العربيه عندي اخدها حمايا من كام يوم مشوار وما سخنهاش بالرغم من ان دا دااااااااء عندي لازم اسخن العربيه كويس قبل ما امشي المهم العربيه بطلت منه اكتر من مره وهوا قال انها بنزين وجابلها بنزين وللاسف العربيه برضه قعدت تبطل وهوا يدور فيها لغايه ما العصفوره قالتلي انو قرص عليها جامد لاني سمعت صوتها وهيا داخله الشارع طبعا بيقرص علشان ما تبطلش منه المفاجأه الكبري تااني يوم قلت اظبط العربيه والعربيه حلفت ما تتظبط رحت للميكانيكي قالي العربيه قاطعه بوجيه وفعلا طلع البوجيه عليه زيت من عند الشمعه وغيره ومشيت بيها بعد البوجيه ما اتغير والكارثه ان البوجيه قطع بعد مسافه 30 او 40 كيلو كدا فالسؤال يا جماعه العربيه عندي صوتها ناعم وحلو لو فكيت ممكن يطلع العيب فوش السلندر ولا ف طقم الشنبر ويا تري التكلفه بتاعته احسن ولا ابيعها واريح نفسي برجاء الرد جزاكم الله خيرا
السلام عليكم ورحمة الله و بركاته
عندى استفسار يا جماعة
انهرده و انا سايق على الدائرى العربية بطلت لوحدها وانا على الرابع فرفعت رجلى من على الدبرياش , ودست بنزين فالعربية دارت بس انا مش سمعت صوت الماتور فقلت ادور من المفتاح وفعلا لسه بلف المفتاح سمعت صوت شبه صوت طلقة الرصاص من عندى بس الحمد لله العربية مش حصل لها حاجة و وصلتنى و الحمد لله ........ بس انا عاوز اعرف ايه الصوت ده و يا ترى فى حاجة حصلت ؟؟؟؟؟؟؟
السلام عليكم ورحمة الله و بركاته
عندى استفسار يا جماعة
انهرده و انا سايق على الدائرى العربية بطلت لوحدها وانا على الرابع فرفعت رجلى من على الدبرياش , ودست بنزين فالعربية دارت بس انا مش سمعت صوت الماتور فقلت ادور من المفتاح وفعلا لسه بلف المفتاح سمعت صوت شبه صوت طلقة الرصاص من عندى بس الحمد لله العربية مش حصل لها حاجة و وصلتنى و الحمد لله ........ بس انا عاوز اعرف ايه الصوت ده و يا ترى فى حاجة حصلت ؟؟؟؟؟؟؟
المارش دار والعربية دايره وحصل احتكاك...
كبر دماغك ان شاء الله مش هيحصل حاجة من مره واحده....
تحياتي
بسم الله الرحمن الرحيم
اولا الفضل لله اولا واخيرا فموضوع نجاح الموتور وطبعا اعذروني انا مش هقدر اشرح بالطريقه العلميه لاننا اصلا خواجات ومؤهل عالي
اول تغيير طرأ علي العربيه انها اصبحت بتسخن فوق الطبيعي بسنه وطبعا انا بتابع الميه والزيت المهم قلت اظبط كربراتير واشوف لقيت الشكمان بينزل ميه بصفه مسنمره حتي بعد التسخين والميه بتخرج بشكل مندفع نسبيا علي هيئه قطرات لونها مهبب فتحت غطا الريداتير لاحظت تزايد لمنسوب الميه وخروج فقاقيع بسيطه اكنك حاطط صابون ولونها مصدي وطبعا دا دليل علي تنفيس في الجوان وهروب كبس الموتور من خلاله للريداتير المهم توكلت علي الله وقلت افك الوش وبالفعل اولا والعربيه بارده فضيت الميه تماما والزيت علشان لما ارفع الوش لو في تعريق ميه او زيت علي البساتم يبان معايا وبالفعل كانت مفاجاه لان العربيه ما كانتش بتدخن لقيت في لمعه علي راس البستم رقم 2 وطبعا انا كنت فكيت مروحه وخراطيم الميه والسرفو والاسلاك فقلت انزل احل الكرتيره من تحت وافك البساتم وبالفعل فكيت البساتم وطبعا لازم تاخد بالك من لقمه السبيكه لان بيبقي ليها فوله بتركب قدام الفوله بتاعه البي ال وطبعا علمت كل بستم علشان كل واحد يركب فمكانه تاني علشان لو ركب واحد مكان اخوه ممكن العربيه تخبط من تحت وبعدين فورت طقم الشنبر القديم من البستم وحطيت شنبر الكبس جوا الشميز لقيت الخلوص بتاعه حوالي 15 (المقاس بالفلر) وطبعا الخلوص كدا زياده ولكن لسه فيها الرمق المهم عملت عمليه تنظيف لراس البساتم كلها وللمجاري بتاعه الشنبر علشان الكربون والوساخه القديمه باستخدام شنبر قديم علشان ما ينفعش المفك لانو هيبوظ مجره البستم المهم لقيت الوش الحمد لله حلو والصباب ما بيسيلش ومش محتاج خرط ولا قشط فعملتلو عمليه نضافه خدا علشان يحرق حلو مع البستم وجبت عدد 2 جوان وش سلندر ( والسبب ان الجوان القديم كان فبريكه والجديد تايواني ) فحجم الجوان القديم وهوا مضغوط اكبر من الجديد فقلت اركب 2 وفنس الوقت هوسع غرف الميه والزيت علشان تحاكي الاصلي نيجي بقي لتركيب طقم الشنبر طبعا بعد قياس الخلوص علي الشميز كان 5 تقريبا بالفيلر ( يعني ورقه نتيجه كدا في عندك فكل بستم 3 مجاري المجره اللي تحت دي بتاعه الزيت واللي 2 اللي فوقها دول الكبس والحبك لمنع وصول الزيت للبوجيه وراس البستم وطبعا ركبت الشنبر وخليت الاول والتاني الفتحات بتاعتهم عكس بعض 180 درجه لضمان عدم تسريب زين او الشنبر يلف مني سنه كدا او كدا وانا بركيه في الشميز مع مراعاه ان اتجاههم برضه يخالف مكان البنوز بتاعه البستم وركبت بستم بستم ولكن طبعا بمساعده لان لازم واحد فوق وواحد تحت علشان يقابس البستم مع الكرنك وطبعا غرقتهه زيت علشان يعمل ليونه في الشنبر الجديد وما يكسرش مني وفنفس الوقت يعمل كربون علي البستم بعد ما ادور المهم ربط وتمام وجربت الف الموتور باستخدام مفتاح عن طريق الكرنك مع كل بستم لوحده علشان لو في حاجه تقلت ابقي عارف وما افكش كل حاجه والحمد لله كله تمام ربط كرتير الزيت ووش السلندر وخليت التقسيمه في الاخر طبعا لازم اهوي الشداد بتاع الكاتينه علشان تبقي حره وبعدين جبت البستم رقم واحد لاعلي درجه فوق باستخدام مفك دخلته في فتحه البوجيه وحركته سنه قدام وسنه ورا لغايه ما يبقي فاعلي نقطه نيجي بقي لتقسيمه الكامه طبعا هيا الكامه بتاعه السويفت علويه زي بتاع ال 305 وعن طريق تحريك ترس الكامه لازم يبقي التاكيين بتوع نمره واحد متحيرين يعني نحرك سنه قدام ينزل تاكيه البنزين ولو حركنا سنه ورا ينزل تاكيه العادم لما نوصل للنقطه دي هنلاقي التاكييهين بتوع نمره 4 بقي مش محمليين خالص وركبت سير الكاتينه وقفلت الطنابير بتاعه الكرنك والميه والسيور ودورت والحمد لله دارت كويس وطبعا دخنت اثر الزيت اللي كان علي البستم وانا بقفله وكمان الزيت اللي حطيته علي جوانات الوش والحمد لله سبتها اكتر من 4 ساعات دايراه علشان تحرق وظبط تاني الهوا ومنعت الدخنه اللي في الشكمان وطبعا انا حاسس انكم عاوزين تضربوني خصوصا اللي قدر يكمل قراءه البوست دا هههههههه ولكن انا كتبته للاستفاده ويا ريت تسامحوني علي الاطاله والتقصير في الشرح
مساء الفل على كل السويفتيه احب اشركم بعربيتى سوزوكى سويفت موديل 1993 لون كحلى
العربية عندى كل خرطيم الفاكيوم الى طالعه من الكربيراتير ملخبطه ارجو من الاصدقاء تصويرها وشرحها انا وصلت خرطوم الافانس الخاص بالاسبراتير ودا كان واصل فى مكان غلط وكان مبرجل العربية على السلانسية ووصلت نظام تزويد الموتور عند زيادة الحمل الكهربائى ووصلت خراطيم الفاكيوم الخاصة بالتكيف ولكن يتبقى عدد من الخراطيم لا اعرف مكانها
انا احب عمل كل شيئ فالسيارة بايدى لان مفيش حد بيحس بالعرابية غير صاحبها
احب اشاركم بردو بشوية حاجات عملتها فى سويفتى
1-تم تغير 2 كوبلن استيراد ب 340 جنيةحالتهم تعتبر 85% من الحسنية فى المنصورة لأن الكبالن الداخلية كانت بتطقطق فى المطبات الهوائية او قرصت عليها فى الغيار
2- تم تركيب لى شكمان ب 100 جنية بالمصنعية علشان الشكمان كان بمعدل كل شهرين كان بينفس من بعد المنيفلد وكنت بسمع رجرجة الشكمان لو المكنة بتتهز فى الطلعة او ولسة بردة فطبعا اللى فرق كتير
المفضلات