مواتير ال cps موجودة فعلا مش لسة هتتعمل بس التوكيل مش هيقدر ينزلها مصر عشان بتاخد اقل حاجة بنزين 95
عرض للطباعة
بس حلوة اوي شخصنة دي
يا ترى بئى ماعملوش الموتور cvvt ده 1800 للى بره وبدى بئا 140 حصان مثلا ليه ؟؟
ولا مانزلوش بره الموتور 1600 cvvt عشان يوفر بنزين طالما بيدى نفس الكفاءة تقريبا ؟؟
هل هيونداى بتعملنا حاجات أحسن من الحاجات اللى بتعملها لامريكا ؟؟ ولا بيدحكوا علينا ؟؟
اكيد الموتور ال dohc احسن من ال cvvt عشان كده هو اللى بينزل فى اغلب العربيات فى العالم كله
بعدين الأهم من كل ده الاداء الفعلى وأسأل اى حد على الجين 2 واداءها وعفشتها ومابتحكش فى المطبات الصغيرة والبلاعات ولا المساعدين بتجيب الأرض لما 200 كيلو يركبو ورا
كل عربية ليها مميزتها وليها عيوبها والحمد لله ان كلنا عندنا رضا باللى عندنا وفرصة سعيدة يا أستاذ عزت
على فكرة انا اعتراضى مش على هيونداى انا اعتراضى على غبور والهيونداى اللى فى مصر
السلام عليكم ورحمة الله و بركاته
==================
أيه يا جماعة الخير ..... ليه الموضوع قلب بخناق و تحيز كدا .......
طيب مُمكن تسمحولي أقول رأيي
أولا هاتكلم كلام عام :
مفيش عربية أحسن من عربية على الأطلاق ............
أنا شايف أن العربيتين ممتازين ....... و لكل عربية مستخدم أو عميل مختلف عن الآخر ........
ثانيا فئة العربيتين
فئة النيو أكسنت هي الصب كومباكت كارز
أما فئة الجين 2 هي الكومباكت كارز
يعني فعلا الجين 2 في فئة السيراتو و الكورولا و الإلنترا و الأسبرانز الصيني كمان ....
الموضوع ملوش دعوة بالسعر خالص و لا بقوة الحصان بتاع الموتور
الإلنترا مثلا 122 حصان صافي محرك قبل الات الجر
و الجين 2 برضه 110 حصان صافي محرك قبل الات الجر
يعني ننقص 10 % من الأثنين بعد الهالك في الات الجر هانلاقي ان الالنتر تكسب في قوة المحرك
و النيو أكسنت تتساوى أو تكسب بفرق بسيط عن الجين 2 على أساس أن النيو أكسنت أصلا موتورها أخره 112 و الجين 110 فقط .
النيو أكسنت قاعدة عجلاتها 2500 مم و ده اللي دخلها فئة الصب كومباكت كارز ( والحجم ده بيفرق طبعا في ثبات العربية على الطريق علشان كدا الجين 2 مع نظام التعليق القاسي و النيو أكسنت بنظام تعليقها القاسي أيضا تشعر بثبات أعلى في الجين 2 )
أما الجين 2 فقاعدة عجلاتها هي 2600 مم و ده اللي دخلها في فئة الكومباكت كراز زي السيراتو و زي الإلنترا و الكورولا و الاسبرانزا الصيني أم 60 ألف جنيه .
============================
تعالوا أقول لكم رأيي المتواضع في المقارنة :
النيو أكسنت سيارة ممتازة و مميزاتها ( شكل معقول جدا - توافر قطع غيار - توافر مراكز خدمة - قليلة المشاكل - سعر إلى حدا ما معقول )
عيوبها ( ثباتها أقل من الجين 2 و لكنها ثابتة برضه بس بتنط في الطرق البايخة لضيق قاعدة العجل و نشفان العفشة - ضيقة مش واسعة و لا حاجة و شنطتها معقول نقدر نقول عليها وسط - العربية مش سهلة في اعاة البيع ....برضه وسط في اعادة البيع مش زي بقية عربيات هيونداي التانية )
أحلى ما فيها هو سحب المحرك ...................... سحب ممتاز و أستحابته ممتازة خصوصا صندوق السرعات الأوتوماتيك اللي أفضل من صندوق سرعات الجين 2 الأوتوماتيك خصوصا على السرعات القليلة ......
الجين 2 بأختصار ......... أفضل قيمة مقابل المال
كماليات كتيرة ......... و موتور ممتاز .............. صندوق السرعات المانوال بتاعها أكثر من رائع .......... ثبات رهيب و تحكم عالي في السيارة .................. شكل رياضي بحت ( شكل و ثبات بس ) أما الموتور صوته رياضي و ممتع و لكن أدائه يتساوى مع مواتير 1600 كتيرة زي موتور النيو أكسنت على سبيل المثال و الماتركس اللي تم ذكرها في الموضوع ..
و أقل من مواتير 1600 تانية زي الإلنترا و النيو سيراتو و الكورولا الجديدة و السيفيك ........
العربية أجمالا ...... شكل رياضي ....... و شبابي أكتر ........... عربية للناس اللي بتحب تمزج نفسها .
عيوبها :
لازم تشتري العربية و تتوقع أن ممكن يظهر معاك عيب تقفيل و طبعا في الغالب مش بيظهر حاجة بس لازم تحط التوقع ده عند الشراء .
عيوب تقفيلها الأساسية ( زرار عايز يتأكد عليه في الربط .... لمبة صالون عايزة تتربط ................ الخ )
العربية مفيهاش حاجة في عيوب الصناعة نقدر نتكلم عليها و عيوب التقفيل بسيطة .
في النهاية العربيتين ممتازين ............... صاحب النصيب اللي ناوي يشتري ينزل يتفرج عليهم الأثنين و يقعد في الأثنين و اللي يستريح فيها أكتر .......... يتكل على الله و يخلص فيها بعد مقارنة السعر و الأنجذاب العاطفي للعربية اللي تشدوه .
باشا dohc و cvvt دى مش انواع مواتير.. اعذرنى انت معندكش خبره فى الحاجات دى لكن و لا يهمك انا هقولك باختصار
ال dohc اختصار Double Over Head Cam shaft يعنى كامتين علويتين للصمامات كامه لصمامات دخول الهواء للمحرك و كامه لصمامات خروج العادم من المكنة و بيسموها التاكيهات او عمود العصافير.. يعنى العربيات ال dohc 16v يعنى فيها كامتين كل كامه عليها 8 صمامات.. و بالتالى 4 صمامات لكل اسطوانة و ده بيدى تنفس افضل للمحرك.
اما بالنسبة لل cvvt فهى اختصار Continuously Variable Valve Timing يعنى ان الصمامات لها توقيتات متغيره فى الفتح و الغلق مثلا على عدد لفات عالى فوق 5000 لفه بيتم فتح صمام دخول الهواء لفتره اطول علشان ندخل هواء اكتر و تاخد قدره اعلى من المكنة و علميا لاسباب كتيييييير منها حاجه اسمها induction ram و بلاش اتوهك..
المكن اللى فى كل الهيونداى هنا dohc cvvt بالنسبة للالنترا و النيو اكسنت
و فى مكن تانى dohc فقط و ده القديم اللى مفيش فيه تكنولوجيا cvvt
و فى sohc يعنى كامه واحده
فى امريكا المكنه 2000 سى سى و اكتر و طبعا cvvt و كمان 16 صمام طبعا يعنى DOHC