رابطة مالكي السويفت

**meritt** · 08-06-2012 06:59 PM

السلام عليكم // انا متابع الرابطة بقالى 5 شهور ومنكرش انى استفدت منها كتير ـ انا معايا سويقت 96 حالتها كانت حلوة لما اشترتها ،، بس كان فيها مشكلة مجننانى ،، الكبالن ثم الكبالن غيرتها 4 مرات لغاية دلوقتى ولسة بطقطق وانا مش عارف لية مع العلم انى كنت بغير الرؤوس فقط واللة كنت بدور على اغلى الانواع عشان مش عايز ابخل على العربية بحاجة بس مازالت المشكلة هى هى،، المشكلة الثانية التى ارجوا الافادة فيها من دكتور مصطفى ، العربة عندى فى اقسى ايام الحرارة مبتسخنش ولكن عندما اجرى بها او كما يقولوا احرق على الغيار ،، او على طريق السفر ،، ارى مؤشر الحرارة يرتفع الى اخر الخط الاول وتستمر هكذا حتى ارفع قدمى من على البنزين او امورها ،، فياترى دة عيب اية ؟؟؟ تقبلوا تحياتى

**mahmoud85** · 08-06-2012 10:10 PM

اعتقد مشكله الكبالن دي حلها الوحيد هو طريقه القياده نفسها مش اكتر من كده لان الكبالن بتاعت السويفت عموما تعبانه موله

ثانيا معلومه عالماشي : فلتر بنزين روسي سويفت 94 ب 5 جنيه والياباني ب 10 .... جوان غطا التاكيهات تايواني ب 10 جند والياباني تقريبا ب 20 ... التايواني بيتغير مره واحده ولو فكيت الغطا تاني بتغيره

**DR.M** · 14-06-2012 11:51 AM

ازيكم

امبارح كنت بظبط عفشه قدام كبالن تايواني
بيض طرف
وكده
المهم الواد وهو بيظبط الدركسيون (تعديل الطاره مع اتجاه عجل السياره)
ظيع علامه السوزوكي من على الدركسيون
فص ملح وداب

ياترى اجدها فين بتتباع ولا لاء؟؟
شكرا

**DR.M** · 14-06-2012 11:54 AM

ازيكم

امبارح كنت بظبط عفشه قدام كبالن
بيض طرف
وكده
المهم الواد وهو بيظبط الدركسيون (تعديل الطاره مع اتجاه عجل السياره)
ضيع علامه السوزوكي من على الدركسيون
فص ملح وداب

ياترى اجدها فين بتتباع ولا لاء؟؟
شكرا

**DR.M** · 14-06-2012 12:00 PM

ازيكم

امبارح كنت بظبط عفشه قدام كبالن
بيض طرف
وكده
المهم الواد وهو بيظبط الدركسيون (تعديل الطاره مع اتجاه عجل السياره)
ضيع علامه السوزوكي من على الدركسيون
فص ملح وداب

ياترى اجدها فين بتتباع ولا لاء؟؟
شكرا

**exact** · 14-06-2012 03:41 PM

المشاركة الأصلية كتبت بواسطة meritt

السلام عليكم // انا متابع الرابطة بقالى 5 شهور ومنكرش انى استفدت منها كتير ـ انا معايا سويقت 96 حالتها كانت حلوة لما اشترتها ،، بس كان فيها مشكلة مجننانى ،، الكبالن ثم الكبالن غيرتها 4 مرات لغاية دلوقتى ولسة بطقطق وانا مش عارف لية مع العلم انى كنت بغير الرؤوس فقط والله كنت بدور على اغلى الانواع عشان مش عايز ابخل على العربية بحاجة بس مازالت المشكلة هى هى،، المشكلة الثانية التى ارجوا الافادة فيها من دكتور مصطفى ، العربة عندى فى اقسى ايام الحرارة مبتسخنش ولكن عندما اجرى بها او كما يقولوا احرق على الغيار ،، او على طريق السفر ،، ارى مؤشر الحرارة يرتفع الى اخر الخط الاول وتستمر هكذا حتى ارفع قدمى من على البنزين او امورها ،، فياترى دة عيب اية ؟؟؟ تقبلوا تحياتى

منطقيا يبقى حضرتك لازم تشيك على الكوبلن نفسه... اقصد الجزء اللي الراس بتركب عليه لأن ممكن يكون فيه حاجة بتسبب تآكل رأس الكوبلن... ولازم العفشجي وهو بيركب يبص كويس على كوتشة الكوبلن ويحط كيس الشحم كله...
وان كان الــ4 رمحومين راكبين عند نفس العفشجي يبقى النصيحة الاساسية انك تغير العفشجي لأنه شكله بيركب حاجة غلط

بخصوص السخونة هتعمل التالي

1- هتجيب خرطوم ميه وتغسل الردياتير وتخللي اتجاه الميه من ناحية المروحة لقدام لأنه غالبا عليه تراب كتير
2- لو استمرت يبقى حضرتك محتاج انك تسلك ردياتير ولو اني ارجح ان اللي عند حضرتك دي مشكلة صمام المياه الحراري (ترموستات الكوع) وده انصحك بأنك تفكه في الصيف وتعينه في برطمان زجاجي مليان ميه وتركبه في الشتا تاني (أما الجو يبرد... ده ان كان سليم) ومتقلقش من شيله في الصيف اطلاقا بس انت سخن العربية 3 دقايق قبل ماتتحرك بيها وهتلاقيها زي الفل ان شاء الله

وأي استفسار انا فالخدمة

**exact** · 14-06-2012 03:46 PM

المشاركة الأصلية كتبت بواسطة mahmoud85

اعتقد مشكله الكبالن دي حلها الوحيد هو طريقه القياده نفسها مش اكتر من كده لان الكبالن بتاعت السويفت عموما تعبانه موله

ثانيا معلومه عالماشي : فلتر بنزين روسي سويفت 94 ب 5 جنيه والياباني ب 10 .... جوان غطا التاكيهات تايواني ب 10 جند والياباني تقريبا ب 20 ... التايواني بيتغير مره واحده ولو فكيت الغطا تاني بتغيره

الكبالن مش تعبانة ولا حاجة بس نصيحة انت وانت راكب اي عربية اما تيجي على ارض مطبات وكده ماتضغطش بنزين وسيبها تاخدها براحتها ان لم تخليها ممورة أحسن.... واما تيجي تاخد ملف او دوران للخلف ما تقرصش عالعربية لأن الكوبلن بيكون مفسوخ للآخر وعشان كده يستحسن انك تاخد الملفات عالواسع عشان متكسرش الدركسيون للآخر... والكلام ده في اي عربية مش للسويفت بس

بخصوص الاسعار اسعار كويسة جدا

انا فاكر ان جبت جوان التاكيهات ده ب 30 جنيه ياباني اصلي محفور عليه بس الأهم من الجوان انك تخللي الميكانيكي يحط عليه لزق قبل ما يركبه (بيقولوا عليه جملكة) لأنه مهما ربط من غير لزق هيسرب زيت برضه

**exact** · 14-06-2012 03:47 PM

المشاركة الأصلية كتبت بواسطة dr.m

ازيكم

امبارح كنت بظبط عفشه قدام كبالن تايواني
بيض طرف
وكده
المهم الواد وهو بيظبط الدركسيون (تعديل الطاره مع اتجاه عجل السياره)
ظيع علامه السوزوكي من على الدركسيون
فص ملح وداب

ياترى اجدها فين بتتباع ولا لاء؟؟
شكرا

هل قصدك على كلمة سوزوكي وللا غطا الكلاكس البلاستيك بحاله

اعتقد هتلاقيه عند بتوع الاستيراد

**egypt2003wm** · 14-06-2012 08:03 PM

ربنا يوفئكوا

**exact** · 14-06-2012 08:14 PM

يا اخواننا أنا جبت المحلول ده
طبعا انتوا عارفين اني من مضادي الميه الخضرا للردياتير
بس انا باحب شركة ABRO

واشتريت العلبة دي بــ 10 جنيه تضاف للردياتير على ميه بيضاء

واستنيت اما العربية بردت خالص
وبعدين فكيت الخرطوم الفوقاني بتاع الردياتير
ودورت العربية وحطيت خرطوم ميه مكان الخرطوم الفوقاني بتاع الردياتير وفضلت فاتح الميه لحد اما الميه راقت خالص

وبعدين ركبت كل حاجة زي ما كانت وضفت العلبة دي كاملة بعد ما رجيتها وزودت الردياتير بالمية لآخره ونضفت القربه
ودورت العربية لحد اما المروحة اشتغلت وفصلت لقيت طبعا مية الردياتير نقصت شوية زوتها وقفلت الردياتير وكل عام وانتم بخير

هاديكم التقييم بعد فتــــــــــــرة بس حبيت اشارككم اللي عملته

الموضوع: رابطة مالكي السويفت

LinkBack

أدوات الموضوع

عرض

-

-

-

-

-

-

-

المواضيع المتشابهه

رابطة مالكي البيجو 305

رابطة مالكي ال f0

فين رابطة مالكي فورد

استفسار من مالكي السويفت

رابطة مالكي السريون

الكلمات الدلالية لهذا الموضوع

المفضلات

المفضلات

ضوابط المشاركة