كيف نربي أطفالنا ، موضوع للنقاش فهل من مشارك

**mahmoud_magdy** · 01-10-2009 11:34 AM

الطفل بيستقي من والديه كل ماهو سلبي وايجابي
بمعنى الطفل بياخد من الاب والام كل ما يراه بعينه من تصرفات
وبيفضل يتصرف زيهم لحد سن معينه
وبعد كدا يبدأ ياخد الايجابيات والسلبيات من الاشخاص المحيطين بيه او اللي احتك بيهم بعد ما يكبر بشويه ويخرج للعالم الخارجي ويبدأ يفهم الدنيا وتتكون شخصيته بيحصل حاجه من الاتنين
يااما بيبعد عن السلوكيات اللي اخدها من صغروا وبيكون لنفسوا ملامح خاصه بيه هوا سواء كانت كويسه او وحشه وبتفضل معاه لحد ما يموت
او بياخد كل السلوكيات اللي من البيت واللي من بره البيت وينقي منها اللي يساعدو في تكوين شخصيتو وبتفضل معاه
الحالات الشاذه بقى بتبعد عن الكويس وبتاخد الوحش
ويا اما بتفضل معاه طول العمر
او بيرجع لاصله اللي اتربى عليه

سمعت مره دكتور بيتكلم في الموضوع ده
وقال حاجه عجبتني اوي ومش بس ننفذها في تربية الاطفال لا ممكن ننفذها في حياتنا مع احتكاكنا بالاشخاص
قال متقولش الكلمات اللي زي كدا
لا , عيب , متعملش كدا , متكدبش .... الخ
لكن قول الصح كذا
توضيح : قول دايما الصحيح لكن متقولش لا على الغلط والشخص نفسو هيقدر يستوعب ويفهم الموضوع اكيد عندو وعي انو يفهم ويميز
وبالذات الاطفال هيبنو ثقافه الصحيح ويتلغي عندهم ثقافة الخطأ

**aliabutaleb** · 01-10-2009 11:42 AM

موضوع رائع يا أستاذ إسلام
جزاك الله خيراً
وعلى فكرة د. ياسر نصر من أفضل من يتكلم في هذا المجال
كان له برنامج رائع على قناة الناس اسمه "ساعة تربية" بس للأسف بقالي فترة مش باتابعه

**Marwanelbendary** · 01-10-2009 11:45 AM

مشكووووووور على الموضوع الهاااام جدا

وأحب أذكر ان الطفل ده بني ادم زيه زيك وعنده عقل زيه زيك بس ينقصه الخبرة بالحياة واللي بيكتسبها منك بنفس الطريقة اللي انت بتوصلهاله بيها

فلازم نفكر الف مرة قبل اتخاذ اي خطوة لتوصيل المعلومة للطفل والحرص على أن طريقة توصيل هذه المعلومة تتناسب وخبرته في الحياة ومانفترضش انه المفروض يكون عارف....!!!!

مش علشان أي حاجة بديهية بالنسبة ليك تبقى كدة بالنسبة لواحد مايعرفش عنها أي حاجة
وأي حاجة أوتجربة انت ماتعرفش عنها حاجة بتكون صعبة أو مستحيلة من وجهة نظرك لأنك جاهل بها

هكذا هو الطفل
وتختلف درجة استيعاب الأطفال من طفل للاخر لذلك يجب أن نتحلى بالصبر تجاه أطفالنا لتنشئتهم التنشئة السليمة

**amr.elsayed** · 01-10-2009 12:26 PM

كثيرا ما سألت نفسى هذا السؤال
كيف سوف اربى ابنى ان شاء الله فى المستقبل عندما يرزقنى الله بطفل
فى ظل هذه الظروف والتى يحوم من حول الاطفال كل ما هو فاسد
استاذ اسلام احب اشكر حضرتك على هذا الموضوع
ومتابع معاك باهتمام شديد

**Migo123** · 01-10-2009 01:43 PM

[QUOTE=Islam_galal;3872015251][font=times new roman][u][u]و هنا أحب أن أنبه أن الفترة المسموح بها للطفل لمشاهدة الكرتون هي ساعتين اسبوعيا !!!!

مش كتير ساعتين اسبوعيا
طب خلينا عمليين و نقول ساعتين يوميا
تخفض لساعه يوميا

**Dew Drops** · 01-10-2009 01:58 PM

متابع الموضوع باهتمام

**عمرو عمارة** · 01-10-2009 02:09 PM

مُتابع......جزاكم الله خيراً

**Islam_galal** · 01-10-2009 05:05 PM

أعتذر للتأخر في الرد لكن كان غرضي الأساسي النقاش و تبادل المعلومات و ليس نقل الكتاب

المشاركة الأصلية كتبت بواسطة musiccairo

سمعت مره دكتور بيتكلم في الموضوع ده
وقال حاجه عجبتني اوي ومش بس ننفذها في تربية الاطفال لا ممكن ننفذها في حياتنا مع احتكاكنا بالاشخاص
قال متقولش الكلمات اللي زي كدا
لا , عيب , متعملش كدا , متكدبش .... الخ
لكن قول الصح كذا
توضيح : قول دايما الصحيح لكن متقولش لا على الغلط والشخص نفسو هيقدر يستوعب ويفهم الموضوع اكيد عندو وعي انو يفهم ويميز
وبالذات الاطفال هيبنو ثقافه الصحيح ويتلغي عندهم ثقافة الخطأ

أتفق معاك بشدة ، فعلا الطفل يقلد أبويه و لذلك من أوائل الكلمات التي ينطقها هي (لا) من كتر مابيسمعها من أبوه و أمه

**Islam_galal** · 01-10-2009 05:07 PM

المشاركة الأصلية كتبت بواسطة marwanelbendary

مشكووووووور على الموضوع الهاااام جدا

وأحب أذكر ان الطفل ده بني ادم زيه زيك وعنده عقل زيه زيك بس ينقصه الخبرة بالحياة واللي بيكتسبها منك بنفس الطريقة اللي انت بتوصلهاله بيها

فلازم نفكر الف مرة قبل اتخاذ اي خطوة لتوصيل المعلومة للطفل والحرص على أن طريقة توصيل هذه المعلومة تتناسب وخبرته في الحياة ومانفترضش انه المفروض يكون عارف....!!!!

مش علشان أي حاجة بديهية بالنسبة ليك تبقى كدة بالنسبة لواحد مايعرفش عنها أي حاجة
وأي حاجة أوتجربة انت ماتعرفش عنها حاجة بتكون صعبة أو مستحيلة من وجهة نظرك لأنك جاهل بها

هكذا هو الطفل
وتختلف درجة استيعاب الأطفال من طفل للاخر لذلك يجب أن نتحلى بالصبر تجاه أطفالنا لتنشئتهم التنشئة السليمة

ردك كله رائع ، جزاك الله خيرا و خصوصا ان الطفل بني آدم له كل الحقوق و أكثر لصغر سنة و ليس شئ أو ملكية خاصة و إنما أمانة خاصة استودعها الله عند أبويه حتي حين

**Islam_galal** · 03-10-2009 09:56 PM

علاج الخطأ الأول

يجب أن نلتفت للسبب الذي يجعل أبنائنا يقبلون علي أي تصرف
متي نستخدم الشدة و متي نلجأ للين مع أبنائنا ؟

منذ الولادة و يجب أن نتعلم كيف نتعامل مع طفلنا ، فمثلا عند البكاء يجب معرفة سبب البكاء (مغص ، جوع ، ...) فلا تحمل الطفل بمجرد بكائه حتي تسكته فيتعود الطفل علي ذلك

ملحوظة هامة:
الطفل كالإسفنجه التي تمتص كل ما حولها و هو مثل الصلصال الذي نشكله فإذا كان الطفل سيئا فإن من شكله علي هذا هما والداه و إذا قمنا بعصر الطفل سنحصل علي السلوكيات التي تعلمها منهما

أمثلة لبعض المشاكل:

الطفل المخرب

إذا تحرينا بعض الاعذار للطفل مثل أن قد يكون لدى هذا الطفل حب استطلاع أو حب تجميع و تفكيك الأشياء أو ربما يكون ممت يتمتعون بالمهارات اليدوية

التعثر في الكلام

قد يتكلم الطفل بشكل جيد ثم يبدأ بالتعثر في الكلام و هناك أسباب كثيرة منها :
- مولد طفل آخر مما يولد الغيرة و هنا يجب تجاهل الأمر
- الخوف من مرحلة جديدة مثل الدراسة

قرض الأظافر

هي أمر شائع و ليس شيئاخطيرا و قد تكون ناتجة من توتر أو عصبية و الحل بكل بساطه جعل هذا الطفل يمارس رياضة و إزالة سبب التوتر

الطفل الذي يأخذ أشياء ليست ملكه:

لفظ الحرامي كبير جدا و يضخم المشكلة و يجب معرفة الدافع أولا و نذكر بعض الأسباب التي قد تؤدي لذلك في طفل أقل من 12 سنة

- قلة الالتزام بالاداب الطيبة
- قلة الايمان
- عدم وضوح الحلال و الحرام عند اسرة الطفل
- الحرمان الشديد
- التدليل الشديد
- عدم إلمام الطفل بحدود الملكية الطبيعية
- لفت الانتباه
- الافتقار العاطفي و هو أكثر الاسباب شيوعا لأنه لا يشعر بالاهتمام من اسرته أو اسرته تعيش في خلافات مستمرة أو أسرته غير متزنة تربويا