هل الكلام ده صحيح عن علبة البيئة

**أحمد كمال** · 30-09-2009 04:37 PM

المشاركة الأصلية كتبت بواسطة mummy_47

يلكن لو هي فيها بلاتين صحيح مفروض تبقى اكثر من 200 ج على اساس ان جرام البلاتين اغلى من جرام الذهب ، انا معرفش فيها كام جرام...لكن اعتقد ان البلاتين ده هو اللي بيسموه تجار الذهب(الذهب الابيض)...مش ممكن يشتروه؟؟

البلاتين غير الدهب الابيض

البلاتين هو عنصر البلاتين

الذهب الابيض هو سبيكة من عنصر الذهب + عنصري البالاديام و الروديام + قليل من الفضة لتبييض لون الذهب (عشان كده مفيش حاجة اسمها ذهب ابيض عيار 24)

و بالنسبة لعلبة البيئة هي عبارة عن محول حفاز لتحويل غاز اول اوكسيد الكربون الناتج من الاحتراق co و هو غاز سام جدا و ضار بالانسان و الحيوان و النبات و عديم اللون و الطعم و الرائحة إلى غاز ثاني أوكسيد الكربون co2 و هو غاز غير سام و يقوم النبات بامتصاصه و تنقيته و تحويله الى أكسجين

عشان كده انا شايف ان المحول الحفاز مهم للبيئة و لينا و لمستقبل اولادنا

و طبعا هو فيه بلاتين و لو حد استخلصه و باعه يجيب كتير حتى لو مش نقي لان البلاتين النقي الجرام ب 210 جنيه من 3 سنين (زمانه غلي)

**bishoy02010** · 30-09-2009 06:53 PM

موضوع مفيد ومعلومات قيمة جدا الف شكر

**sherif_84** · 01-10-2009 12:52 AM

أنا سألت على سعر علبة البيئة عند أبو الحسن لقيتها بـ 230 ج

**tananybasha** · 01-10-2009 01:48 AM

افكها بكره و ابيع اللى جواها و اركب علبه فاضية

**m_mekkawy** · 15-05-2010 09:27 AM

والله انا هقلكوا على حاجه العلبه اللى بتنزل مع العربية هى اللى اصليه لكن العلب اللى بتنزل فى المحلات انا سمعت انهم بيحطوا فيها بورسلين ابيص مخرم وبتيجى صينى بس صراحه انا مش مسدق ان الغش وصل للدرجه دى