اقتباس:
المشاركة الأصلية كتبت بواسطة sewefy
شكرا ليك وعندى حاجه حابب اعرفها العربيه فى الزحمه rpm بيبقى عالى عند ى n بيبقى 10 وبعدين ينزل لى 5 والعربيه تحس انها هتبطل انزل و الف المسمسار تعلى وبعد كده تعمل تانى وده ظهر تقربيا بعد اسبوع من تغير البنزين بقيت بحط 80 على 90 هل ده ممكن يعمل كده ولا ده اسبراتير ولاه كربراتير افيدونى يا سوفتيه
بص يا ريس...مسمار الآيـــدل ده متلعبش فيه...هو مش بيحتاج تعديل الا فيما ندر...هل ده مع المكيف؟؟...انا عندي بيطلع وينزل على مزاجة...مرة يعدي ال 1 اما العربية تكون باردة وبتسخن او اما باشغل المكيف ومرة ينزل لحد الشرطة اللي قبل الزيرو يعني تقريبا 300!!! فمش مضايقني في حاجة فمتشغلش بالك بيه قوي
فيه حكمة بتقول Never touch a working machine
ودي حكمة صادقة فعلا فعلا...
انا عاوزك تنضف الكربيراتير بالاسبراي...بس الكلام ده تعمله بعد اما تغير فلتر البنزين وقبل ما تغير البوجيهات عشان الاسبراي ده بيهبب عليها جامد....عن طريق كشف العمة ورفع فلتر الهوا والعربية دايرة وتزود بنزين من السلك جامد وترج الاسبراي وتبخ بخات قوية متقطعة (عشان العربية متبطلش) فالفتحتين بتوع الكربيراتير وبالذات الفتحة الورانية اللي ناحية صدر العربية...لحد اما تلاقيها نضفت....وتغير فلتر البنزين اذا كان بقى لك فترة مغيرتهاش....فيه طريقة تانية للتنضيف بس معقدة شوية...هل انت عندك فلتر بنزين قدام؟؟ وطرمبة البنزين هل هي داخلية وللا خارجية؟؟
شوية اما افضى هاعمل لكم موضوع تنضيف الكربيراتير بالتفاصيل