كل شيئ عن لانسر بالأسكندرية

**a_soliman_eng** · 03-10-2009 02:16 AM

فى ميكانيكى اسمه وليد فى سيدى بشر قبلى مش بطال فى اللانسر

**salehgharib** · 04-10-2009 10:00 AM

المشاركة الأصلية كتبت بواسطة a_soliman_eng

فى ميكانيكى اسمه وليد فى سيدى بشر قبلى مش بطال فى اللانسر

انا اتعاملت معاه قبل كده ورقم تليفونة 0128748986
وهو كويس لو تقول له من طرف الإستاذ/ صالح هيقوم معاك باحلى واجب ورد عليا

**lovelorn** · 05-10-2009 09:46 PM

قطع الغيار أكيد طبعا تتجاب من التوكيل ماعدا الحاجات التافهة زى الفوانيس .

انا اعرف سمكرى كويس بس غالى شوية وبوياجى نمرة واحد واضمنه برقبتى بس معرفش أوصف السكة ليه بس هوا فى الحرفيين لو حبيت تروحله بعد الشر يعنى قولى ...

**lovelorn** · 05-10-2009 09:51 PM

بالنسبة للكاوتش ... انا بصلح عند اتنين

بريدجستون اللى قدام جامع يحيى أو اللى قدام مدرسة زهران

لو بطاريات روح لخالد مشعل على شارع ابو قير فى جليم قدام البنك الأهلى سوسيتيه جنرال

قطع غيار من ككان غير التوكيل ... عبد الرزق فى شارع صلاح الدين وفى واحد فى أخر شارع الجواهر

**salehgharib** · 06-10-2009 10:08 AM

جميل يا إسكندرانية

عارفين لو نوثق الكلام ده بأرقام تليفونات ووصف دقيق تبقى موسوعة جميلة جدا

عارف يوم ما تحتاج لحاجة فى يوم من الأيام خاصة بصيانة السيارة تفتح الموسوعة الخاصة بنا ولا تحتار ولا تضيع وقت وخاصة الموسوعة نابعة من تجارب الأخرين

**salehgharib** · 06-10-2009 10:25 AM

المشاركة الأصلية كتبت بواسطة lovelorn

قطع الغيار أكيد طبعا تتجاب من التوكيل ماعدا الحاجات التافهة زى الفوانيس .

انا اعرف سمكرى كويس بس غالى شوية وبوياجى نمرة واحد واضمنه برقبتى بس معرفش أوصف السكة ليه بس هوا فى الحرفيين لو حبيت تروحله بعد الشر يعنى قولى ...

الموسوعة بتنجح بيكم وليكم

يا ريت يكون فى رقم تليفون او وصف دقيق للموقع واسم الصنيعى عشان يكون لينا موسوعة يمكن الرجوع ليها فى اى وقت

**a_soliman_eng** · 06-10-2009 10:47 AM

فى كهربائى جيد جدا فى شارع الازالة فى الحضرة الجديدة اسمه محمد جابر مجربه فى انذار و وحدات رفع و زودلى فتح الشنطة بالريموت و زرار الكبوت بدون اى ظهور لسلك واحد
رقمه 0187755475
قوله بس المهندس احمد سليمان

**salehgharib** · 07-10-2009 11:51 AM

أحب أشكر المهندس أحمد سليمان على الإضافه
ونريد المزيد
ما هو أحسن مكان يمكن شراء قطع غيار أصليه بعد التوكيل

وفيما بعد عاوزين نقيم توكيلى لانسر يالأسكندرية المأمون والصفوه
بناء على تجارب الأعضاء

**lovelorn** · 07-10-2009 07:51 PM

أحسن مكان يمكن شراء قطع غيار أصليه بعد التوكيل

عند كوبرى الأبراهيمية ... ادخل شارع الجواهر اللى فى أوله بنزينة موبيل .. فى اخر الشارع على الشمال فى واحد بيبع قطع الغيار الأصلى وانواع تانية واسعاره زى التوكيل أو أرخص ..

المرايا فى الجنب التوكيل قالى 120 ... جبتها من عنده ب 100

**lovelorn** · 07-10-2009 08:10 PM

نقيم توكيلى لانسر يالأسكندرية المأمون والصفوه

أنا حتكلم عن تجربتى ..

# المأمون #

من بداية شراء العربية وكنت بعمل الصيانة الدورية عندهم - رغم عدم اقتناعى انه مركز صيانة - تلاقى جواه ماركات كتير " هيونداى - رينو - فولكس فاجن " بجانب الهوندا والميتسوبيشى اللى هوا شغال فيهم أصلا ..

طبعا الصيانة الدورية مكنش فيها أى مشاكل والمعامله هناك كويسة ..

وجت المصيبة الكبرى ...

العربية اتسرقت وهى مركونة " كسر الزجاج - الوش الفيبر بتاع الكاسيت كله - الكاسيت - زراير التكييف - قطع الضفيرة "

طبعا جريت بالعربية زى المجنون على المأمون ..

كانت الصدمة الأكبر ... وديها القاهرة تتصلح .. احنا منعرفش نصلحها .. طب الزجاج حتى ... قالى مش موجود عندنا ..

مشيت من عندهم وانا حالف ان العربية متدخلش عند المأمون تانى .. وكل تعاملى معاهم هو شراء قطع الغيار فقط ..

والمهندس طارق عارف الموضوع ده وكان رده ان مكنش عندهم جهاز كشف الأعطال ... هوا مش مبرر لأن العربية اتصلحت عند مجدى شاهين بدون الجهاز ... بس انا احترمت الرد بتاعه واهتمامه بالموضوع ..

دا كان الموضوع اللى فيه صور العربية
http://www.nilemotors.net/Nile/37550-a.html

# الصفوة #

نبدأ بتجربتى مع صاحبى فى دايو لانوس ..

راح يرش اكصدام امامى و يركب فوجات

الأكصدام شقق بعد أسبوع لأن الدهان مقرف .. والفوجات كانت متركبة كبس من غير ما تتربط ...

بالنسبة ليا انا ..

الأكصدام الأمامى كان فيه قطعه خفيفة داخل لجوه شويه ..

اللى عمل معاينة لقيته بيكتب محاولة أصلاح أو تغيير .. قلتله هوا ايه دا اللى محاوله اصلاح .. وجدت العربية عملتها فى الحرفيين ب 20 جنيه ..

ملخص الكلام ...

توكيل ميتسوبيشى فى اسكندرية مستواه سىء جدا ...

كان نفسى أعمل الصيانة فى قليوب عشان أقابل المهندس طارق .. بس ان شاء الله فى صيانة ال 80 حروحله ... انا 56 حاليا .. وبأمل انه يخلينى أغير الفكرة السيئة اللى انا واخدها عن توكيل ميتسوبيشى ..