هو حضراتكم بتقيموا اى عربية على اساس ايه بالزبط ؟؟
هل مدى انتشار الفيرنا ولا الاكسنت من هيونداى دليل على نجاحها او عدم انتشارهم مثلا دليل على فشلها ؟
العملية ليها حسابات وتربيطات اكبر مننا
دى لعبة كبيرة بين التوكيلات والشركات
بالمناسبة حضراتكم عارفين ان سبب وراء تأخير نزول الرينو لوجان المغربية مصر 3 سنين من سنة 2006 اخونا الفاضل غبور بتاع هيونداى عشان يبيع وياكل السوق بالفيرنا الفاشلة
لمجرد انه مشترك فى الاتفاقية وأخل ببنود والمواصفات القياسية لشحنة اوتوبيسات كانت رايحة المغرب من مصانعه
ياريت نبطل نحكم على اى عربية ولا ماركة بالسطحية دى
فمثلا فى عربيات مش منتشرة فى مصر رغم كفائتها العالمية زى فولفو وسوبارو (لسه جايين يعرفوها قريب) والفاروميو وهوندا ومازدا وغيرها لأسباب غالبا مابيكون التوكيل بتاعها هو السبب
وعلى العكس فى تجربة بروتون الماليزية انا شايف انها نجحت جدا فى فترة قصيرة عشان توكيل عز العرب حاطها فى دماغه وسابه من السيتروين
انا شايف بصراحة كده اساس المشكلة فينا احنا لما بنعطى الحاجة اكتر من قيمتها الفعلية والدليل قارنوا بين اسعار موديلات البروتون والبريليانس والهيونداى والكيا اول ما نزلت ودلوقت
هتلاقوا الاسعار فى زيادة مش بتقل وكلها تخفيضات وهمية واسعار مبالغ فيها ولعب بالعملاء واستغلال الطلب الجامد على كل موديل وظاهرة الاوفر برايس
انا عمرى ماشفت فى اى سوق ولا بلد غير بلدنا ان اسعار العربيات بتزيد والناس بتشترى اكتر كل ما تغلى
حسبى الله ونعم الوكيل