عربيتك هيدروماتيك...صح؟؟
أعتقد ان المشكلة ممكن تكون من دورة تبريد الفتيس...الفتيس ممكن بيسخن عالسرعات العاليــــة...سيادتك هتعمل التالي
اولا...لو ترموستات الكوع موجود شيله....وعينه في برطمان فيه ميه عشان لو عاوز تركبة في الشتا
ثانيا...روح لحد بتاع رادياتير عنده ذمة وخليك يسلك الردياتير كويس ومن غير ما يستعمل اي مية نار
ثالثا...والردياتير مفكوك والعربية باردة....وبأأكد عليه والعربية والفتيس باردين هتخليه يجيب خرطوم ميه مفتوح ويحطه في خرطوم المكنة ومره في خرطوم الفتيس (الفتيس له دورة تبريد فالردياتير) ويتاكد ان الميه ماشية كويس
رابعا... حضرتك زيت الفتيس الاوتوكاتيك لازم يتغير كل 50000 تغيير كامل وتخليه يصفي تماما قبل ما تحط الجديد...وحاول تجيب زيت موبيل للاوتوماتيك
خامسا...غطا الردياتير اتاكد ان سوسته سليمة وبتاخد وتدي معاك...وياريت تاخده وتغسله تحت الحنفية وبفرشة بلاط اليلاستيك الخشنة دي تدعك السوستة عشان تشيل الصدا وانقعه ليله في كوباية مليانة خل وتكرر الغسيل تاني يوم تحت الحنفية هتلاقيه بقى جديد...البيه عندي غسل لي الغطا بمية نار فبهدلني
سادسا...متحطش ميه خضرا من اي نوع الا موبيل ام 70 جنيه غير كده ملهاش لازمة وهتقرفك بمعني الكلمة لان النوعيات التانية مع السخونة بترسب
انا لسه مقروص قرصه جامدة يوم الاحد من تحت راس الردياتير ده