الموضوع: فلم اجنبى متصور كله فى مصر "cairo time"

واضح انه عن قصة حب (خيانة؟) ما بين أجنبية و مصري.
اختلاف الثقافات هيكون له جانب مؤثر في تطور العلاقة.
الفيلم ح يعرض بعض السلوكيات السلبية والايجابية للمصريين.

بس تطور مش بطال. أغلب أفلام هوليوود اللي عن مصر رفضت السلطات انها تتصور عندنا واتصورت في المغرب. أي فيلم أمريكي المفروض أحداثة بتم في بلد عربي بيتصور في المغرب.

النتيجة بتبقى بشعة: ناس بتتكلم لهجات غريبة ولغة عربية ركيكة. ومغاربة بيعملوا أدوار مسيئة للعرب. تحس بالاهانة مش بس من تشوية صورة العرب، ولكن عشان الاستخفاف بعقول 300 مليون عربي (يمثلوا نسبة مش بطالة من جمهور الفيلم) بعدم الدقة والمصداقية في تجسيد العرب حتى حينما لا يقصدون الاساءة.

الفيلم الوحيد اللي كان مقنع تماماً هو فيلم The Kingdom. المفروض احداثه بتم في السعودية. التصوير تم في الامارات.

الخلاصة: لو انتفتحنا شوية وقبلنا بتصوير الأفلام عدنا من دون التدخل في محتوى الفيلم، شوية بشوية تجسيد العرب والمصريين في الافلام ح يتحسن.

المشاركة الأصلية كتبت بواسطة MohaMed_Refaat

واية السبب فى رفض الدولة تصوير افلام اجنبية فى مصر ؟؟؟؟؟
مش فاهم اية فكر الحكومة فى كدة ؟!!!!!!!!!!؟

يعني، بيخافوا يكون الفيلم في انتقاد للأوضاع في مصر سواء السياسية أو المعيشية.
وممكن كمان الاستهزاء بالعرب الموجود في معظم الأفلام دي.

آخر فيلم اتصور في مصر كان الفيلم السخيف التافه اللي اسمه Transformers: Revenge of the Fallen. سمحوا لهم انهم يصوروا في بعض الأماكن الأثرية زي الأهرامات والأقصر. ورغم ذلك في مشاهد سخيفة فيها تصوير لظابط مصري على انه شديد القصر وغريب الأطوار وعملوا منه اضحوكة. غير المغالطات الجعرافية اللي في الفيلم. الظاهر ان المسافة ما بين باترا في الأردن وأهرامات الجيزة كام كيلومتر يخدوا نص ساعة بالعربية.

المشاركة الأصلية كتبت بواسطة ignition

انا ضيعت ساعتين من عمرى بجد لما اتفرجت على الفيلم ده , فيلم بجد من اسوأ الافلام اللى شفتها فى حياتى, طول الفيلم الواد بيجرى وماسك فى ايده megan fox وهى عماله تجرى وراه , ولا فيه ...... ولا تمثيل ولا اى حاجه.

اتفق معاك تماماً.

معلش اعذرني، هو أنت عندك كام سنة؟ الواحد مش عارف اذا هو كبر والأفلام دي بقت مش من سنه ولا الفيلم فعلاً تافهه حتى للمراهقين.