العربية إتخبطت

**bshndi** · 24-09-2009 05:18 PM

السادة الزملاء الأعضاء طبعاً ما نجيلكوش في حاجة وحشة ، العربية اليوم إتخبطت أول خبطة في حياتها المهنية وهي واقفة وراكنة تحت البيت قام إبن الحلال إلي خبطها بتمزيق الغطاء قبل أن يقوم بعملته طبعاً إستعوضت ربنا وقولت حسبي الله ونعم الوكيل ورحت الشغل من غير العربية وبس .
لو أحد الإخوة أو الأخوات عنده إقتراحات بمكان التصليح ولا أروح لمين (مع الإعتذار للست) أرجو الإفادة يا حضرات وأكون شاكر ليكم .

**samourai** · 24-09-2009 05:22 PM

معلش بسيطه بأذن الله

**elwad_crazy** · 24-09-2009 05:23 PM

ربنا يكون فى عونك

والخبطه كبيره ولا ايه وفين مكانها
ولو صوره تبقي عملت اللى عليك والباقى على ربنا

**bshndi** · 24-09-2009 05:28 PM

شكراً ليك علي المواساه :)
الخبطة في الباب الخلفي ورا السواق بحجم كف اليد أعلي وأسفل الجريدة الجريدة طقطقت من مكانها والبويه بتاعة المجرم لسه علي الباب .
في سمكري كويس نقدر نروح له .

**bshndi** · 24-09-2009 06:03 PM

ألووووو الناس راحوا فين
يا حضرات حد يعرف سمكري كويس في مدينة نصر أو في مصر الجديدة أو حتي في الإسماعيلية أنا رايح هناك بكرة الصبح إن شاء الله .
أكون شاكر جداً ليكم

**samirayad** · 24-09-2009 06:52 PM

الخبطة في الباب الخلفي ورا السواق بحجم كف اليد أعلي وأسفل الجريدة الجريدة طقطقت من مكانها والبويه بتاعة المجرم :i_angr1[1]:لسه علي الباب

بسيطه أن شاء الله
وصدقنى هو لايقصد حدوث هذا
وأكيد حصل عنده مشاكل فى عربيته
فده قدر بسبب خطأ غير مقصود من جانب اللى خبط العربيه
فالحمد لله على كل حال

وكويس أن البويه بتاعته اللى قشرت على البويه بتاعتك
فكده مع رد الحته البسيطه دى على البارد
وعمل تلميع بالبولش والكمباوند
مش حتحتاج ترش أى حاجه عندك
والموضوع بكتيره .
سمكره على البارد بعد فك فرش الباب
فى حدود 30 أو 40 ج

**Drift_Lover** · 24-09-2009 11:25 PM

بسيطه أن شاء الله
وصدقنى هو لايقصد حدوث هذا
وأكيد حصل عنده مشاكل فى عربيته
فده قدر بسبب خطأ غير مقصود من جانب اللى خبط العربيه
فالحمد لله على كل حال

مش عارف ليه حسيت من كلامك انك انت اللي عملتها يا ابو أحمد....

هههه. بهزر طبعآ.

ان شاء الله تكون بسيطه وزي ما أخونا المهندس سمير قال. مش حتتعدي كونها تترد علي البارد ان شاء الله...
وإحمد ربنا علي كل وأي شئ.