بحط فى العربيه زيت موبيل أكس أتش بيه اللى مفؤوض بيقعد 5000 كم بس ناوى أغيره على 3000 كم لأنى بشغل التكييف ، وانشاءالله ناوى أغير لشل هايلكس الأصفر ، كنت بسأل عن الفلتر هل للازم يتغير عند كل مره تغير زيت ولا ممكن مره ومره ؟؟؟
عرض للطباعة
بحط فى العربيه زيت موبيل أكس أتش بيه اللى مفؤوض بيقعد 5000 كم بس ناوى أغيره على 3000 كم لأنى بشغل التكييف ، وانشاءالله ناوى أغير لشل هايلكس الأصفر ، كنت بسأل عن الفلتر هل للازم يتغير عند كل مره تغير زيت ولا ممكن مره ومره ؟؟؟
رأي مره ومره
رأى المهندس سمير والمهندس ممدوح يهمنى فى الموضوع ده
والله يابشمهندس :سمير
أنا كنت أما بأستعمل زيت معدنى بغير الفلتر مره ومره
علشان الفلتر رخم شويه فى حله
والمره اللى فيها فلتر كنت بأغير الزيت فى التوكيل
والمره اللى من غير فلتر ....بأغيره بنفسى فى الجراج عندى
وطبعا مع التخليقى بيبقى كل مره زيت مع فلترها
ولو حسبناها بالمنطق كده
مع المعدنى .....الفلتر حيشتغل 6 أو 7 آلاف ( مع مرتين زيت )
ومع التخليقى ....الفلتر حيقعد 10 آلاف ( مره واحده زيت )
أذا مفيش مشكله من مره فلتر ومره لا مع المعدنى
ده رأيى الصراحه ....ومقتنع بيه
لأن أساس تغيير الفلتر وتلوثه بالرواسب بيعتمد على ساعات تشغيل الزيت
وطبعا بدون شك ....اللى عاوز يغير كل مره فلتر وزيت
فده أفضل بلاشك
بس أنا حبيت أقولك عن تجربتى مع غيار الزيوت
هو حضرتك يا بشمهندس سمير بتستعمل زيت نوع أيه؟
والعربيه لسه زيرو
كنت بأستعمل
المعدنى بتاع موبيل xhp
حاليا بأستعمل التخليقى برضه بتاع موبيل ( موبيل 1 )
بس ححول لمعدنى تانى أن شاء الله
غالبا حيكون شيل الأصفر ....نظرا لأن أستعمالى للسياره
حوالى 6 آلاف سنويا ......ومش عاوز أغيب الزيت فى المكنه كتير ( مع التخليقى )
حفاظا على منطقة التاكيهات
طبعا لا راي بعد راي المهندس سمير اللي احب انتهز الفرصة و قولله كل سنة و انت و اسرتك بالف خير بالنسبة للفلتر انا كنت بغيره مرة و مرة و بستخدم شل الاصفر لغاية ما محمد عبده الميكانيكي كنت بغير عنده اخر مرة و صمم اني اغير الفلتر بالرغم انه مش معاده و قللي كده احسن للمكنة و قللي دافع في الزيت 98 جنيه و مستخسر 15 جنيه فلتر و نصح ان الفلتر يتغير مع كل مرة غير زيت
وأنت طيب يا أحمد بيه
وده كلامى أهو
اقتباس:
وطبعا بدون شك ....اللى عاوز يغير كل مره فلتر وزيت
فده أفضل بلاشك
بس أنا حبيت أقولك عن تجربتى مع غيار الزيوت
يعنى الهدف ....القلق بتاع الفلتر ( مش الفلوس )اقتباس:
علشان الفلتر رخم شويه فى حله
لأنى بأغيره بنفسى ...فى المره اللى مفيهاش فلتر .
الفلتر بيتغير مع كل تغيير الزيت... الفلتر ارخص من الموتور
MMamdouh
ازيك يا استاذ احمد...
احنا بنغير الفلتر مع كل تغيرة زيت عشان الفلتر الى بيبقى راكب في العربية بيبقى فيه على الأقل ربع كيلو زيت من المحروق الجميل الى نازل من الموتور وده اكيد طبعا لما بيختلط بالزيت الجديد بيبقى مش تمام ..
الأفضل من وجهة نظرى وزي ما محمد ممدوح قال وعبده كمان انك تغير الفلتر مع كل مرة تغيير
:049:لا قول بعد قول عبده ............
بسم الله الرحمن الرحيم ------------ مساء الخير يا باشمهندس / سمير --------- ربنا يخليك لينا ويزيدك من علمة --- احب اعرفك انى استلمت لانوس 13/10/2009 والحمد لله بس عاوز اسأل على حاجة يعنى اية زيت معدنى وتخليقى----- واية الحاجات اللى ممكن اعملها فى العربية وهى لسة زيروووووو ولك جزيل الشكر والاحتراااااااااااااااام --- اخوك /احمد حراجى-----سبحانك اللهم وبحمدك ، أشهد أن لا إله إلا أنت أستغفرك وأتوب إليك
انا بغيره مع الزيت 5000 اامن
الله يخليكاقتباس:
بسم الله الرحمن الرحيم ------------ مساء الخير يا باشمهندس / سمير --------- ربنا يخليك لينا ويزيدك من علمة
وربنا يباركلك فيهازيت معدنى يعنى زيت قاعدته مشتقه من أصل بترولى ( بيخدم من 3 الى 3.5 آلاف )اقتباس:
حاجة يعنى اية زيت معدنى وتخليقى
وزيت تخليقى يعنى قاعدته مصنعه بهدف تحسين وأطالة عمر الزيت بالمحرك ( بيخدم حوالى 10 آلاف )
والأثنين بيتحط عليهم نفس تحبيشة الخلطه (اللى بتستوردها شركات الزيوت من بره )
بعد الألف الأولاتىاقتباس:
واية الحاجات اللى ممكن اعملها فى العربية وهى لسة زيروووووو ولك جزيل الشكر
حتروح التوكيل لتغيير زيت التخزين اللى عندك بتاع المكنه
والفلتر والكشف على جميع السوائل التانيه ( زى زيت الفتيس - زيت الباور - زيت الفرامل والدبرياج - مية التبريد )
وحتعيد تربيط على العفشه
وطبعا مطلوب منك متابعة كل الآداء لحين الذهاب للتوكيل
بسم الله الرحمن الرحيم ------ متشكر جدا يا م/سمير كدة تمام بس عاوز اقولك حاجة كنت جربت عربية واحد زميلى لانوس 2005 لما سقت عربيتى حاسس ان الفتيس خشن شوية وصوت الموتور اعلى من 2005 ولا انا متهيألى--------- اعذرنى على الاطالة -------------سبحانك اللهم وبحمدك ، أشهد أن لا إله إلا أنت أستغفرك وأتوب إليك ========= أخوك/احمد حراجى
ممكن يكون مجرد أحساساقتباس:
لما سقت عربيتى حاسس ان الفتيس خشن شوية وصوت الموتور اعلى من 2005 ولا انا متهيألى
ومتنساش أن العربيه لسه زيرو
وأنت لسه فى فترة تطبيع برضه
يعنى كل مكونات العربيه بتتلين
بس هاقولك على حاجه لكى يطمئن قلبك
روح التوكيل تانى
وخليهم يطمنوك على منسوب زيت الفتيس
أحتمال يكون قليل شويه
وده أفضل برضه (لما تعمل زياره على طول للتوكيل )
بسم الله الرحمن الرحيم -----اللهم صل على محمد وعلى آله وصحبه أجمعين ----معلش يا م/ سمير عندى اسفتفسار لو عاوز اغير زيت كل 5000 كم اية افضل نوع ممكن استعملة وفى ناس نصحونى باستخدام -- زيت التعاون x.b الاصفر مش عارف اية رأيك--------سبحانك اللهم وبحمدك ، أشهد أن لا إله إلا أنت أستغفرك وأتوب إليك
بلاش زيت التعاون
وأنت معدل أستهلاكك للسياره بأذن الله
حيكون تقريبا كام ألف فى السنه
لأن ده سؤال مهم
انا كنت بغير فلتر مرة ومرة
بس بقالى مرتين بغيرة مع الغيار كل مرة
انا شايف ان كدة افضل خصوصا ان الفلتر هيكون حاجز جواة زيت من القديم
بس كدة بدال ماكان بيتفضل شوية فى الجركن
دلوقتى مع الفلتر هتستخدم الجركن كلة تقريبا
بس على رأى محمد ممدوح باشا فلتر الزيت ارخص من المتور
باشمهندس سمير :
بعد اذن حضرتك كنت عايز اعرف ايه الفرق بين الزيت المعدني و الزيت التخليقي ؟ انا بحط زيت موبيل xhp ده معدني ولا تخليقي ؟
ده زيت معدنى يابشمهندس : محمد
وعلى فكره مع الزيت المعدنى
اللى بيقعد 3 آلاف أنا بأغير الفلتر مره ومره (حريه شخصيه )
وحاليا بأستعمل التخليقى
وده كده كده بيتغير الفلتر مع الزيت لأنه بيقعد 10 آلاف
وناوى أرجع للمعدنى تانى وأغير الفلتر مره ومره (حريه شخصيه )
وعلى فكره دى كانت نصيحه برضه من أخ فاضل شغال فى التوكيل
وأقتنعت بكلامه فعلا (علشان مقعدش أحل الفلتر كل مشوارين تلاته ...دا غير أن حله رخم جدا )
وساعات بأغير الزيت بنفسى وأنا نايم تحت العربيه (حريه شخصيه )
العربيه أساسا ....مش المكنه ...ولا تهمنى ( حريه شخصيه )
ولو أن فيه حاجه أسمها الحراره وفيه لمبة زيت
حتبين كل حاجه قبل ما المكنه تضيع ( برضه حريه شخصيه )
وبالبلدى كده للى عاوز يفهم
الفلتر اللى بيشيل رواسب مع أستعمال زيت معدنى على مرتين (بيقعد حوالى 6 الى 7 آلاف وشغال على مرتين زيت )
هونفس الفلتر اللى بيقعد مع التخليقى مره واحده ( بيقعد 10 آلاف )
يبقى المفروض بالعقل كده اللى بيستعمل تخليقى يغير الفلتر بس فى النصف بتاع خدمة الزيت
وده مبيحصلش أساسا مع التخليقى اللى فيه ناس بتقعده يمكن 13 ألف
يعنى الفلتر فى الحاله الأخيره (اللى كل 13 ألف )
عمال يغنى ظلموه ......على رأى عبد الحليم
هو إيه الفرق يا باش مهندس بين التخليقي والمعدني ؟
6 آلاف ؟!اقتباس:
نظرا لأن أستعمالى للسياره حوالى 6 آلاف سنويا ......
أنا بامشي في السنة 16 ألف كيلو .. وبقول على نفسي إني مش باركبها كتير !
هو إيه اللي هايحصل بالضبط للتاكيهات لو قعد التخليقي كتير في المكنة ؟اقتباس:
ومش عاوز أغيب الزيت فى المكنه كتير ( مع التخليقى )
حفاظا على منطقة التاكيهات
طيب جبت الأقتباسات دى من قلب أى موضوع لىاقتباس:
هو إيه الفرق يا باش مهندس بين التخليقي والمعدني ؟
ظروف عملى يا أبو حميداقتباس:
6 آلاف ؟!
أنا بامشي في السنة 16 ألف كيلو .. وبقول على نفسي إني مش باركبها كتير !
عربية الشغل بتيجىء تخدنى من البيت كل يوم
ويادوب بأسافر بعربيتى لحد بلدنا بالغربيه مره كل شهر تقريبا
مع شوية مشاوير صغيره داخل الأسماعيليهلو لاحظت فى الموضوع بتاع تصنيع الزيوتاقتباس:
هو إيه اللي هايحصل بالضبط للتاكيهات لو قعد التخليقي كتير في المكنة ؟
الزيت بيتصنع بطريقة الخلط
وليه برضه وقت محدد ب6 شهور للغيار (مع التخليقى )
ممكن تزود شويه وتوصل ل9 شهور أو سنه وكده بتبقى (حريه شخصيه )
فكتر قعدان الزيت فى المكنه مش مستحب فنيا
لأن الرواسب بتعمل مشاكل كتير فى منطقة التاكيهات
لو قعدت كتير فى المكنه
وتغيير الزيت بأستمرار بيعتبر برضه تنظيف وأزاله للرواسب الكربونيه القديمه اللى مشتته فى الزيت من الأستعمال السابق (بص برضه على الأضافه بتاع تشتيت الرواسب فى الزيت اللى فى موضوع تصنيع الزيوت )
لأن الفلتر ليه حدود فى الترشيح
مرتبطه بحجم جزيئات الرواسب الكربونيه الناتجه عن الحريق
أمال أيه اللى بيغير لون الزيت مع الأستعمال
هى دى نواتج الحريق اللى مقدرش الفلتر يشفيها
وميقدرش مصممى الفلاتر أو الماكينات يديقوا فتحات تصفية الزيت عن التصاميم الحاليه للفلاتر
والا الفلتر مش حيعدى زيت وحيبقى خانق سريان الزيت بطريقه متنفعش فى تزييت المكنه
أصل الكمال لله
علشان كده
دايما بأقول
مفيش حاجه كامله
والكمال فقط للخالق سبحانه وتعالى
جل فى علاه
أنا طبعا قرأت الموضوع ـ بس متأخر شوية ـ ودا اللي خلى فيه لخبطة في الأسئلة ..
وعلى فكرة أبو حميد دي محسساني إنك أبويا أو ـ بلاش نكبرك قوي كده أبويا عنده 54 سنة ـ نقول أخويا الكبير
طيب وهو السيد الوالد بيقولك يا أبو حميد
أكيد بيقولك
ولا يا حمو ....زى حماتك مبتقولك مثلا
أما أنا بأقولك يا أبو حميد
علشان أنا فعلا بأعتبرك زى أخويا الأصغر
ولو أن أنا مش عارف سنك كويس
لأن شكلك فى البدله وأنت منور كده يخض ويديك سن كبير
أما أنا عندى 43 سنه وماشى فى ال44
يا باشا الله يخليك .. دول هما كلهم 26 سنة وللا يمكن كمان 25 .. والبدلة دي بالبسها تمويه عشان الناس ماتقولش علي عيل !
وبعدين منور إيه ؟!
أي نعم الصورة دي خدتها يوم فرحي .. بس كان يوم اسود .. واحد غبي فول التانك 80 وحساس الأوتو اتحرق والتكييف عطل والعروسة وشها ساح من الحر عشان التكييف باظ على حظها !
منور ؟!!!!!!
دا أنا حتى ساعتها كنت لسه طالع من جرعة كيماوي عالية التركيز .. كانت جايباني الأرض ومن ساعتها قلت مش هاخد كيماوي تاني وأديني أهه زي القرد !
شكرا يااخى العزيز معدل استهلاكى فى السنةحوالى8000 كم وعلى فكرة انا بشتغل فى شركة بترول -------احمد
باشمهندس سمير والنبي عشان خاطري نفسي اشوف صورة حضرتك الحقيقية بجد والله ده من اعنزازنا بحضرتك وحبنا ليك ... لان قليل دلوقتي في الزمن ده اللي بيحب يساعد الناس ومش بيبخل على حد بأي معلومة حتى لو صغيرة .
حقيقى يا أستاذ : أحمد
معدل أستهلاكك ضعيف زى حلاتى
ومش عاوز أقولك أستعمل تخليقى وأبقى غير كل 9 شهور مثلا
لأن الكتالوج بيقول الزيت ( كل ستة شهور )
ولو قلنا حنمشى وراء الكتالوج وتستعمل تخليقى
يبقى المفروض حترمى الزيت كل 4 آلاف
والموضوع محير فعلا
بس أنت ممكن تريح نفسك وتستعمل زيت معدنى ( من شركه حسنة السمعه ) وتمشى معاها على طول ....طالما آداء الزيت جيد
زى شيل الأصفر مثلا
عليه الصلاة والسلام
من عنيا ياباشا
جارى التحضير لرفع صوره معقوله
ليك ....بس أدينى فرصه شويه
حدور على الصور اللى عندى وأخد لقطه بالموبيل وأرفعهالك
أو أصور عند المصوراتى وأرفعلك صوره كويسه
وأهى فرصه ....أحلق دقنى وبعد كده أصور
بس أعتبر ده وعد منى ليك
وخد الصوره دى لأخينا ده على ما أجهز المطلوب
:Oc_sun1[1]:
الله يكرمك يا باش مهندس دا أنا الأسعد والله :8_8_13::8_8_13::8_8_13:
اقتباس:
باشمهندس سمير والنبي عشان خاطري نفسي اشوف صورة حضرتك الحقيقية بجد والله ده من اعنزازنا بحضرتك وحبنا ليك ... لان قليل دلوقتي في الزمن ده اللي بيحب يساعد الناس ومش بيبخل على حد بأي معلومة حتى لو صغيرة .
يا اخواننا ماتضغطوش على الراجل عشان هو ممنوع إن صورته الحقيقية تظهر ـ عشان هو هيئة ميكانيكية عليا ـ :36_9_4::36_9_4::36_9_4: ولو ظهرت .. في جهات ميكانيكية معادية هاتخطفه ..... والطيب أحسن !
دمك خفيف يا tompina وبتعمل جو مرح فى المنتدى وبتسينا قرف واعطال العربيات :C_laugh[1]::C_laugh[1]:
بسم الله الرحمن الرحيم --------- ازيك يا بشمهندس /سمير هى اول صيا نة فى العربية شيفور لية لانوسعاى كام كيلو--- على فكرة معض السيارات اللى جبت منة العربية قالى هات صورة الرخصة وصورة البطاقة علشان يجيب الضمان والكتالوج وقالى ان اول صيانة على 5000كم اية رأيك فى الكلام دةيا هندسه ---- أخوك /احمد حراجى
الله يخليك يا أستاذ : أحمد
ومبروك على السياره
أنا لسه كاتب لك تعليق فى نفس الأطار
وأدى كوبى منه
اقتباس:
مقوله مشكوك فى دقتها
أنا عامل أول صيانه بعد الألف الأولانى
ويجب التأكد من التعليمات الجديده
لكى تنام قرير العين !!!!!!!!!!!!!
عليه الصلاة والسلام الى أن تقوم الساعه
معلش يا أبو حميد
دى صوره للعبد لله ....مأخوذه بالموبايل ومش واضحه أوى
بس تديك تصور لطلبك
http://i728.photobucket.com/albums/w...d/Image031.jpg
بسم الله الرحمن الرحيم ----- الف شكر لك يا/سمير باشا انا هتصل بالتوكيل ان شاء الله واقولك اية الاخبار ---------- وتقبل تحياتى وتقديرى --- أخوك /احمد حراجى