صورة من شوارع المدينة فى حضن الجبل ، قمة الهدوء النفسي وراحة البال والشعور بالضألة قدام الطبيعة
والصورة دى فيها اصحاب المدينة الحقيقيين
وضيف عليهم الجمال والحمير بس الحمير قليل
ودول على طول سارحين فى الشوارع كدة عارفين هما رايحين فين وجايين منين مع نفسهم ، حتى فى الصحرا قبل نويبع بكتير تلاقي الجمال سارحة لوحدها كدة وبتتسبب فى حوادث لأنها سريعة جدا وممكن فى ثانية تجري تطلع على الطريق
شاطئ الترابين الشهير والمعروف بتواجد اليهود بس فااااضي برضو وزمان كان احسن من كدة بكتير كان كلة قعدات عربي بالنخيل والسجاد ومتسقف بالنخل وبينها وبين البحر مسافة كبيرة مليانة بالأجانب اللى بياخدو حمامات شمس هههه
يالا بركة يا جامع
مدخل القرية
مفيش مانع من عشوة سمك جامدة كدة
ودي سمكة صغنونة 3 كيلو بس
الصراحة كانت معمولة بحرفنة مكلتش زيها فى حياتي
كل اللى فات دة كوم واللي جاي بقى كوم تاني
اللى جاي طريق طابا
طريق رفيع بين الجبل والبحر وكلة مطالع ومنحدرات حادة مع الملفات
منتهي الروعة ومنتهي الخطورة
مية تتشرب الصراحة مش يتعام فيها
اوعي تمور يا وحش احسن تعوووم
سبحان الله العظيم
آآآآة ياني
فى عز الضهر وفضلنا فى الشمس مش قادر اتحرك من جمال المنظر
مطلع عبارة عن زاوية قائمة وحادة جدا ومرتفع جدا جدا وفى حضنة الخليج التحفففففففففففة دة وفضلنا واقفين فوق فى الشمس فى عز الضهر من جمال المنظر مش ممكن
الكاميرا معفنة على فكرة الألوان احسن من كدة بمراحل بس للأسف مكانش معايا
غير الموبايل
الحتة دي ليها فيديو هرفعها على يوتويوب ان شاء الله
وشك والبحر
قلعة صلاح الدين قبل طابا بحاجات بسيطة خالص
وطبعا الخليج ضيق جدا و واضح الناحية التانية ميناء العقبة و ميناء إيلات ، بس مش طالعين فى الصورة دي
بعد كدة فى الرجوع خدنا طريق طابا النقب وهوا عبارة عن 40 كيلو متر ، منهم 20 كيلو متر عبارة عن مطالع قاسية جدا جدااا مع وجود ملفات تخليك اصلا مش عارف تجري ، طول الوصلة دي على التاني والتالت وأحيانا الأول والعربية صوتها واضح فى الفيديو اللى هضيفة للحتة دي لاحقا ان شاء الله
بس الحمد لله عزيزة بفكر أسميها أصيلة
بعد العشرين كيلو دول المطالع بتكون أقل حدة شوية
ودة مطار النقب
وبعد ما عدينا منتصف سيناء فى طريق الرجوع ظاهر فى الصورة تريلا مهنجة من قسوة المطالع وراكنة على جنب (ودة مشهد معتاد لعربيات كتير) و ورانا محبوبة الجماهير السيراتو
وعلي فكرة واحنا راجعين فى طريق السويس كان فى تريلا شايلة شوية سيراتو مش فاكر 6 ولا 8
يالا اللى حاجز يلحقلة واحدة
فاتك نص عمرك ياللي ما شوفت سينا
المشوار متعب انا عارف بس الصراحة الوقت اللى الواحد بيقضية هناك مفعولة لا يوصف ، خصوصا لو كذا واحد وكلهم بيسوقو وبيبدلو مع بعض
انا مش لاقي كلام اقولة
إية رأيكم ؟
بعتذر طبعا عن كفاءة الصور انها مش عالية وعن حجمها الكبير بس لما صغرتها لاقيتها مش هتفرق كتير غير 100 كيلو فى الصورة ولا حاجة
المفضلات