لية الجن 2 سمعتها وحشة .....؟

**MohabSaeed** · 02-10-2009 06:18 PM

المشاركة الأصلية كتبت بواسطة as01241

أولا مافيش حاجة غامضة قدامك , كل حاجة بتتقال وماحدش بيخبي حاجة وبعدين الناس هنا في المنتدى بتتكلم عن عيوب العربية قبل مزاياها وكمان أسعار قطع الغيار موجودة وتقدر تقارنها بغيرها من العربيات وإنت بنفسك تحكم هل الفرق يخليك تغير رأيك أو إنه ما فيش فرق أساسا !!! وبعدين ميزة المنتدى إنك بتعرف التجربة من صاحب العربية نفسه مش حد يقولك دي كانت مع واحد أخو واحد بن عم واحد صاحب أخويا وقال إن العربية مش كويسة ....طب دا كلام

كلام مظبوط 1000 %

**أبــوحبيبه ونور** · 02-10-2009 09:49 PM

المشاركة الأصلية كتبت بواسطة mark_milad_95

لية العربية سمعتها وحشة كدة , الموضوع دا قالقنى و مخوفنى اوى .

انا مافيش واحد سألته على العربية و قاللى انها حلوة , كل الناس بتحزر منها .

صحيح الناس بتحب تتكلم و هى مش فاهمة , م كله بيقول اى كلام .

محدش مجرب العربية , اللى يقوللك كانت مع واحد صحبى او قريبى .

لكن برده مافيش عربية سمعتها كدة , كل العربيات ناس تقول حلوة و ناس تقول وحشة و هما برده مش فاهمين . لكن فى اراء مختلفة .

انا متابع المنتدى من فترة كبيرة و عرفت معظم الحاحجات عن العربية بمميزاتها و عيبها و بعرف ارد على الناس دى , لكن الكلام الكتير دا مقلق مقلق .

انا و اعتقد ناس كتير تانى بدون المنتدى عمرى ما كنت هفكرولا اقتنع بالعربية .

ميعاد الاستلام قرب , و الواحد مش عايز يندم , و القلق بيزيد .

لييييييييه سمعتها كدة

؟؟؟

معلش لى سؤال ليك انت ايه افضل عربية من وجهة نظرك سمتعها كويسة وكل الناس متفقين عليها

انت لما تحب تشترى

هتشترى ايه
ولو معك

ممكن تقولنا على نوع

ايه

**tutankhamoun** · 03-10-2009 07:16 AM

يا باشا الناس بتتكلم من منطق واحد على بروتون عموما .......... أنها ماليزي ....
بس قليل قوي اللي بيتكلم عن تجربة فعلية مع العربية ,,,,,, و فيه منهم ناس كانت مش مبسوطة منها ....... والأغلبية مبسوطين .

العربية حلوة جدا .......... و محترمة و دي من العربيات اللي بيركبها بيكون غاوي ........ مش أي حد يشتري جين 2 .

أنا بفضل الله تعالى معايا جين 2 من سنة 2007 ........ و العربية مريحاني جدا و إن شاء الله العربية الجاية هاتكون بروتون برضه بإذن الله .

أتكل على الله و متخافش ........... و أمتمتع بالعربية و سيبك من كلام الناس

و الله العظيم تلاتة فيه ناس مهما تعمل معاهم و تثبت لهم
هايقولك الدايو تعبانة و الهيونداي أي كلام ..................... ده مثال على عربيات أثبتت نفسها في السوق لسنين لا تقل عن 15 سنة في السوق المصري .

و مع ذلك تلاقي بعض الناس تقولك أصلها كوري !!!

فكبر الجمجمة خالص ................................ و عيش حياتك خصوصا أننا بنتكلم عن تجربة و مش تجربة صغيرة .

و على فكرة موديلات 2009 و 2010 ...... أحسن كتير في التقفيل و مشاكل التقفيل أقل بكتير بالاضافة أن الموتور في الموديلات دي فيه تكنولوجيا iafm ........... و دي عالجت نقطة ثبات العزم ما بين 2800 إلى 3200 لفة - دقيقة .

إن شاء الله ربنا ييسر في أستلام عربيتك و متخيبش ظنك أبدا فيها و لا فينا .

و السلام عليكم

**Ayman_52** · 03-10-2009 09:50 AM

المشاركة الأصلية كتبت بواسطة tutankhamoun

يا باشا الناس بتتكلم من منطق واحد على بروتون عموما .......... أنها ماليزي ....
بس قليل قوي اللي بيتكلم عن تجربة فعلية مع العربية ,,,,,, و فيه منهم ناس كانت مش مبسوطة منها ....... والأغلبية مبسوطين .

العربية حلوة جدا .......... و محترمة و دي من العربيات اللي بيركبها بيكون غاوي ........ مش أي حد يشتري جين 2 .

أنا بفضل الله تعالى معايا جين 2 من سنة 2007 ........ و العربية مريحاني جدا و إن شاء الله العربية الجاية هاتكون بروتون برضه بإذن الله .

أتكل على الله و متخافش ........... و أمتمتع بالعربية و سيبك من كلام الناس

و الله العظيم تلاتة فيه ناس مهما تعمل معاهم و تثبت لهم
هايقولك الدايو تعبانة و الهيونداي أي كلام ..................... ده مثال على عربيات أثبتت نفسها في السوق لسنين لا تقل عن 15 سنة في السوق المصري .

و مع ذلك تلاقي بعض الناس تقولك أصلها كوري !!!

فكبر الجمجمة خالص ................................ و عيش حياتك خصوصا أننا بنتكلم عن تجربة و مش تجربة صغيرة .

و على فكرة موديلات 2009 و 2010 ...... أحسن كتير في التقفيل و مشاكل التقفيل أقل بكتير بالاضافة أن الموتور في الموديلات دي فيه تكنولوجيا iafm ........... و دي عالجت نقطة ثبات العزم ما بين 2800 إلى 3200 لفة - دقيقة .

إن شاء الله ربنا ييسر في أستلام عربيتك و متخيبش ظنك أبدا فيها و لا فينا .

و السلام عليكم

**MuhammedSoliman** · 03-10-2009 10:57 AM

بص يا أخ مارك انا مكنتش بصراحه ناوي ارد على المشاركه ديه من الزهق وكتر الكلام فى الموضع ده لأن معلش انا من 2006 وانا بتكلم عنها والجماعه هنا فى المنتدي برضوا ماخلوش بصراحه ولو حضرتك قرأت المنتدي كويس هتشوف رد لكل الافتراءات والعيوب والممييزات ومش هعيد كل الكلام اللى قالوه حبايبى فى المنتدي بس شوف العربية وصلت لفين من 2006 إلى الآن وياسيدي لو العربيه سمعتها وحشه كده أمال الناس يا أخى حجزها من 3 شهور ليه يعنى و وبتجيب واسطه عش الحجز ليه ؟؟؟؟ لوعربية مش تمام كانت تبقي مرطرطه فى السوق لكن ديه ماشيه زي النار والحجز بالثلاث اشهر مقدما طب فين بقا السمعه الوحشه على العموم مش هكتر فى الكلام وعلى فكره عنوان مشاركتك جزء من هذه السمعه الوحشه ليه بقا ؟؟ عشان فى ناس تقرا عنوان التوبك ويقول لك ده فى توبك بيقول العربية سمعتها وحشه فى قسم بروتون زي ما قال اخونا عماد
وتحياتى ليك ونتمنه انك تبقي بروتوني

**adsense** · 03-10-2009 02:52 PM

المشاركة الأصلية كتبت بواسطة mark_milad_95

لية العربية سمعتها وحشة كدة , الموضوع دا قالقنى و مخوفنى اوى .

انا مافيش واحد سألته على العربية و قاللى انها حلوة , كل الناس بتحزر منها .

صحيح الناس بتحب تتكلم و هى مش فاهمة , م كله بيقول اى كلام .

محدش مجرب العربية , اللى يقوللك كانت مع واحد صحبى او قريبى .

لكن برده مافيش عربية سمعتها كدة , كل العربيات ناس تقول حلوة و ناس تقول وحشة و هما برده مش فاهمين . لكن فى اراء مختلفة .

انا متابع المنتدى من فترة كبيرة و عرفت معظم الحاحجات عن العربية بمميزاتها و عيبها و بعرف ارد على الناس دى , لكن الكلام الكتير دا مقلق مقلق .

انا و اعتقد ناس كتير تانى بدون المنتدى عمرى ما كنت هفكرولا اقتنع بالعربية .

ميعاد الاستلام قرب , و الواحد مش عايز يندم , و القلق بيزيد .

لييييييييه سمعتها كدة

؟؟؟

بصراحة انا بقى عكس كلامك تماما
انا كل الى سألته قالي جااااااااااامدة جدا جدا
وحتي فى ناس اعرفها كانت ناوية تجيب النترا وفرت الباقي وبجيب جين تو حاليا
بصراحة مافيش انسان كلمته عنها وقالي وحشة حتي الناس الى مركبتهاش خاالص قالت لى جامدة وجميلة اوي والى ركبوها مبهورين بيها

**Ahmed Anwer** · 03-10-2009 03:14 PM

هيا أيه اللي سمعتها وحشة ؟؟؟

لما عربية تكون منتشرة الإنتشار ده و بتكلم عن الشارع مش عن المنتدي او الانترنت

و هيا اساسا مع توكيل مبيعملشي اعلان بربع جنية إن شاء الله في صفحة الوفيات !!!

تبقي العربية سمعتها وحشة !!!!

أنتا ليك باللي بيطلع من جيبه و بيدفع تمن العربية دوول كام واحد ،،،

ده اللي تحكم بيه علي سمعة العربية

لأن الكرة أجوان مش كلام

**أبومعاذ** · 03-10-2009 05:38 PM

المشاركة الأصلية كتبت بواسطة Ahmed Anwer

هيا أيه اللي سمعتها وحشة ؟؟؟

لما عربية تكون منتشرة الإنتشار ده و بتكلم عن الشارع مش عن المنتدي او الانترنت

و هيا اساسا مع توكيل مبيعملشي اعلان بربع جنية إن شاء الله في صفحة الوفيات !!!

تبقي العربية سمعتها وحشة !!!!

أنتا ليك باللي بيطلع من جيبه و بيدفع تمن العربية دوول كام واحد ،،،

ده اللي تحكم بيه علي سمعة العربية

لأن الكرة أجوان مش كلام

حاجة ساقعة هنا على حسابي للراجل ده

كلام ممتاز ميطلعش غير من واحد زي استاذ احمد انور

**youry** · 04-10-2009 10:40 AM

السلام عليكم يا شباب
اسمحولي اقيم ال Gen2 بكل صراحة بعد ال 20 الف كيلو
انا معايا العربية مو2007 وبالرغم من اي حاجة لو رجع بيه الزمن هاشتريها برضه لاني بحب العربية دي جدا
هاقولكم على المشاكل اللي حصلت معايا فعلا
1- سنتر باب السائق فصل يعني كل الابواب تقفل ماعدا باب السائق
ودي كانت فيشة ورحت التوكيل وغيروها
2-ماكينة الزجاج الخلفي شمال باظت ورحت التوكيل وغيروها بس بعد ما حجزت 3 اشهر لحد ما وصلت
3- المالتي فانكشن باظ ورحت التوكيل وغيروه بس بعد كام شهر كالعادة
4- ماكينة الزجاج الخلفي يمين باظت هي كمان من كام شهر بس مش موجودة في التوكيل
5- حاجة غريبة جديدة حصلت ان الاشارات بتعلق هي ومزاجها وطبعا ماكينة الاشارات مش موجودة في التوكيل
6- المالتي فانكشن باظ تاني ومستني لما يكون كل حاجة موجودة في التوكيل علشان اروح اغيره تاني
دي العيوب اللي ظهرت معايا فعلا _ مش محتاج اتكلم عن المميزات لان الجميع اكيد عارفها ....... وشكرا
واسف إذا ماعرفتش اتواصل معاكم علشان ظروف الشغل

-

الموضوع: لية الجن 2 سمعتها وحشة .....؟

LinkBack

أدوات الموضوع

عرض

-

-

-

-

المواضيع المتشابهه

معلومة سمعتها عن سرقة سيراتوا

من أفضل الأخبا اللي سمعتها منذ الثوره

ايه اغرب افتكاسه سمعتها من صنايعى

كلمة سمعتها كتير من ناس كتيييير

شئ غريب ما سمعتها من قبل في السيفيك 93

الكلمات الدلالية لهذا الموضوع

المفضلات

المفضلات

ضوابط المشاركة