رابطة مالكي السويفت

**exact** · 18-07-2011 11:48 AM

الحمد لله وحده

تم رفع كتالوج المالك اليوم فجرا

والصراحة طلع عيني في سحبه سكانر لما ايديا وقفت

اللي طالبه حاجة واحدة...الدعاء للأستاذ أحمد رفعت (hemeda14) [لأنه صاحب الكتالوج...وعشان تعب جدا على ما صوره وعلى ما عرف ييجي يديهولي]... أو للعبد لله بأي دعوة تدعيها لنفسك من قلبك

وأتوجه بالشكر والتقدير والعرفان للزميل المحترم العزيز جدا أ. أحمد (hemeda14) على مجهوده ويعجز لساني عن شكرك فعلا...الا اني هاقول لك جزاكم الله كل خير عما قدمتموه...لأن حقيقي لو حد تاني كان هيكبر دماغه

لينك التحميل
Exact.Swift.User.Manual.rar

باسوورد فك الضغط nilemotors.net

هو الحمد لله الكتالوج أنا فاهم معظمه من فتره كبيرة...فاللي عاوز أي حاجة يسأل

وآخر دعواهم أن الحمد لله رب العالميــــــــــــــن

**exact** · 18-07-2011 12:06 PM

المشاركة الأصلية كتبت بواسطة elraye2

غسلت الثلاجه بتاع المكيف النهرده كان فيها طين بس محستش بفرق غير فى ان الريحه بتاعت التكييف بقت كويسه
التكييف وهوه شغال العدسه بتبقى فيها حاجات بيضه كده وفيها هواء
كده عايز يتشحن
وشكلى كده هبيع قريب وهنضم لرابطه ال لانسر بس طبعا عمرى ما هنسى اصلى

انت بكلامك محسسني ان اللي بتقول عليه ده مش بيحصل للمرسيدس
وياسيدي انضم براحتك ومتقطعش بينا
وعلى فكرة انا بافكر لو نويت -ده لو- يا لانسر يا فيرنا

بس كويس انك غسلت التلاجة...انا كنت غسلتها بخرطوم المغسلة وقعدت ييجي ربع ساعة تنزل طين...واما نضفت فرقت اكتر من 50 %

المكيف بيعوز صبر

مكيفك فيه حاجة من 2 يا اما شحنت وماتعملش فاكيوم كويس
يا اما عاوز تزود شحن وده سهل جدا جدا...ارجع للموضوع بتاع اشحن تكييف عربيتك بايدك وانت هتلاقي كل حاجة

**roaa0roaa** · 18-07-2011 12:38 PM

يا باشا انا فكيت الخرطومين من الكربراتير ووصلت الماسورتين اللى خارجين من الكربراتبر بخرطوم واحد واعتقد ان مكان الماسورتين واحده خارجه من مجمع السحب واعتقد بيوصل خرطوم منها للعمة والماسوره التانيه خارجه من تحت العمة واهى محاوله وخلاص على بال ماارجع المحله اصل انا بصيف فى اسكندريه دلوقتى عقبلكم جميعا

**roaa0roaa** · 18-07-2011 12:46 PM

د.مصطفى العربية عندى شاريها كان راكب فيها تكييف بس ناقص الكمبريسور وانا مش ناوى اشغله خالص اللى عايز حاجه من التكييف اناتحت امره هديه منى

**roaa0roaa** · 18-07-2011 12:46 PM

لانه ما لوش لازمه عندى

**exact** · 18-07-2011 01:36 PM

المشاركة الأصلية كتبت بواسطة roaa0roaa

لانه ما لوش لازمه عندى

حد يستغنى عن المكيف؟؟؟....يا طيب حرام عليك...جرب تشغله هيصرف حبة...بس فيه عائد

بس لو مصمم انا حاجز مروحة السربنتينة والكونترول والاكبانشان

**ayman_hosamy** · 19-07-2011 02:20 AM

المشاركة الأصلية كتبت بواسطة exact

جرب التالي...سخن العربية كويس...اتحرك بيها عالطريق والتكييف مطفي...واول ما تحس ان الموتور سخن افتح الزرار اللي بيجيب هوا من بره والمكيف مطفي..شوف هتلاقي صهد زايد عن الجو ولا لأ....

لا

المشاركة الأصلية كتبت بواسطة exact

هل المكيف وقت الحر الكومبريسور شغال والفتحات جايبة صهد

ساعات بتجيب صهد وبتخلينى عاوز انزل اقف فى الشمس عشان تكون تراوة شويه عن العربية

**elraye2** · 19-07-2011 03:28 AM

الله ينور يا دكتره على الكتلوج بس فين الباسورد بتاع الحمايه بتاع الدونلود
صحيح حضرتك لو فاضى يوم قولى ونقصى السهره مع بعض فى ىيوم نظبط التكييف
نصيحه منى بلاش فيرناااااااااااا ده عشان انته حبيبى

**exact** · 19-07-2011 03:29 AM

المشاركة الأصلية كتبت بواسطة ayman_hosamy

لا

ساعات بتجيب صهد وبتخلينى عاوز انزل اقف فى الشمس عشان تكون تراوة شويه عن العربية

حلك متركز فالتالي
اولا التاكد ان الشحن مظبوط
ثانيا التاكد ان الردياتير سالك كويس جدا وان الزعانف بتاعه كلها مفتوحة ومش متطبقة
ثالثا التاكد ان ترموستات الكوع اللي بيقفل دورة المية متشال
رابعا عمل وصله ما بين موتور المروحة والتكييف بحيث عند تشغيل المكيف تدور مروحة الردياتير
خامسا...التاكد من نظافة تلاجة التبريد تحت التابلوه
سادسا...لو انت مش متاكد من موضوع السخن الغيه وريح دماغك...انا لغيتة من حبيتين والمكيف فرق كتير عندي
سابعا بس لا انصح بيها الا بعد التاكد مما سبق...افصل حساس الحرارة بتاع المكيف اللي راكب جنب حساس الحرارة بتاع العداد...وده وظيفته انه يطفي التكييف ما العربية تسخن...وعشان تفرقهم من بعض اعمل كده والعربية سخنة والمفروض انها هتكون اللي مش هتحرك عداد الحرارة...بس من بعدها وانت سايق بالمكيف خللي بالك من عداد الحرارة
وعرفني النتيجة

**exact** · 19-07-2011 03:33 AM

المشاركة الأصلية كتبت بواسطة ayman_hosamy

لا

ساعات بتجيب صهد وبتخلينى عاوز انزل اقف فى الشمس عشان تكون تراوة شويه عن العربية

حلك متركز فالتالي
اولا التاكد ان الشحن مظبوط
ثانيا التاكد ان الردياتير سالك كويس جدا وان الزعانف بتاعه كلها مفتوحة ومش متطبقة
ثالثا التاكد ان ترموستات الكوع اللي بيقفل دورة المية متشال
رابعا عمل وصله بكتاوت صغير ما بين موتور المروحة والتكييف بحيث عند تشغيل المكيف تدور مروحة الردياتير
خامسا...التاكد من نظافة تلاجة التبريد تحت التابلوه
سادسا...لو انت مش متاكد من موضوع السخن الغيه وريح دماغك...انا لغيتة من حبيتين والمكيف فرق كتير عندي
سابعا التاكد من سير المكيف
ثامنا بس لا انصح بيها الا بعد التاكد مما سبق...افصل حساس الحرارة بتاع المكيف اللي راكب جنب حساس الحرارة بتاع العداد...وده وظيفته انه يطفي التكييف ما العربية تسخن...وعشان تفرقهم من بعض اعمل كده والعربية سخنة والمفروض انها هتكون اللي مش هتحرك عداد الحرارة...بس من بعدها وانت سايق بالمكيف خللي بالك من عداد الحرارة...وشوف هل فرق وللا لأ لو مفيش ركبه تاني
وعرفني النتيجة

الموضوع: رابطة مالكي السويفت

LinkBack

أدوات الموضوع

عرض

-

-

-

-

-

-

المواضيع المتشابهه

رابطة مالكي البيجو 305

رابطة مالكي ال f0

فين رابطة مالكي فورد

استفسار من مالكي السويفت

رابطة مالكي السريون

الكلمات الدلالية لهذا الموضوع

المفضلات

المفضلات

ضوابط المشاركة