نضف الفيشة بتاع الكونترول بتاع المكيف واتكد ان خراطيم الفاكيوم مظبوطة ومش مفكوكة وفيه سيلينويد راكب في صدر العربية تحت نمر الشاسية...تبت عالفيشه بتاعه
عرض للطباعة
لفت نظري اللي انت كاتبه ده...هل معنى كده ان السلك اما بيتشال المكيف بيفصل؟؟
يبقى نستنتج من كده ان المكيف عشان يشتغل لازم السلك ده يدي له أرضي....اذن عشان نلغي الحكاية دي يبقى لازم نوصل السلك ده بالارضي بتاع العربية....يعني توصله باي جزء من جسم الموتور
لأني كنت فاكر اننا لو شلناه هيفضل شغال مستمر....انما الواضح انه العكس...لازم يفضل متوصل عشان المكيف يفضل شغال
عموما الابحاث بدأت اليومين دول وعلى آخر الاسبوع او بالكتير الاسبوع الجاي ان شاء الله هنجيب حلول جديدة
حضرتك كون المكيف يشتغل ومروحة الردياتير فاصلة دي ملهاش لازمة...لان المروحة مش هتبقى ملاحقة لو اشتغلت اما العربية تسخن...فلازم بمعنى الكلمة المروحة او ما المكيف يدور تشتغل سواء العربية سخنة او باردة...لازم موضوع كتاوت ده تعمله...وانا سالتك قبل كده هل انت Familiar او عارف موضوع الكتاوت واسلوب تركيبه للا اشرحهولك من البداية...وانت مرديتش
للعلم برضة تاخير الكهربا او تقديمها بشكل زايد بيزود استهلاك البنزين جامد وبيسخن العربية بغباء...وكذلك ظبط التاكيهات...والكلام ده عام في اي عربية مش عالسويفت بس
واصل فى الترمستات بناع التكييف سلكين لو لغينا الترموستات ووصلنا السلكين دول ببعض التكييف هيفضل شغال ومش هيفصل بس طبعا الاداء هيتحسن بس فى نفس الوقت انه يفضل شغال ميفصلش حمل عليه المفروض يريح كل شويه عشان ميتعبش:error404:
انا عندى زرار ممكن اشغل منه مروحت الريداتير يدوى بشغلها مع التكييف علطووووووول
هي دي اللي انت بتتكلم عليها من ساعتها؟؟
اللي بتتكلم عليها دي ترموستات مروحة الردياتير يا برنس...وهو اللي وقع مالفيشة وعشان كده العربية سخنت ففصلت المكيف...لو قفلت السلكين في بعض والعربية دايره هتلاقي مروحة الردياتير اشتغلت...وابقى جربها بنفسك
اللي باتكلم عليها دي في نفس الكوعة وعلى نفس المستوى بس من ورا وتقريبا تحت الكربيراتير...هتلاقي مسمارين طالعين وكل واحد راكب فيه كلبس بسلك...دول واحد للعداد وواحد للمكيف
عموما انا مبدئيا لغيت الجزء الساخن من المكيف....وفرق حوالي 20% زيادة في سرعة التبريد وسحب الرطوبة...وبقى بيفصل وقت اطول مما انعكس بالتاكيد على استهلاك البنزين
لالالالالالالالالالالالال الالالالالالالالالالالالا لالالالالالالالالالالالال الالالالالالالالا
فيه عندى ترموستات كده زى بتاع التلاجه بتاعت البيت داخل منه كده حتت امبومه الومنيوم جوه التلاجه بتاع التكييف عشان يفصل الكباس لما درجت حرارت العربيه تتظبت الامبومه الالومنيوم دى هيا اللى بتحس بدرجت الحراره
الترموستات ده موجود جمب الثلاجه بتاع التكييف تحت التابلوه من جهة اليمين
مين؟؟:8954[1]:
هو منين بيودي فين
قصدك ترموستات من ده
http://www.candmdomesticappliances.c...rmal/VP%21.jpg
الاختراعات المصرية
بتفكرني بفؤاد المهندس....وعاوزاه ييجي يا فوزيـــــــــة....
عاوز المكيف يشتغل ازاي...
قول لي انك عامله عند واحد في شارع المستشار
I Guess
حبيب قلبى وحبيب قلب الربطه كلها معلش لتاخرى فى الرد بس انا لا افقه شىء فى الكهرباء بس لما روحت من فتره لواحد كونت بسال عن التكيف وعيوبه اللى ميزاته والكلام خدنا قالى على موضوع الكتاوت ده وقالى بيكرب عليها كتاوت فرنساوى ذى بتاعت النور كده ودى هتفرق معاك ومش هيطلع هواء سخن تانى بس انا معملتش عنده التكيف علشان ضرب سعر عالى فى الشحن وتركيب الكتاوت قالى 175 ج قولت اموت من الحر احسن لما اموت من الدفع هههههههههههه
ههههههههههههههههههههههههه هههههههههههه
ايوه هوه ده بس مش انا اللى مركبه انا جايبها كده
عموما انا ببيع اساساااااااااااااا وربنا يكرم فا ترموستات ثلاجه ترموستات طياره حتى معدتش فارقه كتير :E_braces[1]::E_braces[1]:
وانا بردووو اقول الخواجه عمره ما هيحط فى العربيه ترموستات ثلاجه اتريه مطلعش خواجه دا طلع مصرى
ههههههههههههههههههههههههه هههههههه
المصريين ام التعديلات ممكن فردت جزمه يخليها عربيه زى ما خلى طرمبت الميه موتور عربيه
ثرموستات ثلاجه يا ظلمه تحطوه فى العربيه صباح الظروطه :8954[1]:
كده الربطه نامت تانى
يابني مصر دي اوضة وصاله وانا هارش الصنايعية دول واحد واحد...وبالامارة اسمه محمود
السنه اللي فاتت كنا عنده بعربية اكسيل...وركب له الهباب ده...ليه؟؟ اصل (الساعة) بتاع الفريون منفسة...انا مكنتش حاضر الكلام ده...حضرت من بعد كده ومعرفوش يصرفوني وبعيد عنك شخارة بالكهربا اتفتحت في وشه...المكيف يتلجنا وبعدين يولعنا ويتلجنا وبعدين يولعنا....حاجة خ.... عك...
قال ايه الساعة منفسه
عجلة انتاجها مريحــــــــــــة حبتين من الحر...اصل المنتدى مفيهوش الا 4 عربيات سويفت والباقي شكلهم طار...وشكلى زي ما بدأت الرابطة وحيدا هارجع تاني وحيد:120146b:120146bhttp://www.nilemotors.net/Nile/image...653%5B1%5D.gif
احنا معاك يا دكتور بس ربنا يبعد عنا مشاكل العربيات ويبارك لنا فيهم . عندي اقتراح ايه رايك نمسك الكتالوج نتكلم فيه يعني حضرتك تطرح منه موضوع للحوار وبكده ممكن نجدد حيوية ونشاط الرابطة .
كل سنه وانتم طيبين ورمضان كريم عليكم وعلينا ليه سؤال صغير عندى دوسه البنزين تقيله اوى حطيت شحم على السلك تلين شويه ترجع تانى حد يعرف ليها حل تبقى سهله شويه
كل سنة و الرابطة بخير و السويفتية هيرجعوا من جديد في رمضان انشاء الله
كل عام وانتو حبايبي واخواتي حتى لو سبت السويفت وربنا يرزق الجميع بكل خير
بخصوص سلك البنزين المفروض انه ميبقاش تقيل اطلاقا في اي عربية فالدنيا والكلام ده ممكن مع الدبرياج انما البنزين لأ وده دليل على ان السلك او الجراب ممكن يكون مزنزق او متني في مكان ما
حضرتك السلك ده على حد علمي مش بيتشحم والشحم ممكن يكون سبب تقله لانه نشف من السخونة
فك السلك من العربية وافحصه كويس جدا ممكن يكون فيه شعره مفتله طالعة منه بتقفش فالجراب...وكذلك افحص الجراب ودقق قوي اذا كان فيه كسرة او لأ
واغسل السلك والجراب بالسولار كويس عشان تشيل الشحم تماما....ودخل الجاز فالجراب بسرنجة...وبعد اما ينشف شوية ركبه واتاكد انه مش متني او مكسور هتلاقي العملية بقت زي الفل ان شاء الله
طيب الحل فى موضوع الترموستات ده اييييييييييييه عشان فعلا التكييف بيجيب ساقع وبعدين يفصل يجيب سخن
الغيه واسيب التكييف شغاااااال علطول ميفصلش ولا ايه بالظبط:8954[1]::8954[1]:
كل سنه وحضراتكم طيبين بمناسبه شهر رمضان اعاده الله عليكم بالخير :hrm_prv:
السلام عليكم كل سنه وحضرتكم طيبين ويعيد عليكم الايام بخير انا جديد فى هذه الرابطه وارجوا لى ان تساعدونى فى عربيه سوفت امامى موديل 94 ناوى اشتريها ان شاء الله والسوال الذى اطرحه هل موديل 94 فيه منه يبانى وفى مصرى لان وجدت صاحب العربيه جايب التكيف وكل مشتملاته ولم يركبه وقال انا كنت ناوى اركبه هل زوسوكى 94 المصرى لايصلح لها تركيب التكيف واشكركم جزيلا
سيبه في مكانه العجيب ده واوصل السلكين بتوعه في بعض
انا عملت كده فعلا شيلت السلكين ووصلتهم مه بعض ب فيوز
بس كده مبقاش بيفصل خالص:error404:
:)
كويس...والاخبار ايه....بارد وللا تعبان...لو مبردك اتحكم من مفتاح الحرارة الاحمر على ازرق
هو الفيوز ملوش لازمة اساسا...انت ممكن تشيله وتوصل مكانه عادي
هو موضوع الفصل ده بيتم من....
1-حساس الضغط على الماسورة الخارجة من التلاجة للكباس وفي بعض السيارات راكب ففلتر الفريون...وده الاساسي في الموضوع ده وبيسموه ساعة...
.2-فيه حساس طالع من الكونترول سلكين من عالجنب بفيشه لوحدهم كده وداخل للتلاجة...وده بيفصل اما يتكون تلج عالتلاجة عشان التلج ميسدهاش...وده تقريبا راكب فالاكسبانشان
3- حساس للحرارة بتاع مية الردياتير وده راكب فالكوعة جنب حساس عداد الحرارة
4- حساس للفريون...وده راكب جوه الكباس وهتلاقي سلكين طالعين من قلب الكومبريسور غير سلك الكلاتش
5...مش عارف سلك الترموستات العجيب اللي عندك هو مركبه ازاي
بص ياباشا...موضوع الياباني والمصري ده فيه خلاف جامد لدرجة اني شكيت ان عربيتي مصري
حضرتك الكلام الغالب ان المصري رقم الشاسيه بادئ ب sae والياباني بادئ ب saj بس انا مشفتش ال saj فياريت لو حد معاه موديل 92 او 93 او عربية متاكد من كونها ياباني يفيدنا
حضرتك لو فيه بديل...يعني سويفت مكيفة جاهزة يكون احسن...عشان الحاجات اللي بتركب على الكربيراتير والاسبيراتير دي غالبا مش بتيجي مع المكيف اللي جاي...الا اذا العربية اساسا كانت مكيفة وهيتغير
السلام عليكم يا اهل الربطه الكريمه؟؟؟؟؟؟؟؟؟؟؟ ايه مفيش اخبار عند موضوع التكيف الجو بجد ما يطقش من غير التكيف
ايه يا جماعه هوه انا اغيب يوم ارجع الاقى المتندى راشش وكمان بهيه مط دا ايه الحلاوه دى :camera:
ايه يا سويفتاويه الرابطه بقالها اربع ايام محدش قالها السلام عليكم
عموما انا العربيه كانت بتبطل وبتكتم وبتقطع المهم روحت فكيت الكربيراتير ونظفته الميكانيكى كان قلبه بيتقطع عشان العربيه اول مره يتفك الكربيراتير بتاعها بيقولى يعنى هوه راكب كده من سنه 1993 وانا جاى افكه انظفه فى 2011
انا داخل اقول السلام عليكم يا اهل الربطه الكرام ....................
والفطار عند مين انهارده
يشرفى الاشتراك فى هذه الرابطة , انا معايا سويفت هاتشباك اوتومتيك و لسه مغير ماتور وفيتس وكان عندى مشكلة فى الفتيس انه مافهوش مفاجة و وسحبه مش كويس ولما جابت الفتيس الجديد نفس المشكلة بضبط هل ممكن تبقى المشكلة من سلك البنزين والفتيس ولا من الكهرباء بتاعت الفتيس ولا الكنترول انا مش عارف المشكلة فين حاجة غريبة جدا ممكن حد يفدنى
مصطفى باشا
كل سنة وانته طيب
عندي مشكلة تكييف ومحتاج مساعدة
عربيتي سويفت 1997 اتوماتيك وباور
المهم العربية بقالها سنة التكييف تمام
لكن حدث صوت وده كان بسبب بلية الكمبورسور
المهم غيرنا البلية وبلية الشداد كمان ، وتم شحن التكييف بعد كده اشتغل
تاني يوم باشغل التكييف لقيت فيه دخان طالع والكمبروسور ما بيسقعش ومن يومها مش باستعل التكييف .
المهم بعد البحث والتنقيب عند عدة صنياعيه ، خلاص الكمبروسور اصبح في خبر كان ... لأنه بيطلع صوت عالي جدا حتى والتكييف مش شغال ، عملت حل عشان اخلص من صداع الصوت اللي عامل زي صوت الفسبه ، جبت سير قصير عشان نشغل الباور من غير ما يعدي على الكبمروسور والصوت راح .
دلوقتي بادور على كمبروسور عشان اشغل التكييف مش لاقي خالص ، حتى في بورسعيد سألت ناس أصدقائي هناك والنتيجة لم ينجح احد في الحصول على الكمبروسور.
اللي لاقيته كان الاكورين بتوعه فوق وده ما يركبش عندي عشان الباور ، وناس قالت نجيب واحد ويتعدل بس انا لا اثق في موضوع التعديل بالاضافة الى مشكلة الباور اللي بيمشي على نفس السير بتاع التكييف .
اليك مشكلتي ... هل من حل لديك يا دكتورنا العزيز
بص يا رايس فيه واحد فالمنصورة اسمه ابراهيم كدش ده هتلاقي اي حاجة موجودة عنده وده موجود عالطريق السريع اللي بعد كوبري الجامعة
تاني حاجة فيه شركة ساندن فالمعادي دول هتلاقي عندهم اي حاجة انت عايزها وممكن يعدل لك المكيف زي مانت عاوز...بس ده شغلهم كله جديد فهيبقى مكلف حبتين بس من كلام الناس فالمنتدى حسيت انهم كويسين
وبعدين اعتقد موضوع التعديل ده هيبقى في القاعدة بتاع الكومبريسور عشان يلفه 90 درجة فيخللي المخارج بتاع الاكور من قدام...انما تعديل فالكباس نفسه ده مرفوض طبعا
هو الباور ده نازل فالعربية وللا انت مركبه؟؟
السلام عليكم
اتشرف بالانضمام للرابطة مع انى لسه بدور على عربيه سويفت
ممكن أهل الخبره يشاركونى ...رحت بعد التراويح امبارح اشوف عربيه سويفت 95 يبانى ( مع انى سمعت هنا فى الرابطة ان لحد 94 هو الى يبانى مع انه مكتوب فى الاعلان يبانى ؟؟؟) المهم صاحب السيارة بعد الاتفاق وروحت عند منزله راح مشوار ولقيت نفسى واقف عند العربيه والرقم الى معايا بتصل بيه مغلق فقلت أصورها مع ان الاضاءة مش كويسه بس الفلاش الى فى الموبايل نفع ......فى حاجه هو كاتب فى الاعلان ان العربيه : سويفت 95 يبانى عمرة كاملة وسمكره ودوكو فبريكة دواخل لون ازرق
ولما روحت لقيت 3 حاجات ضايقتنى شويه :-
1- لقيت العربيه مركونه وعليها تراب وفضلات طيور الاشجار ( مش المفروض انه لو عارف ان فى حد جاى يبص على العربيه فيغسلها ؟؟ )
2- لقيت الشنطة من ورا المفروض فى باكته بلاستك بتركب عليها ولكنها مش موجوده ( مش المفروض انه يركبها قبل مايعرض العربيه للبيع ؟)
3- العربيه النمر قدام وورا مش راكبه ( وانا مبقولش انى شاكك ان فى حاجه غلط لاكن المفروض انا رايح ومعايا فلوسها وهخدها وامشى لأن صاحبها قالى انا مسافر بعد العيد وشكله من كلامه انه حد محترم ومن جاردن سيتى
المهم الى يضحك ...قولت أولع لى سيجارة واقف جنب العربيه يمكن يفتح موبايله وببص لقيت موبايلى بيرن قولت هو : لكن للاسف طلع والدى بيتصل بيا وعاوزنى اروحلو على القصر العينى الفرنساوى ومعايا فلوس لأن اخويا الصغير تعب وراح يكشف عليه قالولو يعمل الزايده دلوقتى ......ههههههههههههههههه
وعاوز افرجكم على صور العربيه وهو طالب 27 ألف ج ( وأنا معييش غير 25 وقلتله وقالى تعالى وربنا يسهل ) مع العلم ان السياره غير مكيفه
وأدى صورها :-
http://www7.0zz0.com/2011/08/20/05/592562479.jpg
http://www7.0zz0.com/2011/08/20/05/200364986.jpg
http://www7.0zz0.com/2011/08/20/05/280606053.jpg
http://www7.0zz0.com/2011/08/20/05/662494284.jpg
برجاء افيدونى برأيكم
وشكرا :-
مهندس / يحيى
السلام عليكم
محدش رد عليا فى موضوع العربيه ؟
حتى الكتالوج مش راضى يتحمل من الموقع لانه عاوز باس وورد للتحميل ( والى حضرتك كاتبه بتاع الفك بعد التحميل وجربته برضه مش راضى يشتغل ؟ ) ودى الصورة
http://www4.0zz0.com/2011/08/20/18/495568553.jpg
ياريت حد يقولى الباس وورد عاوز احمل الكتالوج ...وشكرا لكم وخاصة للدكتور مصطفى ( قصدى الباشموهندس مصطفى ) تستحق لقب الهندسه والله ...اخوكم مهندس / يحيى