مبروك يا باشا على الرخصه
انت شتت نفسك جدا بين 505 و 405 و 504 و 127 و سويفت و برايد و عربيات كتييييييير اوىىىى صلى صلاه استخاره الاول و ربنا يوفقك
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
اللهم صل على محمد وعلى آله وصحبه أجمعين
صباح الفل عليك
يا هيرو انت واسلام وياقوت
وعلى كل رجالة البيجو
انا نجحت يا رجالة فى اختبار الرخصة "والحمد لله"
على فكرة الاختبار الاول انا "اجتزته" وكان المطلوب منى السير بالعربية الى الامام فقط
يعنى استحالة ان الواحد يخبط حاجة ورغم ذلك المهندس قال لى انت راسب
وبعد كده قالوا لنا لكم فرصة ثانية بعد يومين
المهم رحت وامرى لله
وقلت لنفسى وبرمجت نفسى على ان مافيش جديد وعشان ارتاح من المشوار المنيل ده اروح اشترى لى 2 كيلوا سمك مشوى وزجاجة لتر بيبسى
واروح البيت عشان انسى
واذا ما نفعتش الحكاية دى
اشد على الاسماعيلية اقضى يوم هناك وارجع آخر النهار انا والعيال
المهم
دخلت الاختبار مرة ثانية
والغريبة المرة دى الاختبار كان المطلوب منى ارجع بالعربية للخلف
ورغم ذلك الحمد لله اجتزته برده من غير ما اوقع حاجة
ورحت مبرمج نفسى ان الضابط هايقول لى زى المرة اللى فاتت انت راسب
فوجئت انه قال لى انت تروح تاخد الرخصة بتاعتك من التجمع الخامس عشان انا تابع لمصر الجديدة
مابقتش مصدق "ودانى"
ايه الفرق بين المرة دى والمرة اللى فاتت
موش عارف
وطبعا كالعادة البنات جابوا لهم عربية كيا برايد عصفورة
واللى داست على كل الاقماع
وكانت حكاية
ورغم ذلك كله "ناجحححححححححححح"
المهم
اليومين دول اكيد هايطلع قرار رئاسى نهائى
ههههههههههههههههههههههههه هههه
قرار الشراء
لى صديق قال لى خليها على الله ... احنا ننزل نتفرج واللى نلاقيه كويس نشتريه
ولى قريب فى السعوديه قال لى باختصار هات 505
ولى اصدقاء اقترحوا سيارة 127 عشان تكون مصاريفها قليلة وتؤدى الغرض من المشاوير
وفيه اصدقاء فى المنتدى
اقترحوا العربيات الحديثة
مثل
سيات ابيزا
سكودا فلاشيا
سوزوكى سويفت
كيا برايد عصفورة "على فكرة انا موش عارف بحب العربية دى ليه"
فيات اونو
فولكس بولو
وطبعا انا فى الاول والأخر بحب البيجو 504
لكن خايف ان كل اللى بحبه موش لازم يكون مناسب
والله اعلم
فى انتظار تواصلكم
انا النهارده الحمد لله سعيد قوى
وعلى فكرة
انا بحبكم قوى قوى
مع اطيب التمنيات
اخوكم حسين غزالة
رقم العضوية : 22312
تاريخ التسجيل : 16Oct2008
المشاركات : 1,163
النوع : ذكر
الاقامة : cairo..maadi
السيارة: لايوجد
السيارة[2]: Elantra 2007
دراجة بخارية: no
الحالة :
مبروك يا باشا على الرخصه
انت شتت نفسك جدا بين 505 و 405 و 504 و 127 و سويفت و برايد و عربيات كتييييييير اوىىىى صلى صلاه استخاره الاول و ربنا يوفقك
الله يرحمك يا محمد جمعه
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
مساء الفل
والله يبارك فيك
انا فعلا حاسس انى مشتت جدا
انا صليت صلاة استخارة فعلا اكثر من مرة
يمكن عشان دى اول مرة اشترى فيها سيارة
وكمان
زمان كان الواحد لما يفكر يشترى سيارة مافيش امامه غير الفيات والبيجو والمرسيدس ....
طبعا المرسيدس "انسى" موش اى حد يركبه
والبيجو كان الاسد الحقيقى وبرده مافيش حد يحلم انه يشتريه ودلوقت بعد ان اصبح يقول "ارحموا عزيز قوم ذل" ... تخيل برده الواحد متردد موش عارف ليه
واحد قريبى قال لى كل العربيات دى ورق ومافيش غير البيجو عشان ما تتعبش نفسك خصوصا الـ 505 وكان معترض على الـ 504 فقط بسبب شكلها ... وكان بيقول دلوقت مافيش حد بيركبها غير "المعلمين" ... هو شايف كده
قلت لنفسى : يمكن بسبب انه عايش فى الخليج منذ مدة طويلة قوى
العربيات التانية كلها عربيات ظريفة اعتقد
لكن شوارعنا اعوذ بالله
لو اشتريت العربية القوية مثل البيجو مثلا 504 او 505
تصطدم بموضوع استهلاك الوقود والاحلال اللى الناس مغرقة الدنيا بيه اشاعات واللى يقولك دى كلها عربيات شقيانة ومشدودة وكانت شغالة تاكسى وصعب تلاقى حاجة بيتى "نادر"
واذا فكرت فى السيارات الصغيره الموفرة للبنزين واللى تبعدك عن شبح فكرة الاحلال اللى مخوفين بيها الناس ... تفتكر الطرق والمطبات والمتروهات والشوارع الجميلة عندنا اللى ممكن تفك اجدع عفشة عربية
وفى الآخر تجد ان مافيش اثنين يتفقوا على راى واحد
اللى عايز القوى الاصيل مثل البيجو
اللى عايز الصغير الموفر مثل الـ 127
اللى عايز الجديد الحديث مثل الـ كيا برايد والسويفت والبولو والايبيزا والاكسيل
كل واحد وله دماغه
انا عايز
القوى
الحديث
الموفر
والرخيص
ههههههههههههههههههههههههه ههههههههههههههههههههههههه
طماع قوى ... عايز كل حاجة
وكمان عايز اللى السيارة المقنعة .... يعنى خايف اجيب حاجة ... تلاقى الناس تقولك احنا موش قلنا لك خليك فى كذا احسن لك
ما دى عربية غالية عليك وكلفتك مصاريف
واذا جبت الرخيص
الناس تقول لك يا اخى ما دام ربنا فتحها عليك ليه جبتها بس انت ناقص عربيات تعبانة وكل شوية مصاريف
ههههههههههههههههههههههههه ههههههههههه
واذا جبت القوى
الناس تقول لك يا عم حرام عليك حد يجيب عربية بالشكل ده برده ماجبتش حاجة ليه من الاشكال الجديدة وتخلى البيت يفرح
ههههههههههههههههههههههههه
واذا جبت الحديث
الناس تقول لك يا عم العربيات دى كلها ورق من الآخر واحسن حاجة فيها العربيات اللى فوق الـ 42 الف مثل اللانوس والاكسنت واحسنهم كلهم الابترا اى حاجة خلاف كده ورق وهاتطلع عينك
ههههههههههههههههههههههههه هههههههه
الكلام الوحيد اللى الواحد مقتنع بيه
انك تشترى "زيرو" وعربية تكون اكبر من "الماروتى" ... لكن انا لا احب الاقساط وخصوصا طبعا الربوية وعايز اركز فى اكل عيشى انا والعيال
ههههههههههههههههههههههه
على فكرة هاتلاقى ناس كثيير قوى بالشكل ده
بكره انا نازل السوق انا وصديق لى
هانتفرج تانى وناخد فكرة
بس انا قلت له افرض اننا وجدنا حاجة كويسة وفرصة ايه العمل
قال لى ربنا يسهل بس ننزل ونتفرج
والحاجة الكويسة هى اللى هانجبها
انا قلت له : برده نشوف البيجو عشان تعرف انا كلامى صح ولا لأ
ده انا عملت قاعدة بيانات للعربيات كلها خصوصا البيجو
وموش متصور بعد كل ده انى ما اشتريش بيجو
ربنا يهدى
رقم العضوية : 22312
تاريخ التسجيل : 16Oct2008
المشاركات : 1,163
النوع : ذكر
الاقامة : cairo..maadi
السيارة: لايوجد
السيارة[2]: Elantra 2007
دراجة بخارية: no
الحالة :
مشكلتك فى الجمله دى( انا عايز
القوى
الحديث
الموفر
والرخيص)
انته لازم تقرر ايه اللى ممكن تستغنى عنه فى سبيل حاجه تانيه انت محتاجها اكتر
و عشان ما تشتتش نفسك قرر انته الاول عايز حاجه حديثه ولا قديمه و بعد كده ابحث بقى
مع انى شايفك مايل جدا ل ال 504
معلش الموضوع هاياخد معاك وقت و مجهود و فعلا انته اول مره بتشترى عربيه و حاسس بيك و الواحد مش بيدفع 25 30 الف كل يوم
الله يرحمك يا محمد جمعه
رقم العضوية : 1819
تاريخ التسجيل : 19Aug2007
المشاركات : 2,201
النوع : ذكر
الاقامة : cairo(elmohandseen) & sohag
السيارة: it was Vectra B CDX
السيارة[2]: Lancer 99 GLX Automatic
دراجة بخارية: NO
الحالة :
ازيك يا استاذ حسين الف الف مبروك علي الرخصه عقبال ماتطلع رخصه العربيه كمان وابقي طمنا علي اخبار السوق
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
بسم الله الرحمن الرحيم
اسلام حبيب قلبى
مساء الفل والورد والياسمين
الله يبارك فيك وفى كل احبابك واصدقائك
النهاردة الصبح الساعة 10 صباحا ذهبت انا وصاحبى "راجل مية مية" بمعنى الكلمة
الراجل عدى على فى البيت واخذنى معاه بعربيته "لانوس" الى السوق
اول مرة اذهب الى السوق فى وقت مبكر قبل الصلاة
المهم
اول حاجة وقعت عينى عليها ايه
عربية 505
قلت لصاحبى هى دى الـ 505
كانت مرور الاسماعيلية
كل حاجة فيها جميلة
إلا حاجة واحدة فقط "من وجهة نظرى أنا"
حجم العربية كبير قوى
يعنى بصراحة عايزة شوارع فاضية مثل الخليج
او مدن جديدة
لكن مشى فى شوارع القاهرة وزحمة المواصلات اعتقد تبقى صعبة شوية
وكمان الحالات اللى شوفتها كانت "عادية" موش بحالات مميزة
العربية كبيرة قوى وواسعة من جوة وطويلة "حاجة ماشاء الله"
المهم ثوانى واشوف لك عربية جولف موديل 1989 1300 سى سى
العربية بحالتها وشغالة بموتورها الاصلى
وفرشها الجلد الطبيعى الاصلى بتاع بلدها
ممكن يكون فيه شوية رفايع من جوه عايز تضبيط
لكن فى العموم كان شكلها كويس جدا
طبعا افتكر انها كانت "باب واحد" للأسف
اعتقد انها جولف 1 زى ما بيقولوا والله اعلم
المهم صاحبها كان طالب كام ؟
عايز فيها 31 الف جنيه ... يعنى ممكن يكون طالب فيها 30 الف
الموتور شكله بحالة جيدة وكان فيه شوية تعريق زيت
صاحبها قال ان السبب ان فيه غطاء الجوان بتاعه محتاج تغيير وهو ده اللى معرق الزيت
طبعا ما عرفش غطاء ايه اللى بيكلم عليه
وكمان فى وسط الكلام حاجة ضحكت صاحبى
صاحب العربية قال له: ان قطع غيار الجولف متوفرة ورخيصة
انا طبعا ما عرفش اى حاجة عن قطع غيار الجولف
كل اللى اعرفه ان حاجتها المانى وغالية
لكن معمرة
صاحبى عشان راجل ذكى ومؤدب "َضحك وماردش على الراجل"
طلبنا منه السعر النهائى قبل ما نلف فى السوق
صاحبها تمسك على 31 الف
المهم صاحبى اعجب جدا بالعربية الجولف عاما
هى ما كنتش فى حساباته
لكن عجبته
طبعا شوفت عربية بيجو ولونها الخارجى كان جميل ومعمول فيها شغل حلو
قلت له تعالى نشوف العربية دى
الراجل لسه بيبص على العربية من جوه
قال لى يالا بينا كفاية
دى رشه كل حاجة
اكيد عملت حاجة وصاحبها رشها "برغم ان شكلها كان من الخارج جميل"
والغريب صاحبها كان بيكلم فى 36 الف جنيه "تقدر تقول بجاحة"
بعد شوية شوفت عربية جولف 2 بس فعلا حكاية
ترويش وتضبيط ولون اسود خرافة
وسماعات
وجنوط
وفلتر رياضى
وعفشة رياضية
من الآخر فابريكة
عايز كام يا استاذ
صاحبها طالب فيها 40 الف جنيه
على آخر النهار العربية لسه واقفة زى ما هى ونزل المبلغ الى 38 الف جنيه وبرده ماتبعتش
ماسك جامد ومصمم على المبلغ
بصراحة حتة عربية حكاية
لدرجة بعد ما تعبنا من المشى جلسنا جنبها نشرب شاى ونتفرج عليها شوية ونريح رجلنا
بعد ما فطرنا "طبقين فول بالزيت الحار"
أعوذ بالله
شوية فول "مالهومش اى لازمة" واخذ فيهم 6 جنيه على الفاضى
شفت عربية فولكس بولو
اول مرة اشوفها واركز فيها
العربية يا جدعان حكاية
وفابريكة فعلا اكنها لسه خارجة من الاجانس
مطلوب فيها كام تقريبا برده 40 الف
وموديل حديث بس موش فاكر كام "انسى الموديل على طول بمجرد ما اسمع السعر"
ههههههههههههههههههههههههه هههههه
وشوفت عربية سيات ابيزا
كانت جميلة قوى
وسعرها برده زى البولو
وشوفت عربية هوندا سيفيك "حكاية"
لكن سعرها كان فى حدود 36 الف
واخيرا شوفت عربية تيوتا كورولا
موش هاقول لك اكثر من انها مذهلة
مطلوب كام فى الكورولا
مطلوب حوالى من 36 الف الى 38 الف تقريبا
وكانت موديل 1989 - 1990 - 1991
تقريبا ده اللى انا فاكره
ان العربية التيوتا كورولا كان رائعة الجمال
طبعا كان فيه فولكس بولو على 36 الف
وكانت فاضية
مافيهاش اى حاجة لا تكيف ولا باور
وفيها شوية "مرمات خفيفة قوى" خدوش خفيفة
وصاحبتها ارسلت عامل من عندها عشان يبيع
والزبون عرض 32 الف جنيه
لكان العامل صمم على 36 الف
الزبون طلب منه انه يكلم صاحبتها ويعطى له الحلاوة
برده مافيش فايدة
تقريبا هو كان مضبط نفسه على 35 الف من الآخر
بصراحة الفولكس البولو دى برده جميلة قوى
وشوفت عربية فيات 131
كانت جميلة قوى
ومرفوعة 10 سنين ويمكن اكثر
فابريكة
اكنك شارى ثلاجة وعمرك ما استعملتها
مطلوب فيها كام 27 الف جنيه
لكن موديل كام
موديل 1979
وشوفت عربيات بيجو كثيير ومطلوب فيها مبالغ كبيرة
لكن للاسف الشديد
عارفين كل ما اى حد يضبط فى البيجو
ويركب للعربية اى جنوط وخلاص
ويرفع العربية بشكل غير عادى ومبالغ فيه
بيخلى العربية شكلها اكنها "معلم بجلابية" فى وسط ولاد الناس
احسن بيجو شكلا وموديل
كانت الـ 405
بصراحة وجدت منها كثيير لكن فى حدود اكبر من 35 الف
وحالات كويسة قوى
اخيرا شوفت عربيات سكودا فلاشيا
واغلب الموديلات تقريبا 1996 - 1997 على ما اتذكر
والمطلوب فيها كان 33 الف
واحيانا 31 الف
وفيه واحد كان طالب 27 الف لكن صاحبى قال لى العربية دى موش طبيعية وصوت الموتور موش تمام انا حاسس ان فيها حاجة
وطبعا فيها عربيات كان راكب فيها تكييف
وفيها عربيات فاضية مافيهاش اى كماليات
ووجدت منها عربيات رائعة من الخارج ومن الداخل
لكن للاسف انا ما عنديش فكرة عنها خالص
لدرجة ما عرفش الاسكودا فلشيا دى مين اللى عملها
وما عرفش عنها حاجة خالص
كل اللى انا اعرفه انها مطلوبة
وشكلها كويس قوى
والصاج بتاعها قوى
وعداد السرعة اعتقد انه كان 200 كيلوا
دى صورة التيوتا كورولا "عربية رهيبة" وجميلة قوى وفى البيت عجيتهم قوى ... لكن للاسف مافيش فلوس وكمان عشان تيجى لازم انتظر لحد ما ربنا يفرجها ... وكمان لازم العملية هاتفتح معايا جامد ... والاهم انى ما اعرفش اى حاجة عنها ولا عن قطع غيارها
لو الواحد معاه فى حدود 35
ممكن تلاقى حاجة كويسة موديل 90 او 91
والهوندا السيفيك برده عربية جامدة قوى وحلوة قوى
وسعرها كان فى حدود 36 الف
لكن اللى عرفته ان السيفيك قطع غياره اغلى حاجة فى اليابانى كله
اما الاسكودا فلشيا
شكلها حلو وبيجارى العربيات الحديثة فى الشكل
وصاجها جامد
وموديلاتها حديثة كلها 95-96-97
وسعرها معقول
يعنى النضيف منها ممكن يخلص 30 الف
واللى فيها خدوش اوى اى حاجات خفيفة ممكن تخلص على 27 الف
واجمل لون عليها هو اللون الابيض رائع
طبعا المرة دى كان كل اللى احنا ركزنا عليه
العربيات الجديدة
فليشيا
جولف
بولو
ابيزا
كورولا
سيفيك
كلهم مالهومش حل فى حدود 36 الف وانت طالع ده للحالات النظيفة
يعنى على الركوب
فرش من الداخل ممتاز
ودهان من الخارج فابريكة
ومافيش اى مرمات
على الركوب على طول بدون اى مصاريف
لما وجدت انى صاحبى عجبته الفلاشيا برده
وقال لى انها موش بطالة برده وشكلها حلو
قلت له اعتقد ان عندى جارى عنده عربية فلاشيا وافتكر انى سمعت انه ممكن يفكر يبيعها عشان عايز يركب حاجة "زيرو" زى اخوه ما عمل
وهو كان شاريها من سنتين بحوالى 27 الف من واحد اول يد
وهو ضابط فى الجيش يعنى نص وقته راكنها امام البيت
واذا نزل اجازة ما فيش مشى غير لزيارة والده واسرته فقط لا غير
وركبت معاه مرة لاقيت سواقته هادية وكويسة مافيش "قرص" ولا حركات وماشيه بالعربية جميل وبعقل
يعنى لو الراجل ده فكر يبيع بسعر اقل من 30 اعتقد يبقى كويس بالنسبة للى شوفته فى السوق والله اعلم
واذا ما فكرش فى البيع
يبقى من دلوقتى لحد يوم الجمع اللى جاى هافكر كويس قوى
والبركة فيكم برده نسمع ارائكم القيمة
مع اطيب التمنيات
اخوكم حسين غزالة
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
للاسف نقطة الضعف الوحيدة فى البيجو الـ 504 اللى كنت لا اشاهدها تمام هى الشكل اصبح تقليدى خصوصا فى مصر الجديدة نادر ما تلاقى بيجو إلا اجرة
ممكن تلاقيها فى الاحياء الشعبية
ورغم ذلك واحد كان بيشترى عربية موديل 77 والتاجر طالب 27 الف جنيه وهو عايز يخلص معاه على 25 الف جنيه
اول ما ركبت العربية وانا بتفرج عليها
تصدقوا بالله
انا زعلت من جوايا على طول
وصاحبى قال لى : من هنا للاسبوع الجاى لو عايز بيجو اهى موجودة وكثيير
يعنى عربية فيها كل اللى انت عايزه
قوة
سرعة
وكل حاجة
إلا ان الموديل قديم
والشكل عادى بالنسبة للعربيات الحديثة
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
اللهم صل على محمد وعلى آله وصحبه أجمعين
النهاردة اخذت لفة فى قسم الاسكودا
ههههههههههههههههههههههههه ههه
وخلاصة القول عن الفلاشيا "الله يسامحها"
صاج قوى
عفشة ناشفة اكنك راكب لادا
شكل جميل من الخارج
ثبات جامد
واطية بعض الشىء
تابلوه من الداخل جميل
موتور عادى مثل الـ 128
العربية بتسخن "ليها بعض الحلول" لكن شغلانة مقرفة
قطع الغيار مضروبة وغير معمرة
اللى ركب عربيات قبلها بيشعر بفرق كبير فى السحب والنعومة والحرارة واستهلاك البنزين
استهلاك البنزين موش وحش "عادى" معقول
لا تصلح ان تكون عائلية "تنفع موظف يروح شغله او يروح السوق يشترى حاجة" هههههههههههههههههههههه
الصناعة تقريبا "تشيكى" .... وتقدر تقول عليها "سيارة لادا فى شكل حديث"
افتكرت وانا بتفرج على البيجو الـ 504 لما شفت الموتور والدينامو ومروحة الراديتير كلهم على سير واحد ... يعنى مافيش حاجة اسمها موتور للمروحة وترموستات للمروحة "ودكتور عشان الخروف وجردل عشان الخروف يشرب ههههههههههههههههههههههههه ههههههههه"
شغلانة عذاب
ههههههههههههههههههههههههه هههههه
رقم العضوية : 1819
تاريخ التسجيل : 19Aug2007
المشاركات : 2,201
النوع : ذكر
الاقامة : cairo(elmohandseen) & sohag
السيارة: it was Vectra B CDX
السيارة[2]: Lancer 99 GLX Automatic
دراجة بخارية: NO
الحالة :
ازيك يا استاذ حسين
شكرا علي التغطيه المتميزه للسوق كالعاده
فعلا الفيليشيا مشكلها كتير بس قطع غيارها اسعارها حلوه اقول لحضرتك اقتراح حلو
حضرتك شوف عربيه لادا 2107 موديل 98او 99 هتعمل في حدود 20 الي 22 الف وتتعلم عليها السواقه وقطع غيارها رخيصه والبقال اللي علي اول شارعكم ممكن يصلحهالك وبعد سنه اتنين تاني تكون اتمكنت في السواقه والميكانيكا تبيعها ومش هتخسر فيها كتير الف جنيه ولا حاجه وتكون حوشت مبلع اكبر شويه وتجيب حته 405 او حتي 505
وممكن تدور علي دوجان ودي هتكون باور وتكييف واتنين زجاج كهرباء وتكون في حدود 29 الي 30 الف وهيا هيا الشاهين في كل حاجه
فكر وشوف
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
عارف يا اسلام
الواحد لما يتفرج ويتكلم قبل ما يكون معاه اى فلوس بتكون اعصابه مرتاحة ومافيش اى مشاكل
لكن اول ما الفلوس تكمل معاك
وتنزل السوق
شعرت برهبة وخوف "موش عارف ليه"
صاحبى قال لى: عادى ... انا كنت احس برده بالخوف قوى ونزلت السوق ده كذا مرة لحد ما ربنا كرمنى فى اللانوس
وطبعا احساسك انك هاتحط كل اللى حلتك فى عربية وعايز العربية
ترضيك
وترضى البيت وتعجبهم "ولا ان السيدات مالهومش اى خبرة فى السيارات ولكن الست لما تغضب على حاجة ههههههههههههههههههههه احسن حاجة ما تزعلهمش مالناش بركة الا هما هههههههههههههههه"
وكمان لما تنزل السوق
تلاقى العربيات اشكال والوان
سمك لبن تمر هندى
هههههههههههههههههههههههه
من كل فيلم اغنية
حاجة تحير فعلا
موش عارف مين قال لى : لازم تختار اكثر من موديل عشان تتفرج براحتك
وجدت ان الفكرة دى "متعبة برده ومحيرة" ... بخلاف اللى بيدور على موديل معين
كل مجهوده على موديل معين عشان يرتاح
اهم مشكلة تواجه الغلابة عند الشراء
واهم اسئلة تخوف المشترى خصوصا اصحاب الدخول المتوسطة
اسعار قطع الغيار
توافر قطع الغيار
والجديد "الموديل يكون قريب شوية" عشان الاشاعات والوش اللى الحكومة عملته بسبب الاحلال
والموضوع ده وصل عربيات تعبانة جدا لاسعار عالية بسبب اشاعات "الاحلال"
يعنى شوفت عربية اكسيل صاحبها طالب 35 الف جنيه
بالرغم ان اغلب الناس بتقول ان الاكسيل كثيره 30 وممكن تلاقى عربيات كثيره منه تعمل 27 الف
انا اقدر اقول لك العربيات تحديدا اللى انا شفتها متقسمة الى:
من 12 الف الى 20 الف مثل :
الـ 128
الـ 127
اللادا
الريجاتا
البولونيز
الماروتى القديم 1995
131 موديل 1979
132
جولف 1
البيتلز
من 20 الى 30 الف مثل:
الـ 131 موديل 80 او 82
الـ مازدا 323 برده 80 او 82
مازدا 929
بيجو 504
بيجو 505
جولف 2 "لكن ما اعرفش عنهم حاجة"
اكسيل
السويفت
الكيا برايد عصفورة
الفلاشيا
اى حاجة خلاف كده اعتقد هاتكون حالتها موش كويسة والله اعلم
طبعا فيه عربيات من 34 الى 40
ودى احلى عربيات شوفتها بصراحة موديل عالى وكفاءة وقوة وجمال وكل حاجة وعلى راسهم
الجولف
البولو
الابيزا
تيوتا كورولا
هوندا سيفيك
ثم
الشاهين
الدوجان
اتفرج معايا عشان تعذرنى
شوف الحلاوة وقوة الجولف ... لكن للاسف ما اعرفش عنها اى حاجة وكمان قليل قوى اللى بيكتبوا عنها حاجة بس حتة عربية حكاية روعة
شوف السيات ابيزا 1998
شوف الفولكس البولو 2002
معاك 40 الف شيل على طول اكنها خارجة من الاجنس
انا كانت غلطتى انى ما صورتش العربيات دى فى السوق
شوف التيوتا كورولا وجمالها وقوتها وروعتها
جمال وقوة وكل حاجة حلوة مافيهاش غلطة
برده معاك الـ 40 او حتى 36 ممكن تتكلم وموديلات تبدأ من 1989
حتى 91 اكثر من كده شخشخ جيبك وترجع تانى
شوف البيجو الـ 405 موديل 1990
ايه الحلاوة دى
طبعا اول ما تشوف البيجو الـ 504 بجوار العربيات دى
لازم اقول كلمة حق معلهش
برغم حبى ليها وبرغم اننى لسه برده ممكن اجيبها
لكن شكلها موش تمام بالمقارنة مع العربيات دى
لكن عايزين الحقيقة
الـ 504 عربية حقيقية
تفتح الكبوت
لا تجد اى سلكة مالهاش لازمة
كل حاجة بحساب
تفتح كبوت اى عربية من دول
هاتشوف كمبيوتر من جوه
عشرات الاسلاك
حاجة تخوف
لو حصل اى حاجة على طول اطلع على التوكيل مالهاش حل تانى
وطبعا تفتح الحصالة وتشخشخ جيبك قبل ما تروح التوكيل
ههههههههههههههههههههههه
عربيات حكاية
فى انتظار سماع آرائكم القيمة
مع اطيب التمنيات
اخوكم حسين غزالة
المفضلات