ازاى اطلع رخصة ملاكى بزجاج فامية ؟

**yoko** · 28-09-2009 11:24 AM

المشاركة الأصلية كتبت بواسطة ابو الوليد المصرى

اللي انا اعرفه ان الأفراج الجمركي بيتكتب فيه المواصفات اللي المصنع منزلها للسيارة يعني مثلا لو واحد نازل بعربية موتورها الأصلي 2000 سي سي ومركب هو فيها موتور 1600 بتتحسبله جمارك علي انها موتور 2000 سي سي مش 1600.

أنا بتكلم لو عرفت أكتب ده في الإفراج الجمركي (بواسطة يعني) هينفع أرخص ولا ﻷ

**Imhotep** · 28-09-2009 11:56 AM

عربيتى كتبت فى رخصتها "زجاج فاميه فابريقة" لانها جاية كده من بلدها و مكتوب كده فى ورقها..... لكن برضه ال 20 جنيه اللى خدها المهندس ظبطت الدنيا على الاخر بدون اى احتمالات رخامة.....

**YaSSerwIN** · 28-09-2009 12:02 PM

لو عربية زيرو
بيتكتب فى ورقة التأمين
رقم الماتور والشاسية بس
عن تجربة فى ترخيص عربيتى

**yoko** · 28-09-2009 12:05 PM

المشاركة الأصلية كتبت بواسطة ابو الوليد المصرى

لو واسطة اعملها وخليه كمان يكتبلك زجاج عاكس كمان مش فاميه بس.

إن شاء الله لو نفع خليه يكتبلي إنها متفيمة فضي عشان محدش يكلمني أصلي جلدي حساس وبتحرق من الشمس وكل يوم بسوق ساعة وأنا رايح الكلية

**BLOODY_STONE** · 28-09-2009 12:55 PM

معلش يا جماعة بس انا برضه عايز اظلل ازاز اللوجان بتاعتي لما اشتريها .. بس انا مش فاهم حاجة والله و محتاج مساعدة .. يعني ايه فابريكة و الكلام ده؟ ومتفيمة؟؟
و شكرررررا والله على المساعدة

**nakkash** · 28-09-2009 04:20 PM

المشاركة الأصلية كتبت بواسطة yoko

طب محدش يعرف لو واحد منزل العربية من برة وكان مفيمها ومركب زينون لو أثبت الكلام ده في الجمرك هينفع يحط التصريح ده في الرخصة ولا ﻷ

هو ممكن يثبتلك الفامية لكن الزينون لأ لأنه بيعتبر من كماليات العربية زيه زى التكييف والسنتر والكاسيت لكن المشكلة بعد كده هتكون فى وحدة المرور ممكن وده بيحصل فى اغلب الأحوال ان المهندس ما بيرضاش يرخصهالك وبيقولك الورق بتاع الإفراج مكتوب فيه زجاج ملون وده استيكر ملزوق على القزاز وهيخربشه بالمفتاح و لو سيادتك عايز ترخص روح غير القزاز ده وهات قزاز فاميه فابريكة وانا ارخصهالك الكلام ده حصل كتير قوى مع الألنترا الجديدة الخليجى موديل 2010 نازلة متفيمة استيكر بس ورق الإفراج مكتوب فيه زجاج ملون وما كانوش بيردوا يرخصوها فى المرور

**nakkash** · 28-09-2009 04:55 PM

المشاركة الأصلية كتبت بواسطة egyzizo

الحقيقة أنا ماجربتش الزيرو ، بس كنت بانقل ملكية عربية من محافظة لمحافظة تانية فكان لازم وأنا بارخص آخد نمر جديدة ، فلما حاولت وأنا بارخص أعمل التأمين فى الأول، بتاع التأمين رفض وقال لى طب اكتب ايه فى ورق التأمين لأن لازم ورق التأمين يكون فيه رقم العربية.

طب فى حالة الزيرو ، هل ورقة التأمين هتطلع من غير رقم للعربية؟

ورق التأمين الإجبارى بيتكتب فيه اسمك ورقم الماتور والشاسيه بتاع العربية بس

-

-

-

الموضوع: ازاى اطلع رخصة ملاكى بزجاج فامية ؟

LinkBack

أدوات الموضوع

عرض

-

-

-

المواضيع المتشابهه

ممكن حد يعرف ازاى اطلع رخصة دولية اسوق بيها فى السعودية؟

عاوز اطلع رخصة قيادة ؟

ازاى اطلع رخصة سواقه دوليه ؟

كيف اطلع رخصة قيادة

عايز اطلع رخصة فى دمنهور الحقوووووووووونى

الكلمات الدلالية لهذا الموضوع

المفضلات

المفضلات

ضوابط المشاركة