ارجو المساعدة في كورس الicdl

**محمد محمد** · 29-09-2009 03:54 AM

السلام عليكم ورحمة الله وبركاته........
انا عندي مشكلة في كورس الicdl وهي اني كنت مقدم في المنحة بتاعة وزارة الأتصالات وروحت اتدربت في مركز اسمه مصر اكاديمي في ميدان سفير في العمارة اللي جنب ماكدونالدز والمركز ده المفروض انه تبع IBM وليه فرع في مدينة نصر وفرع تاني اسمه مصر ليرن في الشارع اللى ورا مصر اكاديمي.
انا ابتديت الكورس من نهاية شهر 6 وبعد كده قالولنا المنحة اتلغت للطلبة وللعاملين في القطاع الخاص الكلام ده بعد ما اخدنا حوالي ثلاث مواد في اسبوعين وقالولنا ان IBM عاملة عرض للطلبة ب200 جنيه (نفس اللي اتدفع في المنحة) و150 جنيه ثمن ال اسكيل كارد ودى اللي بيجي فيها الرقم اللى انا المفروض امتحن بيه و125 حق الأمتحانات والرجل اللي دخل يقولنا علي العرض ده فضل يقنع فينا ان بتاعة IBM افضل وانك ممكن تسافر بيها لكن بتاعة الوزارة لازم تعتمدها من سفارة الدولة اللي انت مسافر اليها يعني الكلام كله كان بيستعرض فيه قدراته في التسويق .
المهم اني وافقت علي الموضوع ده وبعد كده فضلوا يستعجلونا وينصحونا اننا لازم نجيب الاسكيل كارد علشان كل منخلص مادة نمتحنها ودفعت فلوس الاسكيل كارد من شهر 7 وكل ما اسأل عليها الاقيها لسة مجتش لغاية ما خلصنا الكورس وبرده الأسكيل كارد مجتش دخل رمضان علينا وبرده مجتش ولما كنا تشتكي يقولولنا هانبقي نعملكوا مراجعة لغاية ماكلموني علي نص رمضان قالولي الأسكيل كارد جت تقدر تمتحن بكرة قلتلهم لأ لازم مراجعة قالولي هانبقي نكلمك تاني فضلت مستني يومين بعد كده رحتلهم قلت امتحن وخلاص مافيش قدامي حل غير كده اروح اسألهم علي الأسكيل كارد قالولي مافيش قلتلهم مش انتوا قلتو لي تعالي امتحن قالولي كان فيه ناس غيرك عايزين يمتحنوا وخدوها ولغاية دلوقتي مافيش جديد.
ياريت تدلوني اعمل ايه اسحب فلوسي طب و لو سحبتها ممكن الاقي مركز يوفر لي الأسكيل كارد وامتحن علي طول وادفع لهم فلوس امتحانات واسكيل كارد بس من غير ما اتدرب عندهم او ممكن يعملولي مراجعة بس.
انا اسف علي الأطالة بس ارجو مشورتكم ومساعدتكم.
وجزاكم الله خيرا.

**Shocky** · 29-09-2009 04:15 AM

مبدأياً حضرتك روح إسحب فلوسك من عندهم , دة لو ينفع
منفعش مش مهم , المهم متضيعش وقتك معاهم

فى مراكز كتير بتدى الـ ICDL عن طريق إمتحانات بس , أو كورسات و إمتحانات لو انت عايز

بالنسبة للمراكز اللى بتدى الـ ICDL على هيئة كورس وبعد كدة تمتحن , أشهرهم YAT

أما لو حضرتك عايز تاخد الإمتحانات على طول بدون إمتحان
عندك:
الجهاز المركز للتعبئة العامة و الإحصاء

ش امتداد رمسيس تقاطع صلاح سالم بجوار المحطة الدولية

: 3421804 - 3426836 - 3427834

سعر الـ Skills Card هناك : 140 جنية
سعر الإمتحان : 25 جنية

المراجعة قبل الإمتحان : إختيارى

ناس محترمة جداً ومنظمين
حضرتك ممكن تسأل بالتليفون أو تروح العنوان تتكلم معاهم

المواعيد شغالية حالياً بالنسبة للكورس , وأعتقد الإمتحانات شغالة برضو بما ان الكورس شغال

ودة ملف فية الأسئلة اللى بتيجى فى الإمتحانات الـ 7 وإجاباتها
ومش بتخرج عنها الإمتحانات إن شاء الله ومتجربة
http://rapidshare.com/files/268796688/ICDL.rar.html

لو حضرتك هتاخد الكورس يبقى YAT أو الجهاز المركزى للتعبئة العامة و الإحصاء

لو ناوى على الإمتحانات على طول يبقى الجهاز المركز للتعبئة العامة و الإحصاء إن شاء الله

فى بس جزئية أحب اقولها
اللى قال لحضرتك ان فى شهادات لازم تعتمد من السفارة وفى شهادات بتكون جاهزة للسفر
هو تقريبا يقصد الرقم أو الـ ID
اللى حضرتك بتاخدة لما تدفع فلوس الـ Skills Card
الرقم لو كان UN اعتقد هو دة اللى يقصدوا بية معتمدة برة الشهادة
أما الرقم اللى اولة EG هو الرقم اللى لازم يعتمد
بيتهيألى هو دة الفرق

وربنا يوفقك

**Shocky** · 29-09-2009 04:16 AM

معلومة صغيرة نسيت بس اقولها
اللى بيتأخر فى موضوع الـ ICDL هو الشهادة
لإن بعد ما تخلص الـ 7 إمتحانات Passed
بتاخد الشهادة وقت طويل شوية لحد ما تيجى

وربنا يوفقك إن شاء الله
ولو فى اى سؤال عند حضرتك بخصوص الـ ICDL أو أى كورس كمبيوتر أخر إتفضل

والسلام عليكم ورحمة الله وبركاتة

**محمد محمد** · 29-09-2009 04:30 AM

المشاركة الأصلية كتبت بواسطة shocky

فى بس جزئية أحب اقولها
اللى قال لحضرتك ان فى شهادات لازم تعتمد من السفارة وفى شهادات بتكون جاهزة للسفر
هو تقريبا يقصد الرقم أو الـ id
اللى حضرتك بتاخدة لما تدفع فلوس الـ skills card
الرقم لو كان un اعتقد هو دة اللى يقصدوا بية معتمدة برة الشهادة
أما الرقم اللى اولة eg هو الرقم اللى لازم يعتمد
بيتهيألى هو دة الفرق

وربنا يوفقك

ربنا يبارك فيك وشكرا علي تعبك وردك.
هو فعلا قالنا الكلام ده علشان كده انا كنت متمسك بيها وصابر عليهم وقالنا ان احنا بنبعت نجيبها من مقر اليونيسكو اللي في ايرلندا مش من مصر وكمان مدتها 3 سنين بس دلوقتي انا داخل المعهد وهايقولولنا لازم ناخدها تبعهم او نجيب مايفيد اننا خدناها بس لو خدتها من المعهد هتبقي eg مش un .
تاني حاجة الشهادة بتاعة yat و الجهاز المركز للتعبئة العامة و الإحصاء بتبقي eg ولاun
وبالنسبة لمدة استخراج الشهادة قالولي بتبقي من ثلاث اسابيع ل 45 يوم لكن بتاعة الوزارة بتبقي 3 شهور وده علي كلام الوزارة.
وشكرا مرة اخري.

**Shocky** · 29-09-2009 04:50 AM

المشاركة الأصلية كتبت بواسطة ابو الوليد المصرى

ربنا يبارك فيك وشكرا علي تعبك وردك.
هو فعلا قالنا الكلام ده علشان كده انا كنت متمسك بيها وصابر عليهم وقالنا ان احنا بنبعت نجيبها من مقر اليونيسكو اللي في ايرلندا مش من مصر وكمان مدتها 3 سنين بس دلوقتي انا داخل المعهد وهايقولولنا لازم ناخدها تبعهم او نجيب مايفيد اننا خدناها بس لو خدتها من المعهد هتبقي eg مش un .
تاني حاجة الشهادة بتاعة yat و الجهاز المركز للتعبئة العامة و الإحصاء بتبقي eg ولاun
وبالنسبة لمدة استخراج الشهادة قالولي بتبقي من ثلاث اسابيع ل 45 يوم لكن بتاعة الوزارة بتبقي 3 شهور وده علي كلام الوزارة.
وشكرا مرة اخري.

العفو
بالنسبة لـ yat بيتهيألى إنها un
أما بالنسبة للجهاز المركزى للتعبئة العامة و الإحصاء اعتقد eg
انا مش متأكد لإنى مخدتهاش فى المركزين دول , أنا اخدتها من سنة وكانت un
عموما
دة تليفون yat :
22750842

ودة تليفون الجهاز المركزى للتعبئة العامة و الإحصاء :
3421804 - 3426836

حضرتك إتصل بيهم الصبح إن شاء الله وإتأكد من موضوع الـ eg و الـ un
لإنى سمعت انها بتفرق

أما مدة إستخراج الشهادة دى مدة قليلة كمان لإن شهادتى جت بعد كذا شهر
وربنا يوفقك إن شاء الله

**النوبي** · 29-09-2009 08:39 AM

يا جماعه انا حكايه الكورسات والشهدات المعتمده في دماغي بس مش عارف اخد ايه ويكون ليه قيمه بره وينفعني
يعني الجامعه المفتوحه في قنا بتدي icdl بس لما شفت الامتحانات علي النت لقيتها حجات مش مستاهله ان الواحد ياخد في حاجه زي كده شهاده لان كلها اساسيات المفروض ان كل الناس عارفاها
نفسي اخد شهاده تكون محترمه ولو حتي هحضرلها سنه او حتي اتنين

**محمد محمد** · 29-09-2009 09:11 AM

المشاركة الأصلية كتبت بواسطة hani945

الدونلود مش شغال فى الرابيد شير

ياريت حضرتك ترفع الملفات على موقع تانى

Media fire أو 4ٍshared أول 2shared

وجزاك الله كل خير

+111

**M.Mosaad** · 29-09-2009 10:16 AM

نصيحه لو انت عندك فكرة كويسة عن الاوفيس و الويندوز يبقي الموضوع مش محتاج كورس تاني لان كل المراكز اللي بتدي ICDL في مصر سيئة جدااااااااااااااااااااااا اا ((( علي فكرة انا بقالي 10 سنين محاضر في مراكز كتير اوي بس انا بدرس حاجات ميكروسوفت كنت بدي ال ICDL اول مابديت ادرس)))) فنصيحه مركز الاحصاء دة كويس اوي و الشهادة بتبقي UN اشتري ال SKILL CARD و امتحن هناك و المركز بتاع مصر اكاديمي روح اسحب فلوسك لن دة حقك و لو قاللوك انهم دفعوها و مستنيني ال SKILL Card هما كدابيننننننننننننننننن لان لازم يقولك كدة علي فكرة مجال مراكز التدريب في مصر دة في مجموعه نصابيننننن كتير اوي حتي موضوع المنحه في الاول دة اعتقد انه كان جر رجل مش اكتر لانهم اساسا اكيد مش لاقيين طلبه
و ربنا يوفقك
بس خلي بالك من امتحان ال IT

**M.Mosaad** · 29-09-2009 10:27 AM

المشاركة الأصلية كتبت بواسطة النوبي

يا جماعه انا حكايه الكورسات والشهدات المعتمده في دماغي بس مش عارف اخد ايه ويكون ليه قيمه بره وينفعني
يعني الجامعه المفتوحه في قنا بتدي icdl بس لما شفت الامتحانات علي النت لقيتها حجات مش مستاهله ان الواحد ياخد في حاجه زي كده شهاده لان كلها اساسيات المفروض ان كل الناس عارفاها
نفسي اخد شهاده تكون محترمه ولو حتي هحضرلها سنه او حتي اتنين

بص يا سيدي علشان تشتغل في مجال الكمبيوتر و تجيب دخل كويس موضوع الشهادات المعتمدة دي رائع جدااااااااا بس في نقطة ان لازم يكون في حاجة بتحبها و في نفس الوقت عندك فكرة و لو صغيرة عنها و مستعد تتعب شوية لحد ماتبني خبرة كويسة فيها و في قدامك مجالات كتير تاخد فيها شهادات زي
1- لو بتحب مجال NETWORK ممكن تاخد MCITP 2008 دي كورس هتتدرس فيه كل حاجة خاصة ب SYSTEM ADMINISTRATORS يعني ( WIN SERVER, INFRASTRUCTURE ....)) دة حياخد منك حوالي 8-10 شهور دراسه متواصله بس قوي جدااااااااااااا و ليه حوالي 6 امتحانات من مبكروسوفت علشان تبقي MICROSOFT CERTIFIED ENTERPRISE ADMINISTRATOR
2- لو حابب مجال البرمجة برضة ممكن تدرس MCAD من ميكروسوفت او JAVA SUN
3- لو حابب مجال قواعد البيانات قدامك تدرس ORACLE or SQL
5- لو حابب مجال تصميم المواقع قدامك مجموعه ماكروميديا ( FLASH , DREAMWAVER....))
6- لو حابب مجال الجرافيك قدامك (( PHOTOSHOP ...))
7- لو حابب مجال الاعلانات و المونتاج قدامك (( Adobe primier ))
بس خلي بالك كل دة محتاج بعد توفيق ربنا مكان كويس للكورس و دة للاسف قليل في مصر و محاضر كويس و مذاكرة جامدة و بحث علي الانترنت و تجربه و بعدين تطحنلك سنه و لا اتنين شغل تبني خبرة كويسة بس صدقني في الاخر لو بقت جامد فيه بيجيب فرص شغل كويسة جداااا

و ربنا يوفقك للي فيه الخير و اتمني اكون فدتك

-

الموضوع: ارجو المساعدة في كورس الicdl

LinkBack

أدوات الموضوع

عرض

ارجو المساعدة في كورس الicdl - انشر الموضوع فى :

-

-

-

المواضيع المتشابهه

ارجو ارجو ارجو المساعدة فى هذا الاختيار وذالك على سبيل الحصر بين هذين السيارتين

ارجو المساعدة عندى كل ده مفيش bass خالص ارجو الحل

ارجو المساعدة عندى كل ده مفيش bass خالص ارجو الحل

ايه رأيكو فى كورس cma ارجو المساعده

انا عايز اعرف مكان اخد منة دورة الicdl

الكلمات الدلالية لهذا الموضوع

المفضلات

المفضلات

ضوابط المشاركة