كرولا فى مصر هتكون تجميع جنوب افريقيا ..بس فى الخليج هتكون احتمال كبير جدا يابانى....لو ناوى تشترى عربية كرولا ..مستعد تدفع زيادة وتاخد اليابانى
كرولا فى مصر هتكون تجميع جنوب افريقيا ..بس فى الخليج هتكون احتمال كبير جدا يابانى....لو ناوى تشترى عربية كرولا ..مستعد تدفع زيادة وتاخد اليابانى
حسب مقدار الزيادة
الاتنين من مصانع تويوتا لكن اكيد الياباني طعم تاني خالص.
بس طالما نزلت في الخليج ياباني يبقي لسه في خط انتاج كورولا في اليابان و متهيالي مش حيبقي في مانع انها تيجي مصر من هناك.
عموما لسه الايام جايه و يا خبر بفلوس :wink:
مش موافق بالمره
مش على دفع زياده فى اليابانى لا على شراء تويوتا من اصله لان سعرها مبالغ فيه على الفاضى انا ركبت لانسر وتويوتا وصنى الحقيقه ما فيش فروق جوهريه محسوسه بينهم وتوكيل تويوتا مبالغ فى الاسعار بطريقه فاضحه
ازاي باه مفيش فروق جوهريه؟؟؟ لو كنت بتتكلم عن المانيوال بس يبقي الفرق الجوهري في الثبات و بالذات لو اضطريت تفادي حاجه عند سرعه عاليه,,, اللانسر تكسب في الثبات,,اقتباس:
انا ركبت لانسر وتويوتا وصنى الحقيقه ما فيش فروق جوهريه
لكن لو بتتكلم عن الأوتو,, هايبقي الفرق أوضح في و السحب و عزل صوت الموتور صوت الموتور لصالح اللانسر , التويوتا الأفضل في توفير الوقود و في عزل صوت الهوا,,الصني بأه دي منظر خارجي و بس,, لو حطولها امكانيات و تكنولوجيا اللي فالتيدا, هاتبقي افضل الجميع,,
أنا باتكلم من واقع خبره يوميه لأني ساكن أنا و أصحابي علي بعد 70 من الشغل و كل يوم بنقطع ال 70 باحدي العربيات ,, لانسر 1600 أوتو,, تويوتا 1300 أوتو,, و صني 1600 أوتو.. و التلاته ياباني
اقتباس:
صوت الموتور لصالح اللانسر
معقوله دي؟؟؟؟؟ :?:
اللانسر تكسب في الثبات?????????????????????????????????????? ???
الانسر تخسر في كل حاجة مع احترامي لحضرتك
انا سقت لانسر 99 - 2001 - 2006
و كورولا 94 - 98 - 2006
و ياريس 2007
وبكل فخر التويوتا كورولا افضل بكثييييييييير جدا ! اللانسر دي ظاهرة مصرية !
فهلا التويوتا كورولا افضل من الانسر
يا سيدي الفاضل.... هات جرنال أخبار السيارات بتاع يوم السبت وإنت تعرف إية هية التويوتا كورولا الجنوب أفريقي! وصدقني بعدها مش حتتطرح السؤال دة؟
ملخص الموضوع:
1- مواتير الكورولا بتوصل جنوب أفريقيا قطعة واحدة متصنعة 100% في اليابان.
2- المهندسين المشرفين في مصنع جنوب أفريقيا تم تدريبهم أكثر من 8 شهور في اليابان
3-مصنع جنوب أفريقيا بيرسل تقرير كل 23 "دقيقة" إلى اليابان عن حالة العمل والإنتاج.
4- وده الاهم لا توجد عمالة في التصنيع.... أينعم.... بيقوم بالتقفيل والتصنيع "أكثر إنسان ألي" بالتبادل اثناء فترات الراحة والصيانة الدورية كل 6 ساعات.... وكل دة بالصور من أرض الواقع مش كلام وإللي قرأ ملحق الاخبار عارف انا بقول إية.
5- 37 دولة غير مصر "الدولة النامية" و"بلد العالم الثالث" بيستلموا التويوتا الجنوب أفريقي ومنها النمسا والنرويج والدنمارك وأسبانيا وغيرهم! يبقى دول كمان ناس جهلة ومعندهمش وعي وبياخدوا أي حاجة!!!!!؟
هي بس عقول الشعب المصري الساذج وإللي التجار بتضحك علية! ومش بتدفع نجيبلك كورولا من المريخ مش بس من اليابان!!!! وعجبي!
الاخ mohameduoser
حضرتك متأكد من الكلام إللي بتقولة؟؟؟؟؟؟؟ قصدي روحت وشفت بعينك؟؟؟؟
ياريت بلاش كلام تعميم بدون دراية كافية........ انا معايا نرويجي قاعد قصادي بقالة 5 سنين وبيحكي وبيتحاكى بروعة التويوتا وبأنها السنة الماضية مصنفة أعلى المبيعات في النرويج! وبلاش دة!
العبد لله من شهرين وكنت في هولندا وألمانيا ولا تتخيل كمية العربيات التويوتا والنيسان الموجودة هناك!
ممكن حضرتك تتابع بعض البرامج على القمر الأوروبي وإنت تشوف العربيات إللي بتمشي في الشوارع شكلها إية!
حسب مقدار الزيادة
لأن الجودة اكيد متقاربة جدا فلو الزيادة كبيرة يبقى الجنوب افريقى احسن
لاء ............ لاء
انا ممكن اشتري الكورولا الياباني الخليجي المزعومة دي في حالة واحدة فقط....
لو سعرها اقل من الجنوب افريقي...بما لا يقل عن 50 الف جنية.....!!!!!
يادوبك....فرق تكنولوجيا المواتير والفتيس الجديد....+ ضمان 3 سنين او 100 الف كم...غير كدة الجنوب افريقي هي الاختيار الرابح بلا منافسة....
السوق المصري للسيارات هو سوق غير كل اسواق العالم حكاية ياباني دي لا احد يهتم بها على الاطلاق في امريكا مع العلم ان الاشراف في المصانع ياباني, المشتري تحكمه الجوده الخدمه والسعر وكل هذه المعايير في صالح التويوتا وطبعا الهوندا ولذلك فهما ملوك السوق الامريكي اكبر اسواق العالم
وانا اتفق مع الاخ ان اللانسر دي ظاهره مصريه المتسوبيشي عموما فاشل في امريكا
السلام عليكم
أولاً أحب أوضح أني لسا مشتري كورولا 2008 1600 أوتوماتيك جنوب أفريقي بضمان الوكيل بس العاديه مش الأدفانسيد.
ثانياً خلاصه اللف و الدوران و المرواح يمين و شمال و مقارنة العربيات على النت و خلافه، لقيت الأتي:
1) شكراً لنايل موتورز لأني أستفدت من أراء الناس فيه بشكل كبير
2) بالنسبه للسوق، طبعاً السوق في مصر حكايه كبيره بيسيطر عليه الأستغلال و بس بدليل أنه كان من الواضح أن في تواطؤ بين الوكيل و موزعينه علشان يزودا سعر العربيه 10000 جنيه،- العربيه ثمنها 135000 في التوكيل و الحجز كمان مقفول و تلاقيها عند الموزعيين أزيد 10000 للتسليم الفوري - و يقلك لو عايز لون مش موجود عنده تصبر أسبوع و لا 10 أيام وأجيبهالك من الدفعه الجديده، يعتي في دفعات داخله السوق عن طريق الوكيل، بدليل الضمان من الوكيل نفسه على الدفعات دي.
يعني في دفعات دخله السوق عن طريق الوكيل و بتتباع بسعر أعلى و الوكيل قافل الحجز.؟؟؟؟؟!!!!!!!
3) الوكيل بالرغم من إلى عمله في الجرايد و الزياره بتاعت مصنع جنوب أفريقيا، نزل الكورولا الياباني بضمانه بس ب 165000 ؟!!!!!
4) أنا شخصيا لاقيت بعد المقارنه بين الجنوب أفريقي و الياباني أن الجنوب أفريقي تكسب بدليل المتور الجديد فيها، أما الياباني فما هي إلى (على رأي الموزع إلى بعلي) كورولا 2007 بس في شكل جديد.
كمان الفتيس الجديد MMT حسب ما بيتقال في موقع جنوب أفريقيا أن أستهلاك السباره إلى فيها الفتيس دا أقل من أستهلاك السياره إلى فيها فتيس عادي و دي سابقه بحاول أتأكد منها إلى الأن.
أني عارف زي كل الناس أن السياره بالفتيس الأوتوماتيك بتستهلك بنزين أكتر من العادي.
5) على موقع كورولا يوروب
http://www.toyota-europe.com/about/news_and_events/helsinki_corolla_2007.aspx
تجده بيقلك "Production of the 10th generation Corolla for Europe will be based in Japan at the Takaoka plant and the car will go on sale in Europe as of February 2007"
يعني الكورولا 2008 المصدره لأوروبا يتتصنع في اليابان مش في جنوب أفريقيا،و أوروبا بتغطي طبعا كلاً من النمسا والنرويج والدنمارك وأسبانيا وغيرهم و دا للأثبات الحقيقه فقط و لازلت مقتنع بالجنوب أفريقي و أنها تصنيع كويس بدليل أني أشتريتها.
6) لو هانقارن بين الكورولا الجنوب أفريقي 1600 البروفيشينال و الأدفانسيد تجد الفرق 20000 جنيه و لا يعكس أطلاقاً قيمة الأضافات الموجوده في الأدفانسيد و ستثبت الأيام لاحقاٌ ذلك عند البيع في سوق المستعمل أن الفرق بينهم لن يكون كبيراً بل ربما تكون الأدفانسيد أقل في السعر لكثرة مشاكل هاذه الأضافات.
7) أخيراًوأسف لو دا بره الموضوع بس بعد المقارنه بين كلاً من الكورولا 2008 و السيفيك 2008 و التيدا 2008 و اللانسر 2008 شكل قديم و شكل جديد و جدت الأتي:
1/ نظراً لأننا داخلين على أزمة بترول فإن الكورولا تكسب
2/بالنسبه لقطع الغيار وأسعارها، الكورولا برده تكسب بالرغم من أني مقتنع بالعمر الطويل لقطع غيار السيفيك حتى ولو سعرها غالي
3/ القيمه السوقيه والسعر عند البيع كمستعمل و سرعة البيع، الكورولا بردوا
و شكرا
أرجوا أن أكون وضحت في مداخلتي السابقه بعد الحقائق إلى أكتشفتها في رحلة شرائي للسياره و للعلم أحترم كل الأراء المطروحه
أنا حبيت أرد على الدعايات اللي شغاله في الجرايد عن كورولا جنوب أفريقي هو مش ربنا عرفوه بالعقل مدام زي ما بيقولوا إن الماتور والفتيس بييجوا مقفلين من اليابان طيب اليابان محطتهمش في عربياتها ليه ماتور الياباني مختلف وفتيس الياباني مختلف بلإضافه إلى إن المواصفات الخليجيه أعلى من المصريه بخصوص دورة تبريد المحرك وبرودة المكيف لان الحراره في الخليج بتوصل مرات ل 55 درجه ورغم كده تلاقي المكيف ثلاجه وعداد الحراره فوق الربع وكمان في ميزتين في الخليجي وهي معالجة الصاج ضد الصدأ والبارومه ونوعية الدهان بتكون ذات مواصفات خاصه تلائم أجواء الخليج علشان كدا اليابان وجهة كل إنتاجها للخليج فقط لإن الكورولا والكريسيدا واللاند كروزر هما إللي عملوا إسم تويوتا في الخليج .
إن شاء الله أول ما تسمح الفرصهاقتباس:
عاوز اعرف ليه توكيل تويوتا اختار انه يجيب لنا كورولا من جنوب افريقيا بالذات مع ان فيه مصانع كتير بتصنع كورولا زى استراليا ودة اكبر من مصنع جنوب افريقيا وكذلك مصنع الصين والولايات المتحددة وكان نفسى اعرف رأيكم جدا فى حكايه هل شركه تويوتا فى اليابان اللى قالتله متخدش كورولا يابانى ولا التوكيل اللى حب يغير من العربيه وقال ان الجنوب افريقى كمالياتها اعلى من اليابانى وكمان ليه فى السعودية والامارات وقطر عندهم اليابانى هل لانهم مش مقتنعين باى تويوتا مش يابانى و خلى بالك السوق الاوروبى اهم حاجة عنده السيارات الاوروبيه و مش فارق معاه يجيله كورولا من اليابان ولا من المريخ لانه مش سوق مستهدف للسيارات اليابانى انما فى الشرق الاوسط وخصوصا دول الخليج ومصر اعلى مبيعات وانتشار هى العربيات اليابانى فيفرق معانا انما مثلا لو نزلتلك الفاروميو من مصنع بوليفيا او استون مارتن من مصنع الجابون مش هيفرق معاك
الجنوب أفريقي يتفوق في المميزات والمتور والتابلوه عن اليباني بفرق كبير يعني حتى لو فرضنا إن الجنوب أفريقي زيادة عن الياباني ب 10 آلاف برضوا حجيب الجنوب أفريقي
لكن طبعا اليباني أغلى يعني أكيد إختياري الجنوب أفريقي
الكرولا الجنوب أفريقى يا جماعة فيها نتشة فى الفتيس الستيب ترونيك و دى مزعجة جدا من تجربة زميلنا فى المنتدى أحمد سامى .
طب ما هى الاوكتافيا a5 فيها نتشه
والبيجو 307
وعربيات كتير على فكره
لا لا مش مزعجة ولا حاجه واقل من عاديه كمان
ممكن اعرف مين اللى قال مزعجه ؟؟؟؟؟؟؟
اعتقد ان نتشه الاوبل هيا اللى مزعجه شويه
ايام ما كنت بفكر اشترى كورولا سمت فعلا من كذا واحد ان فتيس الكورولا الجديده مش ناعم زى القديمه كمان لازم اشيل زجلى من على البنزين علشان العربيه تنقل لاعلى- بس انا اعتقد ان تويوتا مش هتنزل فتيس فيه عيب صناعه واضح فى كل العربيات
بس الفكره بقى يا حلو لو الفتيس ده حصل له حاجه فى المستقبل هل ممكن يتصلح زى الفتيس العادى ؟
دا من تجربة زميل لينا فى المنتدى و دا اللينك
http://www.nilemotors.net/Nile/showthread.php?t=21569
انا معاك التويوتا اللى بيقولو عليها خليجى موتور قديم و فتيس قديم مفيهاش غير الشكل و انا جربت دى و دى الجنوب افريقى مجرمه العربيه ثابته لغايه 215 كم على الساعه انا واخدها من القاهرة ل الغردقه فى 3 ساعات و نص اليابانى معرفتش اعمل بيها الكلام دة مجبتش غير 200 كم بس
ماهى مدة الضمان فى السيارة؟
ارجو الافادة
3 سنوات أو 100 الف كم أيهما أقرب
فى مصر 3 سنوات
مثل الخارج ممتاز
هل الضمان على عيوب التصنيع فقط؟؟
هل السيارة الاوتوماتيك العادية بها انذار؟
شكرا
الضمان ضد عيوب الصناعة فقط
للاسف السيارة بدون انذار خالص, ولوعاوز تركبة في التوكيل ممكن بس بكام باة ب 950 جنية ولازم تركبة طبعا في التوكيل علشان العربية متخرجشي برة الضمان زي ما قالولي في التوكيل يا بلاش واللهي ادفع المبلغ دة كلة واكتشف ان العربية مفهاش انذار
اقتباس:
فى مصر 3 سنوات
مثل الخارج ممتاز
هل الضمان على عيوب التصنيع فقط؟؟
هل السيارة الاوتوماتيك العادية بها انذار؟
شكرا
الجنوب أفريقي إلى معايا مفيهاش أنذار، بس أن سألت في التوكيل على الأنذار إلى بيعمل على نفس ريموت السياره و قالوا لي أنه ب 990 جنيه.
يبغي غلوا الانزار 40 جنية معي ذيادة الاسعار , بس هوه طبعا مهم جدا في الايام دة
وانا عن نفسي لو املك الاختيار تاني مكنتش اشتريت العربية دة بالعيب بتاع السحب دة
هو إنت لسه لحد دلوقتى محدش رد عليك من تويوتا !!!!!
للاسف الشديد ومفيش حد رد ولا تويوتا مصر ولا تويوتا جنوب افريقيا اعتقد هما ملأيوش حل لسة اومشعارفين يعملوا اية