حكة في السيارة

**vp_rose** · 28-09-2009 06:04 PM

السلام عليكم
عندي حكة طويلة في الجانب اليمين واخدة الباب الأمامي والخلفي وجزء من الاكصدام، وكنت بافكر أرشها لأن العربية لسه جديدة ومضايقاني أوي بصراحة ،فهل لو رشتها هاضطر أرش العربية كلها ولا ممكن الحكة بس اللي تترش ، وفي الحالتين هل زي ما باسمع ان ده ممكن يأثر على سعرها لما أفكر أبيع؟
وشكرا جزيلا لمساعدة حضراتكم

**مصراوي جدا** · 29-09-2009 02:30 AM

هو الأفضل ان ورشة دوكو تشوفها ويقولوا رأيهم فاما :

1- لو الحكة خفيفة ممكن يلمع العربية والمنطقة اللي فيها الحكة البوليش يعالجها

2- لو الحكة زي حكة مسمار بطول العربية ممكن قطنة بلون العربية يمشيها على الحكة فتاخد لون العربية وهتكون باينة نسبيا انما افضل من الأول

3- طبعا الحل الأمثل لو الحكة جامدة هو رش البابين والرفرف والاكصدام (ومش لازم العربية كلها) انما ده لو المنظر وحش

انما لو ينفع علاج بسيط يبقى احسن لأن طبعا اي عربية بتمشي في شوارع المحروسة معرضة يوميا لعشرات الحكات حتى وهي واقفة مكانها ومركونة في الشارع

بخصوص الدهان يقلل من سعر العربية عند اعادة البيع فدي موروثات مصرية ان العربية بوية الفابريكة بره وجوه دي بتكون ميزة كبيرة في العربية عند اعادة البيع حتى لو هي مخبطة ومحكحكة في كل حتة فيها

(فابريكة بره وجوه..واو..احنا في مصر بنفكر كده ...على رأي اعلان حديد عز )

**vp_rose** · 30-09-2009 11:39 AM

المشاركة الأصلية كتبت بواسطة مصراوي جدا

هو الأفضل ان ورشة دوكو تشوفها ويقولوا رأيهم فاما :

1- لو الحكة خفيفة ممكن يلمع العربية والمنطقة اللي فيها الحكة البوليش يعالجها

2- لو الحكة زي حكة مسمار بطول العربية ممكن قطنة بلون العربية يمشيها على الحكة فتاخد لون العربية وهتكون باينة نسبيا انما افضل من الأول

3- طبعا الحل الأمثل لو الحكة جامدة هو رش البابين والرفرف والاكصدام (ومش لازم العربية كلها) انما ده لو المنظر وحش

انما لو ينفع علاج بسيط يبقى احسن لأن طبعا اي عربية بتمشي في شوارع المحروسة معرضة يوميا لعشرات الحكات حتى وهي واقفة مكانها ومركونة في الشارع

بخصوص الدهان يقلل من سعر العربية عند اعادة البيع فدي موروثات مصرية ان العربية بوية الفابريكة بره وجوه دي بتكون ميزة كبيرة في العربية عند اعادة البيع حتى لو هي مخبطة ومحكحكة في كل حتة فيها

(فابريكة بره وجوه..واو..احنا في مصر بنفكر كده ...على رأي اعلان حديد عز :f_eyeb1[1]:)

شكرا جزيلا لحضرتك بشمهندس طارق ولكم سعدت بردكم على الرسالة
وفعلا أن باستغرب على الفكرة اللي عندنا ان العربية حتى لو شكلها وحش جدا وفيها مافيها من الحكات والخدوش و.. و.. و..
انما ده كله مش مهم ،اوعى تعالج فيها حاجة ، لأن المهم فعلا زي ما حضرتك قلت "انها تكون فابريقة بره وجوه".
ربنا يبارك في حضرتك وشكرا جزيلا

**vp_rose** · 30-09-2009 11:45 AM

المشاركة الأصلية كتبت بواسطة mada121977

طبعا رأى الباشمهندس طارق لا غبار عليه
بس ياريت صوره للاجزاء اللى فيها الحكه دى علشان الجواب يكون افضل

شكرا جزيلا لحضرتك أ/أحمد
وان شاء الله في أقرب فرصة أحاول أرفع الصور لحضرتك
وشكرا لحضرتك على الاهتمام

**omaroof** · 30-09-2009 09:30 PM

بس مع الناس حق لان النصابين كتير العربيه بتبقى والعياز بالله مقلوبه ويقولك فابريكه
فاللى يقولك راشش نظافه وهى متغير لها جانب كامل من جراء حادث والعياز بالله واللى واللى
فاحسن حاجه اللى يسبها كدا بخرابشها
واللى عاوز يشترى احسن حاجه يفحص فى التوكيل لان النصابين كتيييييييييييييييييير