جتلى انفلوانزا (ماتخافوش ان شاء الله العاديه ) واتصلت برقم 105

**أحمد سالم** · 05-10-2009 05:38 PM

السلام عليكم
امبارح باليل لقيت نفسى بعطس واكتشفت ان عندى انفلوانزا والسبب الحمام الساخن وطلوعى للبلكونه بلبس خفيف بليل والجو كان برد شويه من ساعتها لغاية دلوقتى مش عارف انزل للشارع لحسن الناس تجرى منى لأن من كام يوم حد حكالى انه عطس على محطة الاتوبيس لقى الناس كلها مشيت وكان منظر محرج بالنسبه له
المهم كلمت الرقم الخاص بمتابعة حالات الانفلوانزا 105
ردت عليا واحده قلتلها ان عندى انفلوانزا وعايز استفسر واطمن
قالتلى روح لاقرب دكتور وخد العلاج بتاع الانفلوانزا العادى وبعد اسبوع كلمنى لو ماخفيتش
وبس على كده مافيش اى معلومه تانيه هى تعرفها قلتلها طيب انا اعرف ان انفلوانزا الخنازير بتسبب ارتفاع درجة حرارة الجسم
ده بيحصل امتى قالتلى مش عارفه
كل اللى عليك تاخد الدوا العادى بتاع الانفلوانزا العاديه وبعد اسبوع كلمنا
ماتخافوش ياجماعه الانفلوانزا مش بتنتقل عبر الانترنت والمنتديات
على العموم ربنا يستر
لو بعد اسبوع مادخلتش على المنتدى لفترة كام يوم ابقو ادعولى بالرحمة والمغفرة

**Ignition-Kid** · 05-10-2009 05:42 PM

الف سلامه وان شاء الله خير ماتقلقش

**nab!l** · 05-10-2009 06:07 PM

ان شاء الله خير والف سلامه عليك

**lancerevolution** · 05-10-2009 06:10 PM

على فكرة إنفلونزا الخنازير زى أى إنفلونزا عادية جدا جدا خد بس العلاج بتاع الإنفلونزا العادية و ربنا يستر

**kemo0o** · 05-10-2009 06:14 PM

اتطمن ياباشا
خد بس انت علاج الانفلونزا واي دوا فيه باراسيتامول زي ادوية البردج العادي (كونجستال وغيرة)
ولو ما اتحسنتش خلال اسبوع وبدأت اعراض تانية زي قئ أو اسهال او صعوبة في التنفس او ارتفاع حرارتك عليك وعلى الحميات عدل تعمل التحليل وتطمن

وان شاء الله خير

**Mohamed.Ramah** · 05-10-2009 06:15 PM

ربنا يستر يامعلم

**أحمد سالم** · 05-10-2009 06:36 PM

اشكر مروركم الكريم ودعواتكم
وجزاكم الله خير
ويايت يااستاذ درش تقولى علا الادويه
وان شاء الله تعدى على خير

**NaBeLeOn** · 05-10-2009 06:42 PM

بسيطة ان شاء الله و الف سلامة
===
كان فى حاجة مهمة عايز اعلق عليها و هى رقم 105 ده ... واضح من الكلام انهم مش مجهزين لاى حاجة و لا فاهمين فى البطاطا
واحده قريبتنا اتصلت بيهم عشان كانت تعبانة برضه سألوها انتى اقل من 15 او اكتر من 60 سنة ؟ قالت لا قالوا خلاص ملناش دعوة روحى لاقرب دكتور و اكشفى ! و جربت تانى فى شيفت مختلف مع واحد تانى و نفس الكلام
يعني حاجة بسيطة زى دى مش عارفين نعملها ... نجيب 20 واحد و نديلهم محاضرتين عن الموضوع و ازاى يجاوبوا و يتصرفوا مع المواطنين و الاستفسارات ؟! امال بس قارفينا كل شوية فى التليفزيون 105 105 و هو ملوش لازمة اصلا و الاتصال بيهم لا بيودى و لا بيجيب !

**egyptianmafia** · 05-10-2009 06:58 PM

Just take Comtrex and Augementine....those 2 work very good!

الموضوع: جتلى انفلوانزا (ماتخافوش ان شاء الله العاديه ) واتصلت برقم 105

LinkBack

أدوات الموضوع

عرض

-

-

-

-

-

-

المواضيع المتشابهه

جتلى رساله غريبه !!!!!

جتلى فكرة قولت اجربها !

الأغنية دى جتلى على الميل و لازم نسمعها

صدق او لا تصدق فتورة الكهرباء جتلى 1200 جنية

قبل و بعد انفلوانزا الخنازير

الكلمات الدلالية لهذا الموضوع

المفضلات

المفضلات

ضوابط المشاركة