عضو جديد فى منتدى تويوتا

**mohamed10** · 29-09-2009 01:24 PM

الف مبروك وربنا يديك خيرها ويكفيك شرها

**Samir Elshahawy** · 29-09-2009 02:08 PM

المشاركة الأصلية كتبت بواسطة sab3aawy

تسمحو لى انضم معكم فى منتدى التويوتا؟

مسوغات طلب الانضمام هى كورولا فضى 2010-1600 اوتوماتيك

(الأوتوماتيك العادى)

يا باشا أنت تدخل نادي تويوتا من غير أذن ده شرف لينا أننا احنا اللي نبقي معاك
عموما ألف مبروك و يارب يحفظها لك من كل سوء
و ياريت بقي تشرفنا في مقابلة المنتدي التويوتاوية القادمة بأذن الله علشان نسمع رأيك في الكورولا الجديدة و نستمتع بالحديث و المناقشة معاك

**M.Mekawy** · 29-09-2009 02:35 PM

يا باشا تنور و تبارك , و انا داخل المنتدى بقول قسم تويوتا منور ليه , بس خش برجلك اليمين
الف مبروك على العربية

**أبو_يوسف** · 29-09-2009 02:37 PM

مبارك يا بشمهندس سبعاوي :)
اختيارك للتويوتا دي حاجة ترفع من أسهمها
منتظرين التقييمات والمقارنات الجامدة

**kareemhisham** · 29-09-2009 02:48 PM

الف الف مبروك يا استاذ سبعاوى .. ان شاء الله ربنا يديك خيرها و يكفيك شرها ..

و دة شرف لينا ان حضرتك تنضملنا هنا ..

قولنا بقة .. ايه نقاط تفوقها على السيفيك فى نظرك ؟؟

**aliabutaleb** · 29-09-2009 04:07 PM

ألف مبروك يا سبعاوي
وربنا يجعلها وش السعد عليك :)

**El Prince** · 29-09-2009 04:18 PM

ألف ألف مبروك يا باشمهندس
يعنى توقعاتتنا و توصياتنا جت ف الجون .... :-))))))
ربنا يديك خيرها و يكفيك شرها

**sab3aawy** · 29-09-2009 04:30 PM

المشاركة الأصلية كتبت بواسطة kareemhisham

الف الف مبروك يا استاذ سبعاوى .. ان شاء الله ربنا يديك خيرها و يكفيك شرها ..

و دة شرف لينا ان حضرتك تنضملنا هنا ..

قولنا بقة .. ايه نقاط تفوقها على السيفيك فى نظرك ؟؟

هى مش نقط تفوق بقدر ما هى نقط مناسبة لى، يعنى ممكن نفس النقط تكون مش مناسبة للآخرين

1- ارتفاع الكورولا عن الأرض انسب لى لأن مشاويرى تتضمن مطبات واراضى فيها عالى وواطى
2-قعدة الكورولا انسب لى لأنها مرتفعة عن الأرض وتجعل رأسى فى مستوى زجاج السيارة وتشعرنى باننى مرتفع عمن حولى، بعكس قعدة السيفيك الأقرب الى فكرة الشيزلونج والتى تناسب طوال القامة ولكنها لا تناسبنى
3- الكورولا ذات تواجد مستمر فى مصر منذ الثمانينات ومافيش موديل منها غاب عن السوق المصرى مما خلق حالة عامة من القبول لها فى اعادة البيع او ما يعرف شعبيا باسم (ورقة البوسطة) بكل موديلاتها
4-الجير بوكس الأوتوماتيكى الخاص بالكورولا انعم فى غياراته من جيربوكس السيفيك
5-السيفيك لا يوجد بها وسيلة سهلة لاخراج عصا الجيربوكس من الوضع p بعد سحب المفاتح من الكونتاكت، وهو امر مطلوب جدا فى مصر فى ظل ثقافة الصف الثانى المنتشرة فى بلدنا
6- احساس اكثر منه تجربة ان الكورولا اسهل فى الصيانة، وه برضه نظرا لتاريخها الطويل فى مصر وتاريخ تويوتا ايجبت الطويل فى خدمة العملاء

7- الكورولا متوافرة حاليا 2010 فى حين ان السيفيك المتوافرة 2009

دى كانت الأسباب الأساسية لحسم الاختيارات لصالح الكورولا من وجهة نظرى

**mohamedfadel** · 29-09-2009 04:34 PM

ألف مليون مبروك ربنا يعطيك خيرها و يكفيك شرها

**mohsen_anwar** · 29-09-2009 04:54 PM

اولا الف مبروك .. ثانيا ادينى رأيك ضرورى .. انا مقيم فى السعودية وهشترى عربية ومحتار بين العربيتين اللى انت ركبتهم .. الصنى كلاسيك اليابانى يعنى الشكل القديم .. مش الجديد الكورى اللى شبه الاوكتافيا من قدام .. ولا كورولا اتوماتيك برضو فتيس عادى زي بتاعتك .. مع العلم ان الفرق فى السعر حوالى 10000 ريال .. طبعا بتكلم زيرو .. ولو حد عاوز ال 128 بتاعتى اللى فى مصر مرفوعة 12 سنة بركبها شهر فى السنة بس وكنت شاريها من واحد رافعها برضو .. مو 83 مش راشة ولا برة ولا جوة !!!! .. المهم خلينا بس فى الصنى ولا الكورولا مع العلم انها مستقبلا هتبقى عربية مصر يعن هجمركها

الموضوع: عضو جديد فى منتدى تويوتا

LinkBack

أدوات الموضوع

عرض

-

-

-

-

-

-

المواضيع المتشابهه

عضو جديد تيداوي في منتدى النيسان ..

عضو جديد فى منتدى هوندا

عضو جديد فى منتدى كيا برايداوى حالياً

عضو جديد فى منتدى البى ام دبليو

لو عضو جديد .. أهلا بيك في منتدى ميتسوبيشي

الكلمات الدلالية لهذا الموضوع

المفضلات

المفضلات

ضوابط المشاركة