رابطة مالكي السويفت

**efsa** · 23-06-2011 12:53 PM

عندي سؤال ياريت حد يفدني
إمبارح روحت عملت ضبط زوايا ورا وقدام وترصيص الأربع عجلات، والنهارده وأنا جاي ع الشغل لقيت العربية بتحدف شمال لو سبت الدريكسون وعند الـ 120 بتظهر رعشة في الدريكسون. فهل ده عيب زوايا برضه ولا حاجه تانيه رغم إني عملها عند واحد المفروض إنه مشهور وكويس اسمه الدخاخني في المؤسسة.

**exact** · 23-06-2011 08:24 PM

المشاركة الأصلية كتبت بواسطة efsa

عندي سؤال ياريت حد يفدني
إمبارح روحت عملت ضبط زوايا ورا وقدام وترصيص الأربع عجلات، والنهارده وأنا جاي ع الشغل لقيت العربية بتحدف شمال لو سبت الدريكسون وعند الـ 120 بتظهر رعشة في الدريكسون. فهل ده عيب زوايا برضه ولا حاجه تانيه رغم إني عملها عند واحد المفروض إنه مشهور وكويس اسمه الدخاخني في المؤسسة.

الحدف طبعا زوايا....والرجرجة ترصيص بس ممكن تحصل من الزوايا....بس انت ليه رحت تظبط زوايا؟؟

سيادتك تعيد ظبط الزوايا اولا وتجرب...لازم الحدفة تروح...واحتمال الرجرجة تروح

اذا الحدفه راحت والرجرجة ما راحتش رصص تاني

**elraye2** · 25-06-2011 06:54 AM

حد جرب الموتور ال1600 يا جماعه انا بحس انى لما بقرص على الموتور ال1300 ان هوة بيعيط فا ياريت لو حد جرب ال1600 يقول ايه اخبار الاداء بتاعه وياريت يكتب تقرير كامل عنه :b4_033:

**efsa** · 26-06-2011 12:30 PM

متشكر جدًا يا دكتور مصطفى، هاروحله تاني بإذن الله.
بس فيه سؤال تاني معلش
الموتور عندي بياكل زيت، أنا بستخدم زيت موبيل الألف كيلو
وبعد كل 250 كليو تقريبا بلاقي الموتور نقص بتاع نص كيلو أو أكتر شويه
يعني تقريبا كل ألف كيلو بكون حطيت 2 كيلو زيت.
فإيه الحل في كده

**exact** · 26-06-2011 07:08 PM

المشاركة الأصلية كتبت بواسطة efsa

متشكر جدًا يا دكتور مصطفى، هاروحله تاني بإذن الله.
بس فيه سؤال تاني معلش
الموتور عندي بياكل زيت، أنا بستخدم زيت موبيل الألف كيلو
وبعد كل 250 كليو تقريبا بلاقي الموتور نقص بتاع نص كيلو أو أكتر شويه
يعني تقريبا كل ألف كيلو بكون حطيت 2 كيلو زيت.
فإيه الحل في كده

دور عالتالي....الاول ان فيه تسريب في الزيت....والتاني انه لا قدر الله المكنة بتاكل زيت وعاوزه شنابر وده بيتعرف من عادم العربية...والتالت نوعية الزيت نفسها مش متناسبة مع الماكينة وبتتبخر...وده حصل معايا في زيت شيل هيليكس الترا اللي بيقعد 10000 وصلت بيه الى 7000 بالعافيـــــــــــة...بينم� � الموبيل 1 بيكمل معايا للآخر مع بعض النقص...أنا حاليا اول مرة انقل ل شيل الاصفر وشكلي هاكمل عليه عشان استهبال موبيل فالاسعار

جرب جيب نوع فلتر كويس...وحط زيت شيل احمر او اصفر وسمي بالله كده وجرب

**efsa** · 26-06-2011 08:30 PM

متشكر يا دكتور قوي على اهتمامك وردك
أحب أقول لحضرتك مفيش تسريب ببص كويس تحت العربية مش بلاقي أثر لزيت.
مش عارف العادم أعرفه إزاي، ياريت حضرتك توضحهولي بعد إذنك.
بالنسبة للبخرة، آه فعلا بلاقي بخار طالع لما بفك الغطاء عشان أزود العربية زيت.

**elraye2** · 27-06-2011 08:45 AM

هوه نوع اللمبات اللى فى الفوانيس الاماميه ايه

**efsa** · 27-06-2011 01:33 PM

مش عارف، أظن إنها الأصلية متغيرتش.
ملحوظة: أنا معرفش أجزاء ومكونات السيارة خالص، أسمع إن فيه حاجه اسمها كوبلن وطنبوره ومساعدين وبساتم وكلام زي ده، لكن معرفش فين أماكنها وشكلها إيه. بس أنا هبدأ من النهارده أدور على صور وشروح للحاجات دي وأشوفها عملي في العربية. بس لغاية ما يحصل ده استأذن حضرتك تتعامل معايا على إني أبيض من الورد.

**exact** · 27-06-2011 03:45 PM

المشاركة الأصلية كتبت بواسطة elraye2

هوه نوع اللمبات اللى فى الفوانيس الاماميه ايه

مش فاهم المقصود

بس هي لمبات من فئة H4 ودي نوع من اللمبات العالي والواطي في لمبة واحدة...ولها 3 اطراف وقاعدتها شبه الطبق وليه 3 ريش

وال 3 اطراف لو بالمنظر اللي انت شايفه ده المشترك اللي ناحيتنا والعالي فوق والواطي عالجهة التانية

أما لو قصدك بخصوص الماركات ففيه ماركات كتير جدا

احسنهم فيليبس بس تكون اصليه...نوع اسمه فيليبس رالي وفيه نايت جايد

انا مركب نوع اسمه نارفا وده الماني الواحده ب 25 وده كويس وبيعيش واضاءته بيضاء ناصعة

فيه نوع اسمه تانجيسرام وده انا جربته وهو معقول بس النارفا احسن

ميزة النارفا لو فانوسك مظبوط اما بتقيد الواطي تلاقي النور ماشي عامل خط افقى مش بيعلى عنه و كأنك مركب عدسه...فمش بتزغلل اللي قدامك

التانجيسرام فيها عيب يضايق...بتعوز ثانيتين عشان نورها يبقى ابيض...فده عيب وحش وبالذات في التقليب الرعاش

فيه نوع اسمه اوسرام...وده مجري ومعقول الى حد ما

فيه نوع اسمه تريفا وده الماني ويعيبه انه بيتحرق بسرعة

مهم لو عاوز نور كويس ومتبوظش الدراع انك توصل كتاوت مع النور

**ahmedbashaa** · 28-06-2011 04:06 AM

السلام عليكم ورحمة الله وبركاته

الحقيقة دي أول مرة أشترك في هذا المنتي الكبير والعظيم طبعا بأعضائه الكرام ولية الشرف في ذالك .

و أنا عندي استفسار وان انشاء الله بسيطه وهي

أن كان فيه ميه دايما بتدخل العربية وخصوصا في

الدواسة اليمين

من أسفل الكومبروسر لما أغسلها أو أقل شوية

مطر .. روحت لسمكري وبص علي المجري الي تحت

المساحات وكب مية فيه وبص من جوا العربية وجد

فعلا فيه ميه ماشية من ورا الكومبروسر قلي لازم

يتفك التبلوة بالكامل وكمان التكيف .

وطبعا فرغ شحن الفريون ... وبصراحة التكيف كان

كويس جدا

بعد مافك كل حاجه وجد الهواية متاكلة خالص من

البرومة بأت عاملة زي الحفره وهي سبب دخول

الميه قالي ان الهوايه مالهاش لازمة ونلغيها خالص

ونخلص من وجع الدماغ

قلتله ماشي أهم حاجه مافيش مايه تخش تاني

عشان كانت بتركن تحت الفرش وكانت هاتعمل

مشاكل تانية في أرضية العربيه الله الغني عنها

في النهاية قفلها خالص ورش علي المجري كله الي

تحت المساحات بلاك اسبراي اسود اسمه تقريبا

جولدي .

السؤال هنا هل الغاء وقفل الهاوية بتأثر علي كفاءة

التكيف ولا لاءة ؟؟؟........... لان بعد ماركبت كل

حاجه وخلصت روحت شحنت التكيف بس للأسف

مشي بيسقع زي الأول وبياخد وقت عن الأول علي

ما يسقع مع انه قبل ما يركب التكيف نضفه بالكامل وغسله...

أرجواالأفاده ........... وأسف علي الاطاله

وشكرا