رابطة مالكي السويفت

**M_OSMAN88** · 22-03-2013 03:36 PM

المشاركة الأصلية كتبت بواسطة exact

طب ما تحط اي صور عندك ولو فيه امكانية ياريت بالترتيب... وبخصوص البيكات فرقتهم من بعض ازاي... انا شايف كذا بك زي بعض في الطقم

للأسف الكاميرا عاوزة ظبط عشان اصور الخراطيم

للأسف يا دكتور مصورتش الكربراتير صور انا صورتة فيديو بس المشكلة ان مساحتة كبيرة .
ان شاء اللة كمان شهر هكون عندى وقت علشان افكة واعمل بية موضوع بالصور والشرح

**faroh_2000** · 29-03-2013 02:27 AM

السلام عليكم
الاخوه الكرام مالكي السويفت العربيه عندي يا شباب ناشفه جدا بالرغم من ان المساعدين جديده ولكن العفشجي قالي السوست دي مش بتاعتها فهل يا تري تنصحوني بايه اجيب سوستها ولا اعدلها حاجه تانيه علشان انا حاسس اني راكب ترامكو مش سويفت وبعدين انا برضه مش عاوز حاجه تخلي العربيه واطيه خصوصا ان شغلي فاماكن كلها مطبات ارجو الرد
جزاكم الله خيرا

**M_OSMAN88** · 30-03-2013 05:37 PM

المشاركة الأصلية كتبت بواسطة faroh_2000

السلام عليكم
الاخوه الكرام مالكي السويفت العربيه عندي يا شباب ناشفه جدا بالرغم من ان المساعدين جديده ولكن العفشجي قالي السوست دي مش بتاعتها فهل يا تري تنصحوني بايه اجيب سوستها ولا اعدلها حاجه تانيه علشان انا حاسس اني راكب ترامكو مش سويفت وبعدين انا برضه مش عاوز حاجه تخلي العربيه واطيه خصوصا ان شغلي فاماكن كلها مطبات ارجو الرد
جزاكم الله خيرا

اولا سيبك من فكرة انك تجيب سوست مش بتاع العربية علشان دة غلط بيكون لها حسابات من تانية عند المُصنع ذى الوزن وصلابة السوستة وطولها. يتجيب سوست العربية الأصلية استيراد او تيجبهم جديد. وعلى فكرة متهيألى ان سعر السوست مش غالى قوى علشان مش عليهم استهلاك زى المساعدين

**bebars1979** · 31-03-2013 12:05 AM

يا ريت يا جماعة حد يقولى على ميكانيكى كويس للسويفت يفضل يكون فى الجيزة ثم القاهرة

**faroh_2000** · 02-04-2013 12:01 AM

المشاركة الأصلية كتبت بواسطة bebars1979

يا ريت يا جماعة حد يقولى على ميكانيكى كويس للسويفت يفضل يكون فى الجيزة ثم القاهرة

روح يا باشا المريوطيه فيصل وانزل يمين من تحت الكوبري وقول فين كوبري الشيشيني بعد الكوبري مباشره قول شارع السبع عمارات _ اسم الميكانيكي مصطفي حبيش _ وقله من طرف أ محمد حسن اللي معاه السويفت الحمرا وهيعمل معاك الواجب وزياده ان شاء الله

**faroh_2000** · 02-04-2013 04:02 AM

يا جماعه عندي كاوتش المزراب بتاع السقف اللي بطول العربيه بايظ جدا وعاوز اغيره هل في منه جديد ولا لا وبكام ولو حد يعرف حد معين في الجيزة يا ريت يقولي علي مكانه واسمه وشكرا

**bebars1979** · 03-04-2013 05:24 PM

المشاركة الأصلية كتبت بواسطة faroh_2000

روح يا باشا المريوطيه فيصل وانزل يمين من تحت الكوبري وقول فين كوبري الشيشيني بعد الكوبري مباشره قول شارع السبع عمارات _ اسم الميكانيكي مصطفي حبيش _ وقله من طرف أ محمد حسن اللي معاه السويفت الحمرا وهيعمل معاك الواجب وزياده ان شاء الله

مشكور يا باشا

**exact** · 04-04-2013 02:17 AM

خطوط الفاكيوم في السويفت

**ahmedalaahosny** · 06-04-2013 02:28 PM

صراحة انا بفكر في العربية دي لان قطع غيارها متوفرة وباسعار رخيصة عندنا في المنصورة وفي دمياط لانها تاكسي وكمان انا لسة هتعلم يعني هكسر واخبط وشايفها انسب من الماروتي لان الماروتى تحسها كده كنزة من بره مع احترامى لملاكها وبرده محتار مابيها ومابين الكورسا موديل حاجة وتسعين بس مقلق من قطع الغيار وتكنولوبيا الاوبل اللى ليها ناس متخصصة وليلة تانية بس كماليات بقي وبرده البولو ال 1000 سي سي هي نفس الحكاية وبرده الابيزا 94 والاكسنت 99 موفرة في كل حاجة بس قريبه من الارض بطريقة غريبه والاكسيل 1500 بس انا تحركاتي جوا البلد عشان الكلية وكده ولو ممكن اسافر مرة كل شهر غير استهلاك البنزين وبرده حجمها كبير شوية وانا لسة بتعلم برده

**ahmedalaahosny** · 06-04-2013 02:56 PM

نسيت برده ان في برايد سواء سيدان او هاتش باك وطبعا في سويفت هاتش باك بس مش عارف التكيف يبقي ايه وضعه مع الموتور بتاعها وفي ميرا ودي ماعرفش عنها حاجة وكمان شاهين ودي 1400سي سي وكارونة وتاكسي في المنصورة بس مش ناعمة كده زي السويفت وكمان برده ماعرفش التكيف فيها ايه وضعه وممكن تبقي موديل حاجة وتسعين اوالفينات وده بغض النظر عن مشاكلها برده بس خلاص انا عارف ان انا ممل بس انا طبعا متاكد ان الاساتذة في المنتدي هيقوموا بالواجب