اقتباس المشاركة الأصلية كتبت بواسطة newhansol مشاهدة المشاركة
هاقول لحضرتك حاجة يا ايس
انا مبطلعش غير على الاول انا معايا 128 برضة ولما كنت جربت اسوق وانا فى الجيش جربت اسوق عربية ربع نقل دبابة وطلعت على الاول والى كان معايا عسكرى زي يعنى وواخدها منة لفة فى الخباثة قالى انت بتعمل اية دى مبتتطلعش على الاول لان الاول بتاعها اسمة غيار عجوز لانة والعربية محملة حاجات مبتتطلعش غير علية لانها بتبقى تقيلة دى اول حاجة
مرة تانية برضة فى ميكروباص تويوتا خليجى وكان بنزين مش جاز زى الميكروباصات الى شغال سرفيس فى مصر اديتها التانى وبطلع قعدت تكركر وتسقف السواق بتاعها قالى لا دى تطلع زيها زى الملاكى على الاول
تالت مرة جربت ميكروباص برضة تويوتا بس مكنة جاز زى الى شغالين سرفيس وطلعت على الاول لاقيتة زى ميكون مكلبش فى الارض ومش عايز يمشى اديتة التانى يادوبك بدا يفوق ويتحرك
الخلاصة من كدة ان بتوع السرفيس مش غلط انهم يطلعو على التنى لان الموتور الجاز عدد لفاتة اقل مش زى البنزين بطيء يعنى فعلشان كدة الافضل انة يتحرك على التانى ولو كان محمل علية حمل تقيل بيطلع على الاول
وفى النهاية كويس قوى انك بتعرفى توزنى العربية من غير ماتسقف منك فى الطلعة بس دة هاياكل الاسطوانة بتاعة الدبرياج على طول
هو الفكره ان مواتير الجاز تتميز بالعزم الشديد وده بيسمح انك تطلع بيها على التانى بدون مشاكل , عكس البنزين اللى القوه الحصانيه فيه اكبر مش العزم وعلشان كدا الغيار الاول هو الانسب فى الملاكى

شكلك غاوى حاجات كبيره زى حلاتى , مفيش امتع من النقل والاتوبيسات فى السواقه :)