عشان تعرفوهم روحوا شجعوهم(اعلان مستفز)

**SeiffoZ** · 02-10-2009 03:18 AM

نفخوا العيال على الفاضى

**lancerevolution** · 02-10-2009 03:21 AM

عشان دى بلد مظاهر فعملوا الإعلان دا

**محمد محمد** · 02-10-2009 03:26 AM

المشاركة الأصلية كتبت بواسطة ahmed samy

حضرتك مكبر الموضوع

اولا المعاملة الواحدة اللي حضرتك بتقول انها واجبة دي تبقى في الحكومة و المصالح الرسمية و المعاملات الورقية و حقوق الانسان و تطبيق القانون و غيره

انما حضرتك عايز كل الناس تعامل كل الناس في المعاملات الشخصية أو اللهجة زي بعضها ؟؟

مستحيل طبعا

الإعلان ظريف و ليه معنى فعلا لأننا مانعرفش العيال دي خالص

و طبيعي لو أنا في العيادة و بعامل الناس كويس

و دخل عليا أبو تريكة مثلا ...هاقوله " اهلا و سهلا بتشتكي من ايه " ؟؟؟؟

لأ طبعا ...

ولو دخل عليا شخص مكروه ...هابتسم في وشه و هاتك يا سلامات و لا كلام رسمي على قد واجب الشغل ؟؟؟

احنا بشر ...في المعاملات بنفرق بعيد عن الحقوق

و على فكرة و أنا باتفرج على الماتش في ناس بيقولو " مش ده بتاع البواب ؟" " ده الواد بتاع التاكسي " و كده

لحد ما عرفوهم

بلاش نحمل المواضيع أكثر مما تحتمل

احنا مش ناقصين كآبة الله يخليك

طب ونتيجة المعاملة ديه كانت ايه!!!
مش عماد متعب كان في منتخب الشباب لما اتشهر والناس بقت عارفاه استغل شهرته ونفوذه اسوأ استغلال ضرب امين شرطة واتخانق معاه مش اللعيبة بس الفنانين المشهورين كمان وبعدين احنا كده كده كنا هنعرفهم يعني احنا عرفنا ابو تريكة ازاي بأخلاقه المحترمة مش بأعلانات تفتكر لما عيل صغير يشوف اعلانات زي دي هايفكر يطلع ايه... اكيد لعيب كورة او غيره حاجة بتجيب شهرة وفلوس ونفوذ ومعاملة خاصة صعب انه يفكر يطلع حاجة تفيد بلده في الوقت اللي احنا محتاجين فيه لنوابغ ومبدعين وانا لااقصد اني اكبر الموضوع او اجيب كأبة لحضرتك يا دكتور احمد او اني اقول لحد متتفرجش علي الماتشات بتاعت المنتخب بس كل حاجة لازم نعقلها بعقولنا ونبين الصح من الغلط.

**Abo_Lina** · 02-10-2009 03:35 AM

عماد متعب اتخانق مع ظابط مش أمين
و عمرو زكي كمان..و فيه ظباط بيبقوا منفوخين و محتاجين حاجة زي دي علشان يعودوا لأرض الواقع ..و عماد متعب كان قال إن الظابط شتمه ..

الفكرة إن لاعب الكورة صورته اتغيرت و أصبح بطل قومي بياخد أوسمة و الرئيس بيستقبله في المطار و الناس بتهتفله في الشارع..
صح غلط مش مهم المهم إن ده الواقع

**sa3dawy** · 02-10-2009 03:47 AM

الصراحة ... الاعلان عاجبنى ومش شايف فية حاجة

**human** · 02-10-2009 03:49 AM

الاعلان جميل و ظريف و مايستحملش تفسيرات عميقه
التليفزيون يتميز بخاصيه مدهشه ان بييجى معاه ريموت عشان اللى مايعجبكش تحوله

**jisso82** · 02-10-2009 03:50 AM

و الله أنا من ساعة ماشفت الإعلان و نفسى أنزل التوبيك ده بس حضرتك سبقتنى كان لما حد يسظرفه و يشوفه مبتكر كنت برد عليه و أقوله أنا مش شايف فيه غير رسالة واحدة ما لم تكن إنسان مشهور و معروف هتتعامل بقلة إحترام زيك زى بقية الشعب

**medo_2060** · 02-10-2009 03:52 AM

اعلان قمه فى الاستفزاز ومعناه لما يتعرفوا هيبقوا فوق القانون ويتعملهم الف حساب والى يفقعك ان المدرب كمان عمل اعلان

**Ahmed_Gadalah** · 02-10-2009 06:30 AM

المشاركة الأصلية كتبت بواسطة ابو الوليد المصرى

السلام عليكم ورحمة الله وبركاته.......
معظمنا بيشوف الأعلانات اللي عاملاها كوكاكولا علشان كأس العالم للشباب اخر اعلان شوفته النهاردة بتاع اللاعب اللي كان راكب تاكس والسواق نزله علشان السواق داخل من طريق تاني وييجوا في اخر الأعلان يقولك عشان تعرفوهم روحوا شجعوهم :10D5C8~1107:الأعلان ده بيستفزني (بيفكرني بأعلان استرجل بناع بيريل ويظهر ان الحركات دي بقت تخصص شركات المياه الغازية والمشروبات المشبوهه) لأن ده فيه نشر لنظام الطبقية الغير مقبولة طب ما السواق يعامل الناس معاملة واحدة يا كدهياكده والبقال يعامل الناس معاملة واحدة هو اللاعب ده احسن من الناس في ايييييه ليييه التمييز في المعاملة اللي مضيع البلد وبيتسبب في ظلم ناس كتير وتضييع حقوق ناس اخرين بدال الأعلانات دي كانوا عملوا اعلانات بتذكر الناس بواجبها والخلق اللي لازم تكون عليه ولا هو الأعلان ده معمول علشان يوضح الصورة العامة اللي المجتمع عابشها.
اسف علي الأطالة.
والسلام عليكم ورحمة الله وبركاته.

+1111111111111111111

**M.almaghraby** · 02-10-2009 06:38 AM

المشاركة الأصلية كتبت بواسطة MoToRiZeR

لأ بصراحة انا شايف الحملة دي دمها خفيف و جميلة .
النقط محل المناقشة عيوب في المجتمع مش في الإعلان .

بالظبط

الموضوع: عشان تعرفوهم روحوا شجعوهم(اعلان مستفز)

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

روحو شجعوهم عشان نسرحوهم

استرجل واشرب بيريل اعلان مستفز جدا

الكلمات الدلالية لهذا الموضوع

المفضلات

المفضلات

ضوابط المشاركة