تجربتي السيئة جداَ في مركز بردجستون عباس العقاد

**MoToRiZeR** · 04-10-2009 06:01 PM

المشاركة الأصلية كتبت بواسطة ahmed0nouh

هو شكله ايه الصنايعى اللى اشتغل فى العربيه يا محمود

معلش أحمد باشا و انا برد عليك إمبارح النت فصل .
مش فاكر شكله بالضبط بس هو كان بينقلي طول الوقت إحساس إنه مش عايز يشتغل أو بيشتغل تفضلاَ منه رغم إنه لسة جي و جي متأخر و لم يفكر يعتذر حتي للناس اللي واقفة مستنية !

**MoToRiZeR** · 04-10-2009 06:26 PM

المشاركة الأصلية كتبت بواسطة se_coralsea

واضح أن عدم الامانة و الاستهتار و الكروته هي السمة الغالبة لمعظم الفنيين في مصر و أذا لم يوجد من يراقب و بشدة مثل هذه التصرفات من قبل بعض الفنيين كنا مش هنلاقي مركز و لاتوكيل في مصر شغالين أصلا
[/color]

المشاركة الأصلية كتبت بواسطة karim_monir

كان المفروض تكلمنى او تكلم مهندس نجاد على التليفون وانت واقف
واكتر من عضو لما حصلت شكوى كلموني مباشرة واتصرفت وقتها
ايش حال ان انت هنا من فحت البحر
عامة انا اشتغلت معاهم اكتر من مرة والشغل كان كويس جدا

وانا كلمت مهندس نجاد من شوية بس للاسف كان مريض وفي اجازة
لما يرجع ان شاء الله هابقي ابلغة

شكراَ كريم باشا لإهتمامك الله يكرمك
للأسف مجاش في دماغي ساعتها و انا عامة كنت مندهش لأن كل اللي كان بيروح هناك كان بيرجع بإنطباع إيجابي لذلك انا رحت هناك هرباَ "بلية" و لكن مشيت بقول فينك يا بلية !

زي ما قال باشمهندس سمير للأسف الإستهتار هو السمة الغالبة علي العمال في مصر مهما كان المؤسسة اللي بيشتغلوا فيها كبيرة قد إيه .. و ده لسمته في أماكن كتير كتوكيلات و مراكز خدمة .. علي سبيل المثال في توكيل دايهاتسو هناك مهندس معين "يعرفه ملاك دايهاتسو" هو مهندس أحمد عبد الوهاب في مركز دايهاتسو العبور .. لولا وجوده في المركز كان ناس كتير جداَ جداَ و انا منهم بطلوا التعامل مع التوكيل أصلاَ لأنه بيمثل الدرع الواقي للطلسأة و الإستهتار و واقف بإيده علي كل عربية بتتعمل .. في مركز أبو رواش هناك مهندس محمد عبد الصمد .. في بردجستون فيه مهندس نجاد .. و لكن كيف ستكون هذه الأماكن في غيابهم !؟

ستكون بالطبع أماكن تقدم خدمات عادية و أقل من عادية بأسعار عالية و بس ! لأن العميل مش هيستفيد بحاجة بالمكان اللي شكله جميل و اليونيفورم الموحد للعمال طالما هناك إستهتار من العنصر البشري .. يعني إذا كان العامل في بردجستون اللي بيعملي لحام ب 30 جنيه و 50 جنيه بحس معاه بنفس المخاطرة اللي بيعملهالي بتاع الكاوتش اللي بيلحملي الكاوتش ب 7 جنيه .. هروحله ليه ؟

للأسف ناس كتير بتبص تحت رجليها و خلاص زي سواق التاكسي اللي مش مهم عنده الشارع يقف بس يجيب الوردية و ميعرفش إنه في النهاية هيقف معاهم .. العامل اللي بيطلسأ و يشتغل العميل عشان يمشيه و خلاص و اليوم يعدي و ميعرفش إن العميل هيطلع يتكلم و مع كثرة الشكاوي قد يفقد وظيفته ! و إيه الفرق بين مؤسسة كبيرة و ورشة صغيرة طالما العنصر البشري واحد ؟!

إفتكرت جملة سمعتها من فترة و مع الوقت بأزداد إقتناعاَ بيها

"الفساد لم يعد ظاهرة نعاني منها، بل أصبح رابطة تجمعنا"

**أبو صلاح** · 04-10-2009 06:51 PM

والله انت ضايقتني بالكلام ده
لكن معلش انا لي وجهة نظر
دلوقتي المنتدى هنا بيسعى لخدمة أعضاءه
ده دور واضح جدا
انت المفروض تنتظر هنا رد المهندس نجاد عى شكوتك
ولازم يتدخل في الامر ده كريم منير ويتابعه مع المهندس نجاد
واكيد لازم تيجي على نفسك ويكونلك زيارة كمان للمركز في وجود المهندس نجاد شخصيا
علشان نتجنب القيل والقال

**Ahmed Nouh** · 04-10-2009 07:16 PM

المشاركة الأصلية كتبت بواسطة motorizer

معلش أحمد باشا و انا برد عليك إمبارح النت فصل .
مش فاكر شكله بالضبط بس هو كان بينقلي طول الوقت إحساس إنه مش عايز يشتغل أو بيشتغل تفضلاَ منه رغم إنه لسة جي و جي متأخر و لم يفكر يعتذر حتي للناس اللي واقفة مستنية !

ولا يهمك يا باشا

بس هو من وصفك عرفته اساسا , شاب كدا شكله يعصب اساسا وتحس انه شغال يعنى بيسلى وقته وهتروح فى اى وقت تدور عليه

اصل انا دايما بروح هناك وعارف اشكال كل الناس اللى هناك وال 3 اللى بيشتغلو فى الكاوتش قمه فى الاخلاق والادب لكن الشاب بتاع الزوايا ده حاجه تانيه خالص

**MoMohsen** · 04-10-2009 08:09 PM

دة الموضوع اللى كنت عملت فيه نفس الشكوى قبل كدة
http://www.nilemotors.net/Nile/77261-a.html

**aliabutaleb** · 05-10-2009 11:46 AM

المشاركة الأصلية كتبت بواسطة karim_monir

عامة انا اشتغلت معاهم اكتر من مرة والشغل كان كويس جدا

بالظبط كدة
نفس الشئ بالنسبة لفرع سموحة في إسكندرية
ومهما كانت السلبيات انا شايفه أفضل بمراحل من شغل بلية وأكثر أماناً
حتى لما جربت عندهم الكار كير وطلعت قائمة سلبيات في دماغي لا زلت شايف إن إيجابياتهم أكتر من سلبياتهم بكتير بس المهم إننا نحاول نساعدهم على مواجهة السلبيات دي وتلافيها بالحوار معاهم

**Ashraf_Ashraf** · 05-10-2009 04:33 PM

مشكلتنا مبدا دا زبون ومش بيفهم حاجه ادبحه ماهو مش هيجى تانى
دا فلسفه كل الصناعيه ومراكز الخدمه فى مصر الفهلوه والنصب
معلش ربنا يعوض عليك

**Ashraf_Ashraf** · 05-10-2009 04:37 PM

المشاركة الأصلية كتبت بواسطة karim_monir

كان المفروض تكلمنى او تكلم مهندس نجاد على التليفون وانت واقف
واكتر من عضو لما حصلت شكوى كلموني مباشرة واتصرفت وقتها
ايش حال ان انت هنا من فحت البحر
عامة انا اشتغلت معاهم اكتر من مرة والشغل كان كويس جدا

وانا كلمت مهندس نجاد من شوية بس للاسف كان مريض وفي اجازة
لما يرجع ان شاء الله هابقي ابلغة

معلش مع قمه احترامى ليك
بس هو انا المفروض لما اعمل اى شغل فى اى حته لازم يبقى معايا وسطه ادخل محطه البنزين ولا عند الميكانيكى
لازم اجيب معايا معرفه ولا اقوله انا من طرف فلان هو خلاص معدش حد عنده ضمير من الصناعيه يعمل شغله بدون واسطه ولا بقشيش
للاسف خلاص بقى ده هو الاصل فى التعامل مع الصناعيه فى كل المجالات

**أبو صلاح** · 06-10-2009 02:59 PM

في انتظار رد مهندس نجاد

**Karim_Monir** · 06-10-2009 03:30 PM

المشاركة الأصلية كتبت بواسطة ash_rsi

معلش مع قمه احترامى ليك
بس هو انا المفروض لما اعمل اى شغل فى اى حته لازم يبقى معايا وسطه ادخل محطه البنزين ولا عند الميكانيكى
لازم اجيب معايا معرفه ولا اقوله انا من طرف فلان هو خلاص معدش حد عنده ضمير من الصناعيه يعمل شغله بدون واسطه ولا بقشيش
للاسف خلاص بقى ده هو الاصل فى التعامل مع الصناعيه فى كل المجالات

لاء طبعا
لكن لما يكون في سلبيات بيكون في شخص مفوض نتكلم معاه
ومانصغرش نفسنا ونتكلم مع صنايعية
وللاسف معظم وليس كل الصنايعية مابقاش عندهم ضمير ولازم تبقي واقف عينك مفتحة كويس

الموضوع: تجربتي السيئة جداَ في مركز بردجستون عباس العقاد

LinkBack

أدوات الموضوع

عرض

-

-

-

-

-

المواضيع المتشابهه

أفاده فى عباس العقاد

بريدجستون عباس العقاد ...... أصدق مين ولا مين؟؟؟

من حلوان الى فرع بريدجستون عباس العقاد

مركز بريدجستون فى عباس العقاد

إزاى أروح مركز كارتك من عباس العقاد؟؟

الكلمات الدلالية لهذا الموضوع

المفضلات

المفضلات

ضوابط المشاركة