هل الكلام ده صحيح عن علبة البيئة

**mummy_47** · 30-09-2009 11:07 AM

اتفرجوا على المعلمومات والصور ديه انا لاقيتها لما كنت بدور على كيفية عمل علبة البيئة وازالتها ففوجئت باللي هتشوفوه:

المحول الحفاز ( دبة التلوث ) معلومات وصور ..وتحذير من السرقة - منتدى السيارات

يا ترى الكلام ده صح ولا لأ...ولو كان ده صح وانا عايز اغير العلبة عشان ازود عزم العربية فهل ده مش حرام علي عشان ابقى بكده بضر البيئة جدا....ولو مفيهوش حاجة هل ممكن الواحد يستفيد من البلاتين ده....

مع خالص شكري

**samirayad** · 30-09-2009 12:00 PM

يا ترى الكلام ده صح ولا لأ.

صح

...ولو كان ده صح وانا عايز اغير العلبة عشان ازود عزم العربية فهل ده مش حرام علي عشان ابقى بكده بضر البيئة جدا....

لو سحب العربيه تمام والوضع طبيعى والمكنه مبتسخنش
يبقى خللى العلبه دلوقتى ....وكده كده قدام (ممكن تشيلها )
وسيبك من موضوع تلوث البيئه ده

هو فى حد بيدور على نظافة البيئه
دا 90 % من العربيات مفيهاش علب بيئه
أحنا فى مصر ياباشا

تعالى عندنا فى الغربيه وأنت تشوف مية الشرب عامله أزاى للأسف

**mummy_47** · 30-09-2009 12:51 PM

الف شكر ليك يا باشمهندس على سرعة الرد....لكن هل ممكن الواحد يستفيد من البلاتين ده بالبيع وفين مثل ما قيل في الموضوع:

**mummy_47** · 30-09-2009 12:52 PM

الف شكر ليك يا باشمهندس على سرعة الرد....لكن هل ممكن الواحد يستفيد من البلاتين ده بالبيع مثلا او اي حاجة اخرى :

**samirayad** · 30-09-2009 12:59 PM

طيب وأنت مستعجل ليه على البيع

ما الدهب والبلاتين ...كل شويه تمنهم فى الطالع
هههههههههه
عموما أنا أعرف أن العلبه التالفه من كلام الزملاء فى المنتدى بتتباع بحوالى 200 ج

**mummy_47** · 30-09-2009 01:06 PM

يلكن لو هي فيها بلاتين صحيح مفروض تبقى اكثر من 200 ج على اساس ان جرام البلاتين اغلى من جرام الذهب ، انا معرفش فيها كام جرام...لكن اعتقد ان البلاتين ده هو اللي بيسموه تجار الذهب(الذهب الابيض)...مش ممكن يشتروه؟؟

**أحمد كمال** · 30-09-2009 04:37 PM

المشاركة الأصلية كتبت بواسطة mummy_47

يلكن لو هي فيها بلاتين صحيح مفروض تبقى اكثر من 200 ج على اساس ان جرام البلاتين اغلى من جرام الذهب ، انا معرفش فيها كام جرام...لكن اعتقد ان البلاتين ده هو اللي بيسموه تجار الذهب(الذهب الابيض)...مش ممكن يشتروه؟؟

البلاتين غير الدهب الابيض

البلاتين هو عنصر البلاتين

الذهب الابيض هو سبيكة من عنصر الذهب + عنصري البالاديام و الروديام + قليل من الفضة لتبييض لون الذهب (عشان كده مفيش حاجة اسمها ذهب ابيض عيار 24)

و بالنسبة لعلبة البيئة هي عبارة عن محول حفاز لتحويل غاز اول اوكسيد الكربون الناتج من الاحتراق co و هو غاز سام جدا و ضار بالانسان و الحيوان و النبات و عديم اللون و الطعم و الرائحة إلى غاز ثاني أوكسيد الكربون co2 و هو غاز غير سام و يقوم النبات بامتصاصه و تنقيته و تحويله الى أكسجين

عشان كده انا شايف ان المحول الحفاز مهم للبيئة و لينا و لمستقبل اولادنا

و طبعا هو فيه بلاتين و لو حد استخلصه و باعه يجيب كتير حتى لو مش نقي لان البلاتين النقي الجرام ب 210 جنيه من 3 سنين (زمانه غلي)

**samirayad** · 30-09-2009 01:17 PM

هى مش بالطريقه اللى أنت متخيلها

دى حتلاقيها سبيكه غير نقيه من البلاتين
بتستخدم كماده محفزه فى التفاعلات الكيميائيه

وأكيد اللى بيستفيد منها الجماعه بتوع المعامل
الخاصه بالتجارب الكيميائيه
أما سبايك الدهب والبلاتين عند بتوع الصاغه
دى بتبقى سبائك نقيه ومتعالجه كويس كيميائيا لتنقيتها من الشوائب
وجعلها صالحه للزينه وخلافه ...........

**mummy_47** · 30-09-2009 01:23 PM

الف شكر يا هندسة على سرعة الرد

-

الموضوع: هل الكلام ده صحيح عن علبة البيئة

LinkBack

أدوات الموضوع

عرض

العرض المتطور

-

المواضيع المتشابهه

صحيح الكلام ده

نوبيرا 1 ... الكلام ده صحيح ؟؟؟

صحيح الكلام هذا ولا

هل صحيح الكلام ده؟

الكلمات الدلالية لهذا الموضوع

المفضلات

المفضلات

ضوابط المشاركة