سحب التيريوس ضعيف حد يعرف ليه

**م.محمد شافعي** · 29-09-2009 02:03 PM

السلام عليكم و رحمة الله

الحقيقه انا بشكر ناس كتير من اللي ردو علي الموضوع لانهم في قمة الحياديه و الاحتراف في عرض المعلومه و كمان مستغرب و متغاظ كتير من ناس بتدافع عن عربيتها او عربيات تانيه بطريقه فيها جهل شديد و عدم امانه.

انا ليا تعليقات علي الردود و اتمني انها تكون مفيده و طبعا التعليقات دي عن خبره في استخدام السياره لمدة سنه و نصف تقريبا و استهلاك 25 الف كيلو و الحمد لله

1- فعلا وزن السياره فارغه الدفع الرباعي بكافة المواصفات حوالي 1200 كيلو بس ده للخمسه راكب انما السبعه راكب وزنها اعلي و ممكن نعرفه من الموقع المعتمد لدايهاتسو. و لازم ناخد بالنا ان ده الوزن فارغ من غير ركاب.

2- اي سياره ارتفاعها كبير عن الارض سواء الارتفاع الكلي او الخلوص ما بين السياره و الطريق سرعتها بتقل نظرا لان مقاومة الهواء ليها بتزيد و ثباتها بيقل.

3- لا يجب ان نقارن بين التيريوس و الماتريكس في اي شئ لانهم من فئتيني مختلفتين تماما بالاضافه الي كونهم من بلدين مختلفين و طبعا موضوع الابشن الكتييير اللي في الماتريكس اللي الاخ قال عليها دي ان مش عارف جابها منين بس ابسط حاجه هقولها اني كان عندي ماتريكس 2005 في دبي و قعدت بالظبط 8 شهور و بعدها كل البلاستيك اللي فيها اتشرخ و التكييف و الكاسيت باظ ولما هيونداي حبيت تتطور الماتريكس سرقت روح التصمييم من التيريوس انما كلامي مش معناه ان ماتريكس وحشه انما في مصر ماتريكس معقوله جدا بالنسبه لسعرها انما هيا سياره سقفها عالي انما مش عاليه عن الارض و لا تقارن بسياره من فئة الدفع الرباعي.

3- بالنسبه بقي لموضوع سحب التيريوس السيار اوتوماتيك و دفع رباعي مستمر و ده بيخلي السياره تفقد حوالي 40% من قدرة الموتور عند نقلات الفتيس و بالتالي يشعر السائق ان سحبها ضعيف و لكن لو قام السائق بأعطاء السياره راحتها بين النقلات مش هيحس بأي حاجه و كمان في الطرق المفتوحه سرعتها جيده جدا و ثباتها بالنسبه لفئتها ممتاز و عن تجربه شخصيه و اكتر من مره علي طريق البحر الاحمر مشيت بيها 160 و 170

4- صوت موتور السياره عالي نسبيا بالنسبه للسيارات الملاكي او السيدان انما منطقي بالنسبه للسيارات الدفع الرباعي.

5- اخر ملاحظه بقي ياريت اي حد يقول رأي يكون عن تجربه لفتره طويله او عن نقل خبره مع السياره و لكن اكتر من واحد مش شخص واحد بس و المعلومات الخاصه بالسياره متوفره و دقيقه علي موقع الشركه و بلاش حد يفتي من عنده و انا بنصح كل الناس ان اللي عايز عربيه عشان يحرق و يشد و يبوظ عربيته في سنه بلاش يشتري تيريوس لانها غاليه و حرام و كمان مش مصممه لكده و لا فيها امكانيات سباق السيارات و زي ما الجماعه قالو فوق ممكن يشتري فيرنا بكام الف و خلاص و يلعب بيها براحته او يشتري بقي لاند كروزر بكام مليون عشان يبقي عنده سياره شبه كامله و الحدق يفهم.

**amramr** · 29-09-2009 10:50 PM

انا حاسس انكم بتتكلموا عن تريوس غير اللي انا راكبها!. انا معايا تريوس2*4 اوتوماتيك وماشي 5000كيلو والعربيه ماشاء الله عليها بتشد مع سيارات فخمه هنا في الخليج!!!!وماادراك ماسيارات الخليج وعمري ماحسيت انها اقل منهم لا في السحب ولا التكييف

**hhhmmmzzzz** · 30-09-2009 02:01 AM

المشاركة الأصلية كتبت بواسطة msh2179

5- اخر ملاحظه بقي ياريت اي حد يقول رأي يكون عن تجربه لفتره طويله او عن نقل خبره مع السياره و لكن اكتر من واحد مش شخص واحد بس و المعلومات الخاصه بالسياره متوفره و دقيقه علي موقع الشركه و بلاش حد يفتي من عنده و انا بنصح كل الناس ان اللي عايز عربيه عشان يحرق و يشد و يبوظ عربيته في سنه بلاش يشتري تيريوس لانها غاليه و حرام و كمان مش مصممه لكده و لا فيها امكانيات سباق السيارات و زي ما الجماعه قالو فوق ممكن يشتري فيرنا بكام الف و خلاص و يلعب بيها براحته او يشتري بقي لاند كروزر بكام مليون عشان يبقي عنده سياره شبه كامله و الحدق يفهم.

الله ينور عليك ...........جبت من الاخر
فينك ياراجل انا فاكر اول ما دخلت منتدى دايهاتسو كنت شايف ليك نشاط ملحوظ
وبقالك فترة غايب لعل المانع يكون خير

**slim_shika** · 01-10-2009 03:09 AM

المشاركة الأصلية كتبت بواسطة bmya

ده الادهي من كده ادخل اي ققسم ميتسوبيشي مازدا تيوتا هوندا سوبارو اوبل اي نوع لازم هتلاقي موضوع ايه اعلي سرعه جبتها بعربيتك
او واحد يا يعيني عليه بيعاني من مشكله وتلاقيه عامل الفيس الحزين

وكاتبلك عنوان الحقوني يارجااااااااااله العربيه بتجيب 200 بس ومش راضيه تجيب 220 او هو ليه العربيه عندي اخرها 190 ؟؟ والعداد اخره 220 وواحد مش عجبه سحب العربيه وعايز يزود البيرفورمنس بتاعها عشان بتجيب 190 بس
بجد ببقي هشد في شعرييييي من الناس دي

هههههة ليه بس كدة ، لما بقرأ حوارات الشد والجري فلمنتدى هنا بعض أضحك، ديه حتى بتبقى قصص جميلة lol
الواحد بيمشي 120 وبحس انه طاير في معظم الطرق المصريه الظريفه
الخلاصه يعني ان المفروض الواحد يبقي عارف العربيه اللي جايبه امكانيتها اييييه ويبقي هو نفسه قبل ما يشتري العربيه عارف هو عايز ايه من العربيه
ولو عايز جري وتقفل العداد عيني عينك ووفر فلوسك وهات فيرنا ب 60 الف جنيه وهتقفل معاك العداد

أو هات ماتريكس (على رأي الأخ الفاضل [OVERLINE]الكماليات[/OVERLINE] بتاعها أعلى ) lol

+11111
يا أستاذ بهاء ، ولا تحط موضوع السحب دة في دماغك ، طالما العربية مريحاك في كل حاجة تاني يبقى خلاص + انتا مش محتاج تمشي بسرعة ( و من غير وسائل أمان ) و تبقى على كف عفريت . والحدق يفهم

**M.Mosaad** · 01-10-2009 03:12 PM

بس انتوا مش حاسيين ان موضوع السرعات دة فيه سوري في اللفظ نخع كتير اصلي بسمع ارقام مذهله مش ببقي عارف ارد اقول ايه ببقي نفسي ازهق اقول يا كدااااااااااااااااااب بس بمسك نفسي
انا و الله قريت مش فاكر هنا و لا في منتدي تاني ان واحد جاب بالاسبيرانزا ال 113 سرعه 200 كم و كانت في منتهي الثبات مكنتش عارف اقول ايه يعني هو مكتفاش انه قال 200 لا كمان منتهي الثبات
بس اعتقد ان في ناس بتحسب بالاحساس مش بالعداد
يعني انا مرة واحد صاحبي كان ماشي وراايا رايحين الرحاب و هو عربيته جيتز بس لسة متعلم جديد فانا ماشي علي 80 و الطريق فاضي لقيته لما وصلنا بيزعقلي و يقول لاصحابنا دة كان ماشي علي 140 و لا همه اني وراه و مش عارف ايه ممكن يكونوا بيقولوا السرعه بالاحساس الله اعلم

**bmya** · 01-10-2009 06:06 PM

المشاركة الأصلية كتبت بواسطة mohamed_momi88

بس انتوا مش حاسيين ان موضوع السرعات دة فيه سوري في اللفظ نخع كتير اصلي بسمع ارقام مذهله مش ببقي عارف ارد اقول ايه ببقي نفسي ازهق اقول يا كدااااااااااااااااااب بس بمسك نفسي
انا و الله قريت مش فاكر هنا و لا في منتدي تاني ان واحد جاب بالاسبيرانزا ال 113 سرعه 200 كم و كانت في منتهي الثبات مكنتش عارف اقول ايه يعني هو مكتفاش انه قال 200 لا كمان منتهي الثبات
بس اعتقد ان في ناس بتحسب بالاحساس مش بالعداد
يعني انا مرة واحد صاحبي كان ماشي وراايا رايحين الرحاب و هو عربيته جيتز بس لسة متعلم جديد فانا ماشي علي 80 و الطريق فاضي لقيته لما وصلنا بيزعقلي و يقول لاصحابنا دة كان ماشي علي 140 و لا همه اني وراه و مش عارف ايه ممكن يكونوا بيقولوا السرعه بالاحساس الله اعلم

عندك حق يا محمد باشا هي المشكله مش في ان حد قولك نا جبت 200 ول220 لان ابصملك بالعشره ان معظم السيارات الجديده ممكن تقفل العداد فعلا
لكن المشكله في النا اللي بتقولك ثابته ثابته فين مش عارف زي الاخ بتع الاسبانزا ده 200 وعديناها لانها عربيه بلاستيك وموتورها كبير اوي عليها فممكن تجيب ال200 لكن كما ن ثابته

مش عارف يعني لما اسبرانزا ولا سيريون ولا لانسر ولا اي عربيه من العربيات المتوسطه كحال معظم العربيات الياباني والكوري الموجودين في مصر ثابتين علي 200 و 220 يبقي العربيات بقه من الفئه الاعلي زي العربيات الالماني مرسيدس وBM تمشي علي 400 و420 ولا ايه يعني

انا عن نفسي بمشي بالنيسان 160 170وبحس انها مش ثابته ولا حاجه وناس اعرفهم معاهم صني ويقلي بجيب 190 والعربيه ثابته مش عارف ازاي

بصراحه العربيه اللي فعلا ركبتها من لعربيات اللي تعتبر متوسطه في الاماني كانت فيكترا 1600 مديل 2001 ودي كانت سجااااااااده علي الارض وكانت ستوك مش متعدل فيها اي حاجه حتي الجنط كان المقاس الاصلي ودي اتاكدت انها ثابته ازي بقه كنت مع واحد صحبي ورايحين القاهره من المنصوره المهم فيهكوبري كده معمول بطريقه غبيه شويه وفيه ملف غبي وبييحصل عليه حوادث كتيييييير جدا لانه بيخدع مش باين انه ملف رخم وانا كنت بخد علي90 بالكتير صحبي واخد الكوبري ده 160 تقريباوكان ماسك الدركسيون بايد وحده وانا كنت قاعد جمبه عمال اقول هيهدي هفرمل لقيته داخل ولا الهوااااااااا ايد وحده والتانيه كان بيهرش في راسه وبيتاوب

فعلا عرفت الفرق بينها وبين عربيتي كان معايا ساعتها لانسر كريستاله

لكن ميجيش واحد مشي في طريق مستقيم ويجيب 200 ويقولي العربيه ثابته

**د.محمود صلاح** · 04-11-2009 08:23 PM

وزن السيارة من الكتالوج 1450 كجم التوتوماتيك اعلى فئة

**Dr_Smart** · 05-11-2009 11:05 PM

هي التيريوس فيها اوفر درايف او d3 ?

هات على d3 وجرب شوف السحب من 60-80 ضعيف برضو ولا افضل ... لأن غالبا المشكله في السرعه دي التالت بينقل للرابع فبيكون الrpm قليل والعزم قليل

-

-

الموضوع: سحب التيريوس ضعيف حد يعرف ليه

LinkBack

أدوات الموضوع

عرض

-

-

-

-

-

المواضيع المتشابهه

يارجاله التيريوس- حد يعرف يجبلنا المسند ده؟

رفع التيريوس

ما الافضل الكورولا ام التيريوس وهل التيريوس عربيه جيده ام لأ

عن التيريوس

الكلمات الدلالية لهذا الموضوع

المفضلات

المفضلات

ضوابط المشاركة