اقتباس المشاركة الأصلية كتبت بواسطة jisso82 مشاهدة المشاركة
باشا أنا مش عارف أضحك و لا أواسيك على الموضوع بس بجد انت مسخرة زى مانت حادثة و لسه ماشاء الله بتضحك فينا برده
ياعم نفسى اعرف مين فينا المسخره ... فاكر اخر مقابله لما كان عندك الضغط ومكونتش قادر تفتح عينك ... واول ماروحت الكافيتيريا مع الشباب وشوفت حاجتين حلوين هناك الضغط وطى و الدمويه ردت فى وشك وعينيك فنجلت .... لاحول ولا قوه الا بالله ... ماتتجوزوا بقى .... بس ابوس ايدك قبل الجواز بحوالى شهرين ياريت متجيش ناحيه العربيه خالص ... اديك شايف اللى بيحصل معايا ...


اقتباس المشاركة الأصلية كتبت بواسطة ayman_52 مشاهدة المشاركة



انت عرفــت اســم عيلتـى منين



-----

صحيــح

عشان انت حبيبى يا سومـــا .. وبعزك زى اخــويا -ايلـى- بالضبــط

انا هجبلك الصندل اللى انت عاوزه ... هديه عيد جوازك

وادى صورته ... لحد مادهولك يوم ماقابلك ان شاء الله



.
.
.



.
.
.













-----



اخــوك : ايــمــن كـوهيــن
هههههههههههههههههههه .... جامده مووووت يا كوكو وبالذات أخوك ايلى سلملى عليه كتير ... بس مكذبش عليك الواحد لما ركز فى الصوره دى حس بنعم ربنا الكتيره عليه اللى ممكن مش حاسين بيها لأننا متحرمناش منها... لأن فعلا ممكن تلاقى فى الدول الفقيره ناس عايشه بالمستوى ده .... الحمد لله
اقتباس المشاركة الأصلية كتبت بواسطة nysma مشاهدة المشاركة


الموضوع كده بقى الواحد مش عارف يعملكوا فيه إيه

يعني نقعد نضحك معاكوا ولا نتضايق من الحادثة الغريبة دي

ربنا يخلف عليك في الدنيا ويعوضك بأحسن منها يوم القيامة من فضله

الجراج اللى بتتكلم عليه لو بعيد عن رذاذ الماء اللى ممكن يوصل للأماكن القريبة من الشاطئ يبقة خلاص مافيهوش مشكلة

أنا معرفش الجراج ده أصلا شكله إيه وقريب ولا بعيد عن البحر

الحاجة الوحيدة اللى تقلق منها إن مية البحر نفسها بملوحتها توصل لجسم العربية عن طريق رذاذ من الأمواج وتحمله الرياح مثلا أو أي حاجة زي كده لو الجراج ده قريب قوي من البحر
متشكر لحضرتك جدا يااستاذ ايمن ... وربنا يبعد عنا وعنك كل شر باذن الله
بالنسبه لموضوع الجراج لو حضرتك جيت اسكندريه قبل كدا وبالذات بعد ما وسعوا طريق الكورنيش هتلاقى بين الطريق وبين البحر اماكن واسعه عاملاها الدوله كجراجات وعليها أمن وهى ليها مميزات كتير لأن شكلها بالضبط كأنك راكن فى كارفور بمعنى ان ماحدش يقفل عليك ومفتاحك معاك تخرج وتدخل فى اى وقت ... بس زى ماحضرتك قولت فعلا رزاز البحر ممكن يوصل للعربيه وبالذات فى الشتاء القارص الميه بتوصل للناحيه التانيه من الطريق ومقولش لحضرتك على جو البحر من ناحيه التأكل .. انا شقتى تعتبر صف تانى بالنسبه للبحر و لسه مركب الأكسسوارات المعدنيه فيها من حوالى 6 شهور بس اللى يشوفها دلوقتى يفتكرها بدون مبالغه متركبه من 10 سنين ... وهو ده اللى مخوفنى على العربيه من ركنه البحر .... بس هحاول اتغلب على الموضوع ده بغطاء ووتر بروف وقولت ابقى اشحم كل شهرين او تلاته وربنا يستر ...