تحياتى لك يااستاذى الفاضل واشكرك على ردك وكنت متوقع منك الاهتمام كعادتك وقد صدق ظنى ،، وبالتالى فانى اطمع ان استغل هذة الفرصة واستفسر عن بعض الاشياء من اهل خبرة كسعادتكم..
ياباشا لا شكر على واجب
1- بالنسبة للسخونة ذكرت اننى انظف الرداتير ناحية اتجاة المروحة فربما يكون علية تراب ،، فهل ممكن ان يكون التراب هو سبب مشكلة السخونة عندى؟؟
الكلام ده بنعمله لتحسين كفاءة التبريد
2-هل ترومستات الكوع هذة هى الترومستات التى توجد فى الرداتير من اسفل ؟؟؟
اللي فالردياتير من تحت دي بتاعة تشغيل المروحة اللي باقول لك عليها دي موجودة في كوع معدني طالع منه خرطوم كبير واصل للردياتير من فوق وعشان كده بيسموه ترموستات الكوع
وده شكله وقد يختلف بعض الشئ من سيارة لأخرى
3- قال لى الميكانيكى ان مشكلتى (اذكرك بها // انة عندما اسير عادى ومهما كان الجو حار لاتسخن العربة /ولكن وبمجرد ان انوى ان اجرى بها واتعدى ال80 يرتفع المؤشر بحيث انة عندما اصل الى 120يكون المؤشر فى اعلى نقطة) هى فى علبة الشكمان او ان الرديتاير مسدود ، فهل كلامة هذا منطقى؟؟؟؟
كلامه ده احتمال وارد ولكني ارجح انك تتمم على الردياتير قبل ما تشوف الشكمان
بخصوص الشكمان الكلام ده ممكن يحصل في العربيات اللي فيها المحول المحفز (علبة البيئة.. Catalytic Converter )
4- ماهى المدة المعقولة لتغير طرمبة البنزين (مع العلم انى لا اضع بنزين80 اطلاقا) والاسبراتير (هل هو اليكترونى فى السويفت ؟لانى خبرتى كانت مع الريتمو والسوزوكى جديدة علية)
طرمبة البنزين ليس لها مدة تغيير... ممكن العربية تتكهن والطرمبة بتاعها سليمة وممكن تكون عاوزة تتغير بعدها باقل من شهر في اول صيانة فهي انت وبختك
اللي بيعوز يتغير فلتر البنزين وده لو كان فلتر اللي جواه ورق بيتغير كل 5000 كيلو انما الاسفنجي بيقعد 10000
تنويه بس بخصوص البنزين حضرتك حاجتين متصدقش حد فيهم
اولهم ان البنزين ال 80 مليان شوائب (لأني شفتك كاتب مش بتحط بنزين 80 وهو ملوش دعوة بأي حاجة) مشكلة البنزين بتكون من المحطة نفسها مش بيستعملوا مكنة تنضيف الخزانات فممكن تكون بتحط بنزين 95 والعربية طرمبتها تتلف والا اللي معاهم باسات او بي ام من اللي بيحطوا 95 هيعوزوا يغيروا فلتر البنزين ليه... المهم انك تكون بتروح بنزينة نضيفة
تاني حاجة ان البنزين الفلاني ده حامي عالعربية... ده مجرد تحشيش او هجص محض
اسف على الاطالة ولكنك علمتنا ان نسال وانت لاتبخل بالاجابة... تحياتى لك
انت تؤمر في اي وقت باللي انت عاوزه
المفضلات