+1111111111
عرض للطباعة
انا مشفتهاش غير مرتين خلال السنة
اعتقد محدش يقدر يقول إنها انتشرت ولو هنقارن انتشرها بسراتو مثلا مع العلم انهم نازلين مع بعض تقريبا هنعرف مين فيهم أحسن
انا هسالك سؤال واحد بس
انت حضرتك ركبت العربية من جوة و سقتها عالطريق و لا لا
و بعدين ايه اللي منجحش العربية لسة مكملتش سنة و عندي في المنصورة انتشرت جدا و مش عارف ازاي بتقارن بينها و بين السيتي القديمة اللي ب 85 دي
مع احترامي بس صدقني سيادتك شكلك سمعت و مركبتش العربية
لان مفيش وجه مثارنة بين ااسيتي القديمة و الجديدة
الانتشار ليس دليل على النجاح يا سيدي .. ومش معنى كده ان السيراتو وحشة .. طيب ما الصيني انتشر اوي .. ممكن سيارة تنتشر ولا تنجح .. طيب ما العربيات الفيات فيها كماليات اكتر من السيراتو وبنفس الاسعار ..وصناعة اوربي وتقفيل اعلى .. هل معنى كده ان السيراتو احسن ؟؟؟؟؟؟؟؟
الحقيقه انا شايف ان العربيه....منتشرتش بالمستوى المطلوب حتى......كتير من الناس خارجه من حسابتهم....مفيش حد بيفكر فيها لارتفاع سعرها ....قليله...
مش معنى كده ان العربيه سيئه...انا مركبتش العربيه وشوفت تقرير احد الاعضاء عنها عربيه ممتازه جدا...ولكن مينفعش نقول انتصرت على هؤلاء...السيراتو منتصره عليها على الاقل فى مصر...انما كعربيه اعتقد ان السيتى برقبتها
+11111111111111111
السيتي القديمة و الجديدة ......... مش منتشرين خالص .
السيتي الجديدة بأشوفها مع جاري لي فقط لا غير و عمري ما شفتها ماشية على الطريق ..... نهائي بجد ....عمري ما شفتها ماشية على الطريق .
و علشان كدا يبقى أنتصرت أزاي ؟؟؟
لا في أنتصار في السعر ؟؟؟؟؟ سعرها مبالغ فيه !!! ( جودتها لا تبرر السعر العالي )
و لا أنتصار في الأمكانيات الفنية ؟؟؟؟؟؟ لأن أمكانيتها الفنية قريبة جدا من العربيات الأخرى موضع المقارنة من ناحية المحرك . و لكن العربية مش محرك فقط ..... العربية شئ متكامل ..... يعني ثبات ... محرك ..... شكل ...... قلة أعطال .... توافر قطع غيار ........ سعر مناسب ....... و بعدين سعر اعادة بيع لمن يهتم بهذه النقطة ........
و لو أتكلمنا عن السيتي مرة تانية هاقول رأيي بعد قراءة أغلب المداخلات :
السيتي أولا عربية محترمة جدا .
و لكن مش معنى أنها حلوة تبقى أحسن من عربيات في فئة حجمية أعلى منها .
ثبات السيتي أقل من العربيات المذكورة في المقارنة و ده طبيعي لأن العربية مش معمولة لكدا ...... هي عربية مدن و تم تسمتها سيتي للربط بين الهدف من صناعتها و أسمها . و هو توفير البنزين و عدم الحاجة لثبات عالي علشان هي معمولةلتستهدف عملاء لا يحتاجون للسفر الكثير أو بمعنى آخر لا يحتاجون إلى ثبات عالي .
العربية قاعدتها أصغر من كل العربيات اللي في المقارنة علشان هي في فئة أقل حجما ( قاعدة العجل أقصد )
وزنها أقل أيضا مما يساعد المحرك الممتاز أصلا في جر هيكل أخف بالاضافة لتكنولوجيا هوندا في صناعة صناديق السرعات التي تُخرج أكبر قدر ممكن من العزم و القوة الحصانية بدون هالك كثير .
قوة المحرك متقاربة مع قوة محرك الكورولا و الإلنترا و البوما و السيراتو ...... و لكنها أخف منهم وزناً
العربية ممتازة كعربية ............... و لكنا ليست متفوقة في أي شئ على السيارات التي في الفئة الأعلى و أيضا بعض السيارات في الفئة التي أقل منها سعر و أعلى منها حجما .
التفوق كان ممكن يحدث إذا حدث تقارب بين الأمكانيات الممتازة لها مقابل السعر
و لكن بما أن السعر عالي لفئة صغيرة .......... يبقى نقول العربية ممتازة للي حاببها و عايز يشتريها .
إنما سعر عالي في فئة كهذة ........ لا يجعلها تتفوق ...... بل هو نقطة ضعف قللت من أنتشارها .
و التفوق أيضا يظهر في الأنتشار و المبيعات ..........
أين السيتي ؟؟؟؟؟؟؟؟ لا بشوف القديمة و لا الجديدة ....... في أكبر محافظة في جمهورية مصر العربية إلا قليلا .
=============================
نقطة كمان عايز أقولها و أوضحها :
مفيش يا جدعان شركة بتعلن قوة عربية صافي و أجمالي و الكلام ده
كل شركات العالم بما فيها مرسيدس و هوندا و تويوتا و بي أم و سوزوكي و أي شركة مهما كانت صغيرة أو كبيرة
بتعلن عن قوة المحرك قبل توصيله بالات الجر .
المعلومة دي من الشركات الصانعة نفسها ( اللي عايز يتأكد يتفضل يدخل على أي موقع للشركة اللي تعجبه و يتفضل يسألهم بنفسه )
في حاجة أسمها الوزن المقابل للقوة الحصانية
يعني مثلا عربية 100 حصان ووزنها 1000 كجم ....... مقابل
عربية 100 حصان ووزنها 1200 كجم ..........
النتيجة ........... أن الأولى هاتقطع التانية في السحب ........ و السرعة القصوى و زمن الوصول لسرعات معينة .
مثال تاني :
موتوسيكل 50 حصان ووزنه 300 كجم
و عربية 120 حصان ووزنها 1200 كجم
النتيجة
الموتوسيكل هايقطع العربية في السحب و الشد و السرعة القصوى
علشان عامل الوزن و مقاومة الهواء في صالح الموتوسيكل .
مثال تالت
العربية المانوال و الأوتوماتيك من نفس المصنع و نفس الموديل
المانوال سحبها أحسن بكتير و سرعتها القصوى بتكون أعلى دائما .
ليه ؟؟؟؟؟
لو خرج العربية نهائي و صافي زي
يبقى المفروض الأثنين يكونوا نفس التسارع و نفس قوة السحب و نفس السرعة القصوى
و لكن لأن الشركات تحسب القوة الحصانية قبل توصيل الفتيس و الات الجر
لذلك تجد أن بيانات أي سيارة مانوال أو أوتوماتيك في القوة الحصانية و العزم الأجمالي واحد
طيب ليه السحب أختلف و السرعة القصوى أختلفت
علشان القوة الحصانية مش محسوبة بعد توصيل الات الجر و الفتيس
القوة أتحسبت قبل توصيلهم و لذلك
مفيش قوة حصانية مختلفة من مانوال لأوتوماتيك .
طيب أيه اللي يخلي واحد يحس أن عربية سحبها أحسن من التانية لو الأثنين بنفس القوة الحصانية المعلنة من الشركة الصانعة ؟؟
فيه عوامل كتيرة بتأثر على السحب :
تصميم الموتور و الفتيس نفسه .
نوعية البنزين المستخدم طبعا بتأثر ( استخدام البنزين الصحيح الموصى به من الصانع ) .
تصميم العربية نفسه و الأيروديناميك بتاعها .
تصميم الات الجر و مدى كفائتها و نعومتها في الأستجابة و تقليل الهالك من القوة الحصانية .
و نيجي لنقطة مهمة جدا و هي الوزن الأجمالي للمركبة .
المعلومة دي من الصانعين نفسهم ......
كلام تمام
المهم ان فى ناس كتير رايهم معايا
ان استحالة السيتى تتفوق على سيراتو وكورولا
ازاى نقارن السيتى بكورولا
نفسى افهم النقطة دى
ده كفايه اصلا فرق السعر
وفرق الشكل