعربياته حسب نوع وامكانيات كل طراز وهو الوحيد الادرى بمصلحة وجودة عربياته لأنها فى الاول والاخر فى وشه اكيد سمعته هاتهمه
يعنى مثلا اعرف ان اوماترا عاملة للفيات بونتو كلاسيك اول صيانة برضه بعد 5000 كم وكل اللى بيتم فيها تشييك ع العربية بس حتى من غير تغيير زيت اللى قالو لصاحبها هانغيره كل 10 الاف كم يعنى ميعاد الصيانة التانية وبيسمع منك اى شكوى او استفسار عن اى حاجة ويرد عليكى فيها مهندس الصيانة

وبعدين ماتستعجليش انتى لسه فى مرحلة التليين ودى اهم مرحلة من رأيى فى عمر العربية ومدى كفائتها معاك بعد كده