-
الستروين ax ممتازة بس الحالة النضيفة نادرة و الأفضل طبعاً الستروين zx واسعة و قوية و ثابته و قطع غيار معمرة جداً و متوفره بردو و السعر من 22000 إلى 28000 حسب الحالة
-
السلام عليكم ورحمة الله وبركاته
عارف اكثر كلمة بتخوفنى ايه
لما تكلم واحد ويقول لك "السيارة المستعملة بيت تانى" ولازم هاتصرف عليها ويكون عندك استعداد تصرف عليها ... عندك استعداد تصرف عليها ؟
بيحسسنى اكنى هاشترى التورماى ... او هاشترى لا مؤاخذة "صفيحة زبالة" عشان تعذبنى موش عشان تريحنى
بصراحة الواحد بيخاف
وبعد جولة فى البيجو 504والمازدا 323 والفيات 131 وجدت ان كل واحد بيشكر فى سيارته ويقول فيها كل شىء جميل ... الميكانيكية موجودين .. قطع الغيار فى كل حتة ... وكل شىء آخر جمال
والبعض ينصحنى انى اشترى سيارة حديثة شوية "قلت وجه نظر برده"
شوف يا استاذ احمد السيارة دى كيا برايد 1100 سى سى" تقريبا موديل 1999 .. شوف شكلها عامل ازاى بعد استعمال 10 سنوات ... دى بالمنظر ده تدفع فيها 22000 الف جنيه وفيه ناس كثيير بتطلب حوالى 30000 الف جنيه حاجة موش معقولة حاجة تجنن
http://img230.imageshack.us/img230/8567/84826786.jpg
افتكرت اثنين من اصحابى الأول جارى اشترى "سوزوكى ماروتى" من سنتين بالقسط ... تخيل انه بيدفع كل شهر 700 جنيه واليوم عايز يخلص منها موش عارف
والثانى عمل بنصيحة قرايبه عشان يوفر اول مرة يشترى عربية اشترى "رينو" مستعملة بعد سنة وبعد المصاريف والذى منه راح باعها .. ومرة ثانية قرايبه مفتحين شوية اقنعوه انه يشترى فيات 128 "حاجتها موجوده عند البقال " زى ما بيقولوا .... اشتراها ايام الغلاء كانت تقريبا بحوالى 14000 الف جنيه واستعمال بيت والكلام اللى انت عارفه ده .... وفى رمضان ركبت معاه "كانت سيارة درامية" ... مافيش فيها نقلة غيار واحدة سليمة .. واصوات ومزيكا وكل حاجة اكنك مركب عيل صغير ومعاه صفيحة عمال يخبط فيها
نشوف مع بعض طيب الاسد الفرنساوى مرة ثانية برغم انه مستعمل اكثر من 30 سنة ... لكن رغم ذلك الواحد بيخاف من التكاليف الثابتة للبيجو 504 او ظهور اى شىء لا قدر الله
وفى انتظار التواصل وآرائكم القيمة
مع اطيب التمنيات
اخوكم حسين غزالة
[youtube]http://www.youtube.com/watch?v=y4W-DteQMNc&feature=player_embedded[/youtube]
-
أى عربية فى الدنيا لازم يتصرف عليها مهما كانت جديدة أو مستعمله
الجديد الصيانة الدورية بتاعته و القديم للمحافظة و الإستمرار و التكاليف بتكون حسب الموديل و النوع طبعاً
إبدأ بسيارة رخيصه و بسيطة فى الصيانة و سهلة البيع و بعد كده شوف إمكانياتك المادية و متطلباتك من السيارة و بعدين قارن و صلى إستخارة و توكل على الله لأن هدفك من السيارة هايكون الإستمرار بيها لفتره طويلة و ليس البيع و التجاره
-
السلام عليكم ورحمة الله وبركاته
فيه واحد كلمته وارسل لى ايميل عنده مازدا هاتشباك فى حدود 16000 وعايزة ترويق على كلامه فى حدود 1700 .. فى الآخر تجد انك دخلت فى شريحة قريبة من 21 يعنى كان افضلك تشترى فيات 131
ولما تتكلم فى الفيات 131 تلاقى ناس كثيير وكلمهم صح يقولوا لك طيب افضلك ترفع المبلغ الى 25000 ونشوفلك بيجو 504 نظيفة وواقفة على حيلها
ولما تجيب الـ 25000 تقول لنفسك طيب ما اقرص على نفسى شوية واعمل بنصيحة هاشم واشوف سيارة شاهين عشان ارتاح وموديل احدث 1995 فى حدود 27000
وهكذا وهكذا كذا فزورة هههههههههههههههههههههه
الواحد دماغه ضربت
وفى الآخر الشىء المتأكد منه انك لازم يكون معاك مبلغ بعد الشراء عشان لو ظهر اى حاجة
العزاء الوحيد فى السيارات الجيدة "ماركة ومطلوبة" ... ان لا قدر الله لو ظهر حاجة بعد الشراء مافيش مشكلة ... تركنها شوية لحد ما ربنا يفرجها ... لكن فى الغالب هايكون ثمنها فيها ... زى ما انتم ما بتقولوا واتعلمت منكم "ان السيارة تكون اعتمادية" يعنى ثمنها فعلا مناسب لامكانياتها
السؤال: هل الافضل تشترى سيارة مثل "المازدا هاتشباك 323" فى حدود 16000 وفى الحالة دى هايكون معاك مبلغ احتياطى ينفعك لو ظهر اى مشكلة
http://img230.imageshack.us/img230/7...3hatchback.png
ولا تشترى سيارة محترمة مثل الفيات 131 او البيجو 504 ... ولو لا قدر الله ظهر اى حاجة موش مشكلة اركنها شوية لحد ما ربنا يفرجها
انا افترض ان السيارة لا قدر الله بعد الشراء ظهر فيها اى حاجة ... وممكن لأ وتكون كويسة وربنا إن شاء الله يبارك فيها
ولا الأفضل تشترى "صديقةالميكانيكى" فيات 127 بحالة ممتازة مثلا فى حدود 14000 وكل قطع غيارها عند البقال زى ما بيقولوا
اكيد كثيير منكم فكر فى الموضوع ده أكثر من مرة صح ولا لأ
يا ريت تكتبوا تجاربكم فى موضوع الشراء ده عشان الواحد يتعلم
مع اطيب التمنيات
اخوكم حسين غزالة
-
بما ان دى اول عربيه.هات128 وان شاء الله تكون حالتها حلوه ب18000
-
انا كنت فى نفس الحيره بتاعتك. حتلف وتدور وترجع لل128 بس اهم شى تكون حالتها حلوه.علشان مش تتعبك .أرشحلك موديل88-90 اللى هو 1300cc .
-
اللهم صل على محمد وعلى آله وصحبه أجمعين
بخصوص الـ 128 كلامك كويس ... لكن انا عايز عربية احتفظ بها ... موش عايز عربية بعد فترة صغيرة افكر ابيعها وبالتالى هاخسر اللى صرفته عليها ... واحتمال ان الموديل نفسه يكون لا يستاهل الفلوس اللى اندفعت فيها
خصوصا انى شوفت اكثر من صديق كنت راكب معاهم الـ 128 ماشية والحمد لله ... ولكن صاحبها طول ما هو ماشى عمال يشتكى من الميكانيكية
والـ 128 تبدأ بشكل جيد وحالة جيدة وبعد كده ما اعرفش ايه اللى بيحصل لها
لكن فى الحقيقة هى سعرها مهاود جدا وكمان اربع ابواب وكل الميكانيكية بيفهموا فيها وحاجتها رخيصة جدا وموجودة فى كل حتة لكن غير معمرة
الشىء اللى مخوفنى حقيقى
جارى كان شارى 128 من سنتين وتقريبا كانت "زيرو" تخيل انه باعها فى رمضان وكمل علىثمنها واشترى لانوس وجمع فلوس ثانى وراح دفع جمرك اللانوس حوالى 10000 جنيه "ده على كلامه"
ولما سألته طيب انت كنت راكب عربية زيرو وكمان انت موش تلميذ يعنى فاهم كويس فى العربية وايدك فيها وموش "بتفرم" فى العربية ايه اللى خلاك تبيع العربية
برغم ان اى واحد يحب يشترى يقول لنفسه لو كانت السيارة "زيرو" يبقى هاتريح دماغك ومادام ايدك فيها ومافيش نية للبيع "خلاص انت كده ارتحت"
قال لى : الـ 128 سعرها بينزل بسرعة جدا اليومين دول وقبل ما اخسر فيها اكثر من كده الحق واغيرها
انا كنت طالب فيها 35000 الف ولكن ما جبتش غير 29000 الف بالعافية وانا ما كنتش هانزل عن السعر ده واللى اشتراها عارف كده كويس
هافترض ان كلامه صح وانه باعها فعلا بـ 29000 يبقى خسر فيها كام خصوصا انه اشتراها من سنتين "زيرو"
ما بالك لو اشتريت سيارة 128 فى حدود 14000 حالة نظيفة وفكرت انى اغيرها بعد سنة ولا سنتين "هاتجيب كام"
ساعتها موش هاخسر 2000 ولا 4000 جنيه ... ده انا اعتقد انى هاخسر فيها مبلغ محترم
شوف مثلا السيارة دى موديل 90 ومطلوب فيها 21000 جنيه
http://img30.imageshack.us/img30/355/128ct.jpg
انا عايز سيارة مستعملة موش عشان ابيع
عايز سيارةمستعملة عشان احتفظ بها مده طويلة
ولا ايه رايكم
مع اطيب التمنيات
اخوكم حسين غزالة
-
كلام نزول الأسعار لا ينطبق فقط على 128 .:Oc_sun1[1]:
-
اشترى بيتلز لو مشكة الوسع مش هتفرق معاك صدقنى مش هتندم . سعر مناسب + قوة تحمل وقلة اعطال بشهادة كل البيتلزوية . ودة اللى انتة محتاجة . دة حل المعادلة بتعتك .
-
نفس المشكلة بتواجهنى
السلام عليكم
الاخ العزيز صاحب الموضوع
انا بواجه نفس المشكلة دى دلوقتى
مطلوب عربية متعديش 20000 جنيه و مش بغرض البيع
مع العلم بانى لسه بتعلم القيادة
يعنى العربية الى هتيجى هتتخبط و هتتبهدل
كتير نصحونى اجيب عربية 128
لغاية ما اتعلم و اتقن السواقة و بعدين اغيرها
بس انا معنديش نيه التغير
يعنى الى العربية الى هاجيبها هتفضل معايا لغاية لما ربنا يأذن
وحاليا مقتنع بالماروتى لعدة اسباب
* سعرها مستعملة فى حدود المطلوب و هيكون استعمالها نضيف
* استهلاكها للبنزين خفيف قوى يعنى مش هتصرف كتير
* بالنسبة لقطع الغيار رخيصة يعنى لو فتحت مش هتصرف قوى ممكن تتلم يعنى
عايز رايك انت و الأخوة الموجودين
و ربنا معاك و معانا
Content Relevant URLs by
vBSEO 3.6.0 PL2