عايز نصيحتكم هو الواحد يشترى سويفت الجديدة 2015 بالرغم من امكانية عدم انتشارها زى ماركات السيارات الاخرى ولا يبعد عنها احسن مع انها عجبانى
وهل عدم انتشارها ممكن ياثر انى مش اعرف اعملها صيانة و اشترى قطع غيار ليها
ارجو مساعدتكم وشكرا .
يا خبراء السويفت ارجو الافادة الموضوع هيجننى -- رفة فى الفتيس والبدالات وانا ماشى على الغيار التانى - بتختفى مع التالت وبترجع تانى مع الخامس على السريع - ثانيا رفة فى العربية لما بدوس فرامل على سرعة عالية فقط فوق ال 90 مثلا مع العلم ان تيل الفرامل الامامى جديد - ارجو الافادة
بالنسبه لموضوع الرفه اللي في الفيتيس والبدالات دي ممكن يكون نقص زيت الفيتيس وهتلاقي البدلات محتاجه تزييت
اما بقي موضوع رفه لما تدوس فرامل وعلي سرعه عاليه ده كان حاصل معايا بس بعد ماغيرت الطمبوره الامامية كلها وممكن يكون عشان التيل لسه جديد ومطبعش علي الحديد - استني شويه وهتلاقي الرفه دي اختفت علي مالتيل يتطبع
السلام عليكم ورحمة الله.. الملك لله وحده
لقد من الله عليا واشتريت سوزوكي سويفت موديل 94 من 3 شهور ويعلم الله أني اشتريتها بـ 25 ألف جنيه وصرفت عليها في بعض المشتريات ( 4 كاويتش جديد , بطارية جديدة, عوامة بنزين, طلمبة بنزين, دينامو استيراد) بحوالي إجمالي 2500 جنيه, ولظروف مادية طرأت عليا والحمد لله أنا عرضتها للبيع بمبلغ 27 ألف جنيه.
السيارة حالتها جيدة والموتور حالته جيدة ولونها أسود وطبعا بدون تكييف ولكن من باب الأمانة منذ أن اشتريتها ومن وجهة نظري أنها تحتاج إلى كبالن فقط .. وتم تجديد الرخصة لمدة عام من تاريخ 15/7/2014.. شكرا
للتواصل: هاني الكردي 01002874473
سؤال لكل خبراء السويفت : العربية بتبطل لما اكسر الدريكسيون اتجاه اليمين فقط وانا ماشى وانا واقف لأ .. ولو بمزاجها احيانا مبطلتش فى نفس الحركة صوت الماتور يهدى والعربية توطى كأنها هتبطل ولما ادوس لها بنزين طبعا تنتش .. المهم اللى هيجننى يعنى ايه الف يمين العربية تبطل !!!!!!!!!!!! ؟؟؟؟؟؟؟؟؟
تحياتى لكل الاعضاء
التبطيل فى الملفات الايمين بيكون سببه ظغط زياده من طرمبة البنزين بيظغط على العوامه داخل الكربرتير يخلى المتور يشرق يعنى يدخله بنزين زياده فيبطل
الحل
هتلاقى قطعه اعلى طرمبة البنزين الى طالع منها الزور الى هوا مخرج الطرمبه يا اما تغير القطعه دى وتحط الى موجوده فى الطرمبه الاصليه الى عليها علامة ميتسوبشى يااما تخلى الكهربائى يفك القطعة دى ويصغر السسته بتعتها شويه فيقلل ضغط البنزين للكربراتير الكلام ده كله فى حالة ان العيب ده ظهر بعد تغير طرمبة بنزين اما اذا كان المحرك منتظم معاك وفجأه بقى بيبطل بدون تغير طرمبه يبقى الابره بتاعت الكربراتير عاوزه نظافه او تغير
دى خلاصت الموضوع علشان محدش يشتغلنا من الصنايعية انا بقلك الكلام ده عن تجربه
انا كنت شغال كهربائى سيارات وبعمل اغلب شغل عربيتى
وفى احتمال تانى ممكن يكون فيه انسداد فى خط الراجع الى طالع من المتور قدام وراجع للتانك اختبره عن طريق فك الخرطوم الى فى الماسوره الرفيعه الى فى الصدر وانفخ فيه شوف الدنيا سالكه ولا فيه انسداد
السلام عليكم
معي سويف 1993 - منذ فترة لاحظت وجود زيت في الريداتير - كانت المياه تنقص- قمت بعمل غسيل و تغيير للمياه - و تم ربط كوليه كان بيسرب
- اضع مياه من الحنفية عادية
- بعد فترة الاحظ وجود زيت خفيف في الريداتير
ما السبب ؟؟
السلام عليكم
معي سويف 1993 - منذ فترة لاحظت وجود زيت في الريداتير - كانت المياه تنقص- قمت بعمل غسيل و تغيير للمياه - و تم ربط كوليه كان بيسرب
- اضع مياه من الحنفية عادية
- بعد فترة الاحظ وجود زيت خفيف في الريداتير
ما السبب ؟؟
بخصوص الزيت فالردياتير... لو كان الزيت نضيف ومفيهوش طحينة...ده 99% طبب الميه باشت... وما تسمعش كلام اللي هيقول لك جوان سيبك منه
المفضلات