غالبا عيب زيت....نوعه ايه اللي معاك؟؟...اقل حاجة تحطها الزيت اللي بيقوله عليه 5000 كيلو
عرض للطباعة
لا بحط زيت تعاون اللى هوه 40 اللى 4 لتر 3000 ولما بيتبخر بزوده باى نوع زويت علشان انا بقول كده بكده هغير المكنه
ياراجل يا طيب حرام عليك...ده زيت آخره يتحط فالطاسة...وبيخشن المكنه مووووووت...
جرب موبيل اكس اتش بي مرة وركب فلتر نوع كويس وشوف اخبار البخر ايه
وعلى فكرة بيبقى فيه كود للبخر مكتوب على جركن الزيت وكل موتور وله زيته ولحد دلوقت موبيل كويس مع الموتور وزيت شل على الرغم من سمعته بس عمره ما ظبط...أنا المرة دي هاجيب شل اصفر اجربه وهاقول لكم وربنا يستر
لو سمحتوا سئوال ضرورى عربيتى اكسيل ١٥٠٠ فى حاجة غريبة وانا على الاول او الثانى وانا بزود بنزين الاقى العربية تكن للحظة كانها هتقف وبعدين تسحب بسرعة ودة حصل بعد ما غيرت فنية البنزين وانا جايبهم اصلين ولاحظت حاجة تانية وانا واقف ومدور العربية اجى ادوس بنزين عند وصول الر ب ام بعد ٢ بشرتة يقل لحظى وبعدين رجع يعلا تانى طبيعى يا ريت حد يقولى دى مشكلة اة
شكرا لاهتمامكم يا جماعه و الله
هو انا عندى تكييف بس مش بشغله "اسكندريه بقى"
امبارح لقيت الار بى ام وطى الحمد لله بس يعتبر عالى بالنسبالى وصل 1500 بس وانا ماشى طبيعى جدا و لو بطلت العربيه فى وسط المشوار و دورت تانى بيبقى 800 اللى هو الطبيعى بتاعى
,انا مش مخوفنى ده انا موضوع الجير بوكس هو اللى مضايقنى بيسرب زيت و خايف يعمل مشكله
يا فندم ده احنا كده مقصرين و الله حقك اكتر من كده بكتير
لو محتاج مساعده ف شغلك انا بشغل ف business solutions
لو محتاج حاجه انا تحت امرك "برنامج اكسل يسهل شغلك حاجات كده يعنى"
هو الجكمان جبته من ابو اليزيد و قالولى ده نوع كويس
و ان شاء الله اروح لميكانيكى عشان الجير بوكس "بس هل استعجل و لا عادى براحتى" مع العلم انى زى ما قلتلك زمان ف اول المشكله انه لما بدوس ع الدبرياج الصوت بيختفى تماما
ال ار بى ام انا ل لعبت ف كربيراتير و لا جيت جنبه و الله
بس فى حاجه لما ادانى 3500 و رحت دايس بنزين و انا واقف راح نزل خالص لحد 1500 و بقيت كل اما ادور يدينى 1500 لحد م العربيه تسخن و خلاص
"كنت سألت زمان على الرجه و بعتلى صوره لمسمار الايدل و طريقه الضبط"
""""" قديم معاك انا يا دكتور و الله"""""
و جزاك الله كل خير
باشا شكرا على المعلومات الجامده اللى انته بتقولها وهجرب موبل علشان قبل كده كونت بحط توتال بس زباله اوى وبيعلى صوت المكنه ويتبخر بسرعه علشان كده حطيت تعاون علشان مش بيبخر بسرعه
حكاية ان العربية تكن لحظة دي من الصنايعي اللي عمل لك الكربيراتير....لأنها بتحصل معايا فالسويفت
اللي بحصل كالتالي...سيادتك بتضغط بنزين...فالمفروض فيه حاجة بتشتغل زي السرنجة بيسموها كباس والصح Acceleration Pump وده وظيفته انه بيضخ كمية بنزين بزياده عشان يخللي العربية تستجيب...وعشان يعمل شغله لازم يسحب بنزين من الغرفة اللي فالكربيراتير...فغالبا اللي عندك حاجة من دول...يا اما الغرفة مكتومة ومفيش هوا بيدخل لها كفاية...يا اما الكباس كاوتشته ناشفة ومش بيكبس تدريجي وعشان كده بيخللي العربية تسكت ثواني وبعدين يشبعها بنزين..
يا اما الرشاش اللي بيدخل البنزين وده مكانه اما سيادتك تفك فلتر الهوا وتبص جوه فتحة الكربيراتير...هتلاقي حاجه كده زي ماسورة رفيعة بوزها مدبدب وقطرها 3 مللي متنية وجاية من على جنب...انت اول ما تكبس بنزين هتلاقي الرشاش ده بيبخ رذاذ كده...وخللي بالك...ده اول اما تكبس فورا هتلاقيه بيبخ...
حل الموضوع ده ايه....انك تنضف الكربيراتير كويس جدا جدا....باستخدام الاسبراي في الماسورة اللي داخلة للكربيراتير...او تخللي التانك عالنص وتجيب منظف كربيراتير من بنزينة او كارفور...واتاكد انه كربيراتير مش انجيكشان....وحطه عالتانك وتحرق فالغيارات حبتين...وتغير فلتر البنزين قبل الموضوع ده...والمسأله هتلاقيها قلت كتير جدا ان شاء الله...وخللي بالك من نظافة فلتر الهوا برضه...واي استفسار
أنا ياباشا شاكك في ان فيه سيلينويد معلق...وكده غالبا التعليقه جاية من السخان وموضوع 1500 وينزل ده كويس وده الطبيعي...بس هي 1200 المثالية...ورقم 800 ده مظبوط...عاوزك تفك العمة بتاع فلتر الهوا وتركبها واحدة واحدة هو السخان موجود على يمين الكربيراتير لو انت واقف قدام العربية شوف كده اذا كانت فيه حاجة بتحوش او سلك ملمس...وبرضه عينك على الروافع بتاع الكربيراتير...انا ممكن اظبطها لك