الموضوع: رابطة مالكي السويفت

المشاركة الأصلية كتبت بواسطة exact

منطقيا يبقى حضرتك لازم تشيك على الكوبلن نفسه... اقصد الجزء اللي الراس بتركب عليه لأن ممكن يكون فيه حاجة بتسبب تآكل رأس الكوبلن... ولازم العفشجي وهو بيركب يبص كويس على كوتشة الكوبلن ويحط كيس الشحم كله...
وان كان الــ4 رمحومين راكبين عند نفس العفشجي يبقى النصيحة الاساسية انك تغير العفشجي لأنه شكله بيركب حاجة غلط

بخصوص السخونة هتعمل التالي

1- هتجيب خرطوم ميه وتغسل الردياتير وتخللي اتجاه الميه من ناحية المروحة لقدام لأنه غالبا عليه تراب كتير
2- لو استمرت يبقى حضرتك محتاج انك تسلك ردياتير ولو اني ارجح ان اللي عند حضرتك دي مشكلة صمام المياه الحراري (ترموستات الكوع) وده انصحك بأنك تفكه في الصيف وتعينه في برطمان زجاجي مليان ميه وتركبه في الشتا تاني (أما الجو يبرد... ده ان كان سليم) ومتقلقش من شيله في الصيف اطلاقا بس انت سخن العربية 3 دقايق قبل ماتتحرك بيها وهتلاقيها زي الفل ان شاء الله

وأي استفسار انا فالخدمة

تحياتى لك يااستاذى الفاضل واشكرك على ردك وكنت متوقع منك الاهتمام كعادتك وقد صدق ظنى ،، وبالتالى فانى اطمع ان استغل هذة الفرصة واستفسر عن بعض الاشياء من اهل خبرة كسعادتكم..
1- بالنسبة للسخونة ذكرت اننى انظف الرداتير ناحية اتجاة المروحة فربما يكون علية تراب ،، فهل ممكن ان يكون التراب هو سبب مشكلة السخونة عندى؟؟
2-هل ترومستات الكوع هذة هى الترومستات التى توجد فى الرداتير من اسفل ؟؟؟
3- قال لى الميكانيكى ان مشكلتى (اذكرك بها // انة عندما اسير عادى ومهما كان الجو حار لاتسخن العربة /ولكن وبمجرد ان انوى ان اجرى بها واتعدى ال80 يرتفع المؤشر بحيث انة عندما اصل الى 120يكون المؤشر فى اعلى نقطة) هى فى علبة الشكمان او ان الرديتاير مسدود ، فهل كلامة هذا منطقى؟؟؟؟
4- ماهى المدة المعقولة لتغير طرمبة البنزين (مع العلم انى لا اضع بنزين80 اطلاقا) والاسبراتير (هل هو اليكترونى فى السويفت ؟لانى خبرتى كانت مع الريتمو والسوزوكى جديدة علية)
اسف على الاطالة ولكنك علمتنا ان نسال وانت لاتبخل بالاجابة... تحياتى لك

يا جماعة حد يعرف سعر ماتور استيراد بتاع السويفت الهاتشباك 3 سلندر 1000 cc بفتيس اوتوماتيك كامل (كربراتير و دينامو و مارش و تكييف) ثمنه كام
انا سالت عليه عند ميدو فى احمد حلمى قاللى 2300 و من غير فتيس 1500 السعر كدا كويس ولا مبالغ فيه و لو حد هنا من المحلة او بورسعيد يعرف سعر المانور دا كام يبقي كتر خيره

السلام عليكم ورحمة الله
العضو Meritt

بالنسبة لمشكلة الكبالن عندك ممكن تكون من الكوبلن الداخلى مش من الخارجى علشان انا عندى نفس المشكلة بس مستنى لحد ما يتهالكة واغيرهم استيراد علشان على ما اعتقد مفيش منهم جديد
وممكن لو الميكانيكى حلهم ولقاهم فعلا العيب منهم ممكن متغيرهمش فية ناس بتذويدهم او تملأ الفراغات اللى فيها المسببة لطقطقة

المشاركة الأصلية كتبت بواسطة meritt

تحياتى لك يااستاذى الفاضل واشكرك على ردك وكنت متوقع منك الاهتمام كعادتك وقد صدق ظنى ،، وبالتالى فانى اطمع ان استغل هذة الفرصة واستفسر عن بعض الاشياء من اهل خبرة كسعادتكم..
1- بالنسبة للسخونة ذكرت اننى انظف الرداتير ناحية اتجاة المروحة فربما يكون علية تراب ،، فهل ممكن ان يكون التراب هو سبب مشكلة السخونة عندى؟؟
2-هل ترومستات الكوع هذة هى الترومستات التى توجد فى الرداتير من اسفل ؟؟؟
3- قال لى الميكانيكى ان مشكلتى (اذكرك بها // انة عندما اسير عادى ومهما كان الجو حار لاتسخن العربة /ولكن وبمجرد ان انوى ان اجرى بها واتعدى ال80 يرتفع المؤشر بحيث انة عندما اصل الى 120يكون المؤشر فى اعلى نقطة) هى فى علبة الشكمان او ان الرديتاير مسدود ، فهل كلامة هذا منطقى؟؟؟؟
4- ماهى المدة المعقولة لتغير طرمبة البنزين (مع العلم انى لا اضع بنزين80 اطلاقا) والاسبراتير (هل هو اليكترونى فى السويفت ؟لانى خبرتى كانت مع الريتمو والسوزوكى جديدة علية)
اسف على الاطالة ولكنك علمتنا ان نسال وانت لاتبخل بالاجابة... تحياتى لك

الطقطقة دى من الكوبلن الخارجى بسب البلي بايظ او مفيش شحم
الكوبلن الداخلي لما بيبوظ بتسمع رجرحة بعد ال 50 او لما تقرص الي الغيار
عموما في ورش يتوضب الكبالن بترجعها زي الاول