اقتباس المشاركة الأصلية كتبت بواسطة Strong مشاهدة المشاركة
أقصد بأن هل هناك جزء أو حساس بيحسب الرقم الأوكتيني وطبقا ليه العربية بتعدل زمن الإشتعال تلقائيا ، ولا ده بيتم من ظبط فيشة الأكتين يدويا ؟
بص فيه نوعين من العربيات.... عربيات زى اللانوس و بعض موديلات الاوبل و الشيفرولية فيها فيشة اوكتين و من خلال الضبطة بتاعتها الكونترول بيحدد زمن الاشعال و هنا نقدر نعتبر ان الضبط "يدوى"

العربيات اللى مفيهاش فيشة اوكتين بيبقى فيها حساس تسقيف... الحساس زى ما باين من اسمة بيسمع هل حصل تسقيف فى المكنة ولا لا... و لما بيحصل تسقيف الكونترول بيعرف من الحساس دة و بيعدل زمن الاشعال و دة يعتبر تعديل "اوتوماتيكى"

الفكرة بقى ان مش معنى كدة انك تحط 80 فى اى عربية فيها حساس تسقيف و تسيبها تتعامل... ظى ما انت شايف الحساس بيحس لما يحصل تسقيف و بعدها الكونترول بيعدل التوقيت... اذا التسقيف حيحصل كدة كدة و اضرارة حتظهر على المدى الطويل... كمان ممكن يكون المدى اللى يقدر الكونترول يغير فيه توقيت الاشعال نتيجة قراءات حساس التسقيف محدودة و ميقدرش يتعامل مع بنزين 80 لو العربية اصلا المفروض ميتحطلهاش غير 92... هى ممكن تتعامل مع ال90 بس 80 حيبقى محتاج تعديل كبير اوى خارج حدود المسموح للكونترول انة يعملة

MMamdouh